ລິ້ງ ສຳຫລັບເຂົ້າຫາ

ມີຫຼາຍຄຳຖາມ ໃນການພົວພົວ ລະຫວ່າງ ທະຫານກັບ​ທະຫານ ຂອງ ສຫລ ແລະ ຈີນ


ການຝຶກຊ້ອມ ໂດຍໃຊ້ເຮືອກ່ຳປັ່ນບັນທຸກເຮືອບິນ ແລະເຮືອບິນອາຍພົ່ນ ທີ່ໃຊ້ລູກປືນແທ້ ຂອງຈີນ ບິນອອກປະຕິບັດການ ຢູ່ໃນທະເລ Bohai ຂອງຈີນ, ວັນທີ 14 ທັນວາ 2016.

ການພົວພົວ ລະຫວ່າງທະຫານກັບ​ທະຫານຂອງສະຫະລັດ​ແລະຈີນ ສຳລັບປີ 2017 ນີ້
ແມ່ນເລີ່ມຕົ້ນຂຶ້ນຢ່າງຊ້າໆ ແລະມີການ​ຕັ້ງຫຼາຍຄຳຖາມ ກ່ຽວກັບວ່າ ໂຄງການນີ້ ໄດ້ຖືກ
ໂຈະໄວ້ ຫຼື ແມ່ນກະທັງຖືກຕັດ​ລົງ ໂດຍລັດຖະບານທ່ານ ທຣຳ ຫຼືບໍ່.

ຈີນ ໄດ້ເປີດເຜີຍ ເຮືອບິນລົບ J-20 ທີ່ເຣດາ ຈັບບໍ່ໄດ້ ຫຼື stealth fighter ໃນລະຫວ່າງ ງານສະແດງເຮືອບິນ ທີ່ເມືອງ Zhuhai ແຂວງ Guangdong ຂອງຈີນ, ວັນທີ 1 ພະຈິກ 2016.
ຈີນ ໄດ້ເປີດເຜີຍ ເຮືອບິນລົບ J-20 ທີ່ເຣດາ ຈັບບໍ່ໄດ້ ຫຼື stealth fighter ໃນລະຫວ່າງ ງານສະແດງເຮືອບິນ ທີ່ເມືອງ Zhuhai ແຂວງ Guangdong ຂອງຈີນ, ວັນທີ 1 ພະຈິກ 2016.

ຜູ້ບັນຊາການກອງທັບເຮືອສະຫະລັດ ທ່ານ Gary Ross ຊຶ່ງເປັນໂຄສົກຂອງທຳນຽບ
ຫ້າແຈ ສຳລັບ​ກິດຈະການເອເຊຍປາຊີຟິກ ໄດ້ບອກຕໍ່ວີໂອເອວ່າ ໄດ້ມີການພົວພັນ
ໂດຍກົງ ອັນນຶ່ງທາງດ້ານທະຫານ ລະຫວ່າງສອງກອງທັບ ນັບຕັ້ງແຕ່ ຕົ້ນປີນີ້ມາ ​ໃນ
ການພົບປະ ​ເມື່ອວັນທີ 18 ມັງກອນ ກ່ຽວກັບການປະສານງານ ໃນດ້ານນະໂຍບາຍ
ປ້ອງກັນປະເທດ ຊຶ່ງຮວມທັງການປຶກສາຫາລືໃນເລື່ອງແຜນ ການປະຈຳປີ.

ທ່ານ Bryan Clark ເຈົ້າໜ້າທີ່ອາວຸໂສ ຢູ່ທີ່ອົງການວິເຄາະ CSBA ຢູ່ໃນວໍຊິງຕັນ ໄດ້ບອກຕໍ່ວີໂອເອວ່າ ແຜນການພົວພັນເຫຼົ່ານີ້ ຕາມທຳມະດາແມ່ນ​ໄດ້ຕົກລົງ​ກັນ ຕັ້ງ​ແຕ່ລະດູໃບໄມ້ລົ່ນ ຂອງປີກາຍ​ນີ້.

ທ່ານ Ross ໄດ້ກ່າວ ເມື່ອທ້າຍສັບປະດາແລ້ວນີ້ ວ່າ ລັດຖະບານທ່ານທຣຳ ບໍ່ໄດ້ສັ່ງ​ໃຫ້ທຳນຽບຫ້າແຈຍຸຕິ ຫຼືຫລຸດ​ການພົວພັນທາງດ້ານທະຫານ ລະຫວ່າງ ສະຫະລັດ
ແລະຈີນ.

ນາຍພົນ Joseph Dunford ປະທານ​ເສນາ​ທິການ​ຮ່ວມ​ ໄປຮອດ ທຳນຽບຫ້າແຈ ຫຼື Pentagon, ວັນທີ 21 ມັງກອນ 2017 ໃນນະຄອນຫຼວງວໍຊິງຕັນ.
ນາຍພົນ Joseph Dunford ປະທານ​ເສນາ​ທິການ​ຮ່ວມ​ ໄປຮອດ ທຳນຽບຫ້າແຈ ຫຼື Pentagon, ວັນທີ 21 ມັງກອນ 2017 ໃນນະຄອນຫຼວງວໍຊິງຕັນ.

ກະຊວງປ້ອງກັນປະເທດຈີນ ໄດ້ຢືນຢັນວ່າ ທັງສອງຝ່າຍກຳລັງທຳງານ ເພື່ອຈັດການ ພົວພັນຮ່ວມກັນຢູ່. ໂຄສົກທ່ານນຶ່ງຂອງກະຊວງປ້ອງກັນປະເທດຈີນ ໄດ້ກ່າວໃນວັນ
ພະຫັດມື້ນີ້ ວ່າ ຈີນ​ໃຫ້ຄວາມສຳຄັນເປັນຢ່າງຍິ່ງ ຕໍ່ການພັດທະນາໃນດ້ານ ຂອງສາຍ
ພົວພັນ ລະຫວ່າງກອງທັບຂອງຈີນ ແລະສະຫະລັດ ແລະ ຫວັງວ່າ ສະຫະລັດ ຈະຮ່ວມ
ກັນສົ່ງເສີມພັດທະນາ ສາຍພົວພັນຂອງທັງສອງກອງທັບ ໃຫ້ຍືນຍົງ ແລະໝັ້ນຄົງ​ຍິ່ງ​ຂຶ້ນ.

ອີງຕາມບັນທຶກ​ແລ້ວ ໃນລະຍະສາມປີທີ່ຜ່ານມາ ພາຍໃນທ້າຍເດືອນກຸມພານີ້ ໄດ້ມີ ການພົວພັນຢ່າງນ້ອຍນຶ່ງຄັ້ງ ລະຫວ່າງເຈົ້າໜ້າທີ່ຂັ້ນສູງສຸດ ຂອງທັງສອງກອງທັບ.

ນາຍພົນ Joseph Dunford ປະທານ​ເສນາ​ທິການ​ຮ່ວມ​ ໄດ້ສະເໜີແນະໃນວັນ
ພະຫັດມື້ນີ້ ໃນການສົນທະນາກັນ ຢູ່ທີ່ສະຖາບັນ Brookings ວ່າ ສາຍພົວພັນຂອງ
ກອງທັບ ສະຫະລັດ ກັບຈີນ ແມ່ນເຊື່ອມໂຍງກັບສາຍພົວພັນທາງດ້ານການເມືອງ
ລະຫວ່າງ ທັງສອງປະເທດ.

ອ່ານຂ່າວນີ້ຕື່ມ ເປັນພາສາອັງກິດ

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG