ລິ້ງ ສຳຫລັບເຂົ້າຫາ

ວັນຈັນ, ໐໔ ມີນາ ໒໐໒໔

ທ່ານ Joe Biden ແລະທ່ານ Xi Jinping ເລີ່ມເຈລະຈາກັນ


ຮອງປະທທານປະເທດຈີນທ່ານ Xi Jinping (ຊ້າຍ) ກວດແຖວທະຫານກອງກຽດຕິຍົດຮ່ວມກັບຮອງປະທານາ ທິບໍດີສະຫະລັດທ່ານ Joseph Biden ໃນພິທີຕ້ອນຮັບ ທີ່ຫໍສາລາປະຊາຊົນ (18 ສິງຫາ 2011)
ຮອງປະທທານປະເທດຈີນທ່ານ Xi Jinping (ຊ້າຍ) ກວດແຖວທະຫານກອງກຽດຕິຍົດຮ່ວມກັບຮອງປະທານາ ທິບໍດີສະຫະລັດທ່ານ Joseph Biden ໃນພິທີຕ້ອນຮັບ ທີ່ຫໍສາລາປະຊາຊົນ (18 ສິງຫາ 2011)

ຮອງປະທານາທິບໍດີຂອງສະຫະລັດແລະຮອງປະທານປະເທດຈີນເປີດການເຈລະຈາຫາລືຢ່າງ
ເປັນທາງການທີ່ນະຄອນຫຼວງປັກກິ່ງ ພ້ອມກັບຄຳເຕືອນທີ່ວ່າ ຄວາມສຳພັນທີ່ດີລະຫວ່າງປະ
ເທດຂອງພວກທ່ານທັງສອງສາມາດສ້າງຜົນປະໂຫຍດໃຫ້ແກ່ໂລກທັງມວນໄດ້.

ຮອງປະທານາທິບໍດີ Joe Biden ແລະຮອງປະທານປະເທດ Xi Jinping ເລີ່ມການສົນ
ທະນາຫາລື​ກັນໃນວັນພະຫັດມື້ນີ້ລຸນຫຼັງພິທີຕ້ອນຮັບຢ່າງໃຫຍ່ທີ່ຫໍສາລາປະຊາຊົນໃນນະ
ຄອນຫຼວງປັກກິ່ງ.

ອົງການຂ່າວຊິນຫົວຂອງທາງການຈີນໄດ້ອ້າງຄຳເວົ້າຂອງທ່ານ Xi ທີ່ກ່າວໃນຄຳປາໄສ​ໄຂ
ກອງປະຊຸມວ່າ ປະເທດທັງສອງມີຜົນປະໂຫຍດ ແລະຄວາມຮັບຜິດຊອບຮ່ວມກັນຫຼາຍຂຶ້ນ
ນັບມື້ແບບທີ່ບໍ່ເຄີຍມີມາກອນ. ທ່ານເວົ້າວ່າ ຄວາມສຳພັນທີ່ໄດ້ຮັບການປັບປຸງໃຫ້ດີຂຶ້ນແມ່ນ
ນອນຢູ່ໃນຜົນປະໂຫຍດ ບໍ່ພຽງແຕ່ສຳລັບປະເທດທັງສອງທໍ່ນັ້ນ ແຕ່ສຳລັບໂລກທັງມວນນໍາ
ດ້ວຍ.

ທ່ານ Biden ກ່າວຕອບວ່າ ສະຖຽນລະພາບທາງດ້ານເສດຖະກິດຂອງໂລກ ແມ່ນກາງຕໍ່
ຢ່າງໃຫຍ່ຫຼວງຕໍ່ການຮ່ວມມືລະຫວ່າງປະເທດທັງສອງ.

ເປັນທີ່ຄາດກັນວ່າ ການເຈລະຈາຫາລືທີ່ວ່ານີ້ ຈະເພັ່ງເລັງໃສ່ບັນຫາຕ່າງໆທາງດ້ານເສດຖະ
ກິດ​ໂດຍທີ່ທ່ານ Biden ພວມພະຍາຍາມໃຫ້ການຄໍ້າປະກັນແກ່ຄູ່ຕຳແໜ່ງຂອງທ່ານວ່າສະ ຫະລັດມີເສດຖະກິດທີ່ມີພື້ນຖານໝັ້ນຄົງ ແລະການລົງທຶນຂອງຈີນແມ່ນມີຄວາມປອດໄພດີ.

XS
SM
MD
LG