ລິ້ງ ສຳຫລັບເຂົ້າຫາ

ວັນສຸກ, ໑໔ ມິຖຸນາ ໒໐໒໔

ທ່ານ Gates ເສັດສິ້ນ ການຢ້ຽມຢາມຈີນ


ທ່ານ Robert Gates ລັດຖະມຸນຕີປ້ອງກັນປະເທດສະຫະລັດ ແລະ
ທ່ານຫູ ຈິນເຖົາ ປະທານປະເທດຈີນ. ວັນທີ 11 ມັງກອນ 2011
ທ່ານ Robert Gates ລັດຖະມຸນຕີປ້ອງກັນປະເທດສະຫະລັດ ແລະ ທ່ານຫູ ຈິນເຖົາ ປະທານປະເທດຈີນ. ວັນທີ 11 ມັງກອນ 2011

ທ່ານ Robert Gates ລັດຖະມຸນຕີປ້ອງ​ກັນ​ປະ​ເທດ​ສະຫະລັດ​ໄດ້​ເສັດ​ສິ້ນ​ການຢ້ຽມຢາມ​ຈີນ​ເປັນ​ເວລາ 4 ມື້​ຂອງ​ທ່ານ ​ໂດຍກ່າວ​ວ່າ ທ່ານ​ພົບ​ເຫັນ​ວ່າ ທັງ​ບັນດາ​ຜູ້​ນໍາ​ພົນລະ​ເຮືອນ​ແລະ​ທະຫານ​ຕຽມ​ພ້ອມ​ທີ່​ຈະເຮັດ​ໃຫ້​ສາຍ​ພົວ
ພັນ​ລະຫວ່າງ​ສະຫະລັດ​ແລະ​ຈີນກ້າວຂຶ້ນ​ສູ່​ລະດັບ​ໃໝ່.

ທ່ານ Gates ​ໃຊ້​ເວລາ​ວັນ​ພຸດ​ມື້​ນີ້​ທ່ຽວ​ຢ້ຽມຢາມ​ສູນ​ບັນຊາ​
ການ​ນີວ​ເຄລຍຂອງຈີນ ​ແລະ​ທ່ຽວ​ຊົມ​ກໍາ​ແພງ​ເມືອງ​ຈີນ​ໃນ
ພາກ​ເໜືອ​ຂອງ​ກຸງ​ປັກ​ກິ​ງ ກ່ອນ​ບິນ​ອອກຈາກ​ຈີນ​ໄປ​ຍັງ​ຍີ່
ປຸ່ນ ​ແລະ​ທ່ານ​ຈະ​ໄປ​ແວ່​ຢ້ຽມຢາມ​ເກົາຫລີ​ໃຕ້​ໃນ​ວັນ​ສຸກ​ມື້
ຮື​ນີ້.

ທ່ານ Gates ກ່າວ​ວ່າ ທ່ານ​ມີ​ຄວາມ​ດີ​ອົກ​ດີ​ໃຈ​ນໍາ​ການ​ໂອ້​ລົມ​ສົນທະນາ​ກັນຢ່າງ​ກົງ​ໄປ​
ກົງ​ມາ​ກັບ​ພວກ​ຜູ້​ບັນຊາ​ການ​ກອງ​ບັນຊາ​ການ​ໃຫຍ່​ສົງຄາມ​ນິວ​ເຄລຍ ຮວມທັງ​ການ​ໂອ້​ລົມ​ສົນທະນາ​ກັນໃນ​ເລື້ອງ​ຍຸດ​ທະ​ສາດ​ນິວ​ເຄລຍຂອງ​ຈີນ​ນັ້ນ.

ທ່ານ Gates ກ່າວ​ຕື່ມ​ວ່າ ຜູ້​ບັນຊາ​ການ​ສໍານັກງານ​ໃຫຍ່​ທີ່​ເມືອງ Qingheຢູ່​ນອກ​ກຸງ​ປັກ​
ກິ​ງ ​ໄດ້​ຮັບ​ການ​ເຊື້ອ​ເຊີນ​ໃຫ້​ໄປ​ຢ້ຽມຢາມເພື່ອເປັນ​ການ​ຕອບ​ສະໜອງ​ທີ່​ສໍານັກງານ​ໃຫຍ່​
ຂອງ​ກອງ​ບັນຊາ​ການ​ຍຸດ​ທະ​ສາດ​ຂອງ​ສະຫະລັດ​ໃນ​ລັດ Nebraska ຂອງ​ສະຫະລັດ.

ທ່ານ Gates ກ່າວ​ວ່າ ທ່ານ​ມີ​ຄວາມ​ດີ​ອົກ​ດີ​ໃຈ​ນໍາ​ຜົນ​ຂອງ​ການ​ຢ້ຽມຢາມ​ຂອງ​ທ່ານ​ໃນ​ຄັ້ງ​ນີ້ ຊຶ່ງ​ໄດ້​ຕັ້ງ​ໃຈ​ໄວ້​ວ່າ ຈະ​ສ້າງ​ຕັ້ງ​ການ​ຕິດ​ຕໍ່​ພົວພັນ​ກັນ​ໂດຍ​ກົງ​ລະຫວ່າງ​ສອງ​ກອງທັບ​ດ້ວຍ​ເປົ້າ​ໝາຍ​ເພື່ອ​ຫາ​ທາງ​ຫລີກ​ລ້ຽງ​ຄວາມ​ເຂົ້າ​ໃຈ​ຜິດ​ກັກ​ນ​ແລະ​ການ​ຄາດ​ຄະ​ເນ​ຜິດ. ທ່ານ​ກ່າວ​ຕື່ມ​ວ່າ ທ່ານ​ເຊື່ອ​ວ່າ ການ​ພົບ​ປະ​ຂອງ​ທ່ານ​ໄດ້​ຈັດ​ຕັ້ງ​ຖານ​ສໍາລັບ​ເພື່ອ​ເຮັດ​ໃຫ້​ສາຍ​ພົວພັນ​ທາງ​ທະ​ຫານ​ໃຫ້​ຂຶ້ນ​ສູ່​ລະດັບ​ໃໝ່.

XS
SM
MD
LG