ທ່ານ Joe Biden ຮອງປະທານາທິບໍດີສະຫະລັດເດີນທາງໄປຮອດຈີນແລ້ວ ເພື່ອເລີ້ມ
ທໍາການຢ້ຽມຢາມເອເຊຍເປັນເວລາ 6 ມື້ ທີ່ຮວມທັງການຢຸດແວ່ທີ່ມົງໂກເລຍ ແລະຍີ່
ປຸ່ນນໍາ.
ການຢຸດແວ່ຢ້ຽມຢາມຈີນຂອງທ່ານ Biden ມີຂຶ້ນທ່າມກາງຄວາມເປັນຫ່ວງກັງວົນ ທີ່
ກໍາລັງເພີ່ມທະວີຂຶ້ນຂອງທັງສອງຝ່າຍກ່ຽວກັບຊ່ອງແຄບໄຕ້ຫວັນວ່າ ສະຫະລັດຈະຕັດ
ສິນໃຈແບບໃດກ່ຽວກັບການ ທີ່ໄຕ້ຫວັນຂໍຊື້ອາວຸດຄັ້ງໃໝ່ຈາກສະຫະລັດນັ້ນ.
ບັນດາເຈົ້າໜ້າທີ່ສະຫະລັດໄດ້ກ່າວເນ້ນວ່າ ທ່ານ Biden ຢາກຈະໃຊ້ເວລາຢ້ຽມຢາມຈີນ
ເປັນເວລາ 4 ມື້ຂອງທ່ານເພື່ອໃຫ້ຄວາມໝັ້ນໃຈແກ່ຈີນກ່ຽວກັບລະບົບການເງິນຂອງ
ສະຫະລັດ ແລະເພື່ອສ້າງສາຍພົວພັນກັບຄະນະນໍາພາຂອງຈີນຮຸ່ນຕໍ່ໄປ.
ລາຍງານຂ່າວທັງຂອງຈີນແລະໄຕ້ຫວັນຕ່າງກໍໃຫ້ຂໍ້ສັງເກດວ່າ ການເດີນທາງໄປຮອດຈີນ
ຂອງທ່ານ Biden ແມ່ນຕົງກັນກັບວັນຄົບຮອບປີແຫ່ງວັນຂີດໝາຍຖະແຫລງການຮ່ວມ
ທີ່ສຳຄັນສະບັບປີ 1982 ທີ່ສະຫະລັດໄດ້ໃຫ້ຄໍາໝັ້ນສັນຍາພ້ອມກັບສິ່ງອື່ນໆ ເພື່ອລົດ
ການຂາຍອາວຸດຂອງສະຫະລັດແກ່ໄຕ້ຫວັນລົງເປັນຂັ້ນໆໄປນັ້ນ.
