ລິ້ງ ສຳຫລັບເຂົ້າຫາ

ວັນເສົາ, 13 ສິງຫາ 2022

ທ່ານ ໂຈ ບາຍເດັນ ບອກຈີນວ່າ ເສດຖະກິດສະຫະລັດ ຍັງເຂັ້ມແຂງ


ຮອງປະທານາທິບໍດີສະະລັດ ທ່ານ ໂຈ ບາຍເດັນ ແລະຫລາຍສາວຂອງທ່ານ ພ້ອມດ້ວຍ ທ່ານ Gary Locke ເອກອັກຄະລັດຖະທູດສະຫະລັດ ປະຈໍາຈີນ ຕອນເດີນທາງໄປຮອດເມືອງເຈັງດູ ໃນວັນເສົາ ທີ 20 ສິງຫາ 2011.

ຮອງປະທານາທິບໍດີສະຫະລັດ ທ່ານ ໂຈ ບາຍເດັນ ໄດ້ໃຫ້ຄວາມ​ໝັ້ນ​ໃຈແກ່ຈີນຄືນໃໝ່ອີກ ວ່າສະຫະລັດຈະບໍ່ມີ​ວັນຜິດສັນຍາການຊໍາລະໜີ້ ຂອງຕົນຢ່າງເດັດຂາດ.

ໃນຄໍາປາໃສຂອງທ່ານ ຕໍ່ບັນດານັກສຶກສາ ທີ່ມະຫາວິທະຍາໄລຊີ​ສວນ ໃນເມືອງ​ເຈັງ​ດູ ທາງພາກຕາເວັນຕົກສຽງໃຕ້ຂອງຈີນນັ້ນ ທ່ານ ບາຍເດັນເວົ້າວ່າ ປະຊາຊົນ​ອາ​ເມຣິກັນ
ຍັງ​ເປັນ​ຜູ້​ຖືໜີ້ສິນຂອງສະຫະລັດ​ ທີ່​ເພິ່ມທະວີ​ຫລາຍ​ຂຶ້ນ​ເລື້ອຍໆ​ນັ້ນ ໃນຈໍານວນມະ
ຫາສານ. ດັ່ງນັ້ນ ວໍຊິງຕັນ ແມ່ນມີເຫດຜົນພາຍໃນປະເທດທີ່ໃຫຍ່ກວ່າ ທີ່ຈະຕ້ອງເປັນ
ຫ່ວງຢ່າງໜັກ ກ່ຽວກັບການຊໍາລະໜີ້ນັ້ນ.

ນອກນີ້ແລ້ວ ທ່ານ ບາຍເດັນ ກ່າວວ່າ ທ່ານໝັ້ນໃຈກ່ຽວກັບຄວາມເຂັ້ມແຂງຂອງເສດຖະ ກິດສະຫະລັດ ທ່ານຮອງ​ປະທານາທິບໍດີ​ສະຫະລັດ ໄດ້ບອກພວກນັກສຶກສາວ່າ ຜົນຜະລິດລວມ ຫລື ຈີດີພີ ຂອງສະຫະລັດນັ້ນມີ ມູນຄ່າເກືອບ 15 ພັນຕື້ໂດລາແລ້ວ ຄືປະມານ ສອງເທົ່າເຄິ່ງ ຂອງຈີ​ດີ​ພີຂອງຈີນ ທີ່ເສດຖະກິດໃຫຍ່ອັນດັບສອງຂອງໂລກນັ້ນ.

ທ່ານ ບາຍເດັນ ກ່າວສະແດງຄວາມຍິນດີນໍາການເຕີບໂຕຂອງເສດຖະກິດຈີນ ແລະໃຫ້ຂໍ້ ສັງເກດວ່າ ທັງສະຫະລັດແລະຈີນຕ່າງກໍປະເຊີນກັບໄພຂົ່ມ ຂູ່ຂອງໂລກຫລາຍໆປະການ ທີ່ຄືກັນ ແລະກໍ​ມີວັດຖຸປະສົງທາງ​ຍຸທະສາດ ແລະຄວາມຮັບຜິດຊອບອັນດຽວກັນຫລາຍໆ​ຢ່າງ​ນໍາ.

ເວລານີ້ຈີນຖືຄອງໜີ້ສິນຂອງສະຫະລັດ ​ໃນຈໍານວນປະມານ 1 ພັນຕື້ໂດລາ ​ເຮັດ​ໃຫ້​ຈີນ ເປັນເຈົ້າໜີ້ຕ່າງປະເທດລາຍໃຫຍ່ທີ່ສຸດຂອງສະຫະລັດ. ຈີນໄດ້ສະແດງຄວາມເປັນຫ່ວງທີ່​ ການ​ຕົກລົງ​ກັນ​ຂອງ​ພວກ​ນັກ​ການ​ເມືອງ​ສະຫະລັດ ​ໃນ​ການຍົກລະດັບເພດານໜີ້ສິນນັ້ນພຽງ ແຕ່​ເຮັດ​ໃຫ້​ສາມາດ ຫລີກລ່ຽງການຜິດສັນຍາຊໍາລະໜີ້ເທົ່ານັ້ນ ແຕ່ບໍ່​ໄດ້ລຸດການຂາດດຸນ ງົບປະມານລົງຫລາຍ​ພໍ.

XS
SM
MD
LG