ມີລາຍງານວ່າຕໍາຫຼວດຈີນ ໄດ້ກັກຂັງປະຊາຊົນຫຼາຍຮ້ອຍຄົນ ອັນເປັນພາກສ່ວນນຶ່ງໃນການ ຄວບຄຸມການເຄື່ອນໄຫວໄປມາເພື່ອຮັກສາຄວາມປອດໄພ ໃນນະຄອນ Lhasa ເມືອງຫຼວງຂອງທິເບດ ຫຼັງຈາກຊາວທິເບດສອງຄົນ ຈູດເຜົາຕົນເອງເມື່ອຕົ້ນອາທິດນີ້ ເພື່ອປະທ້ວງການປົກຄອງຂອງຈີນ.
ວິດທະຍຸເອເຊຍເສລີທີ່ໄດ້ຮັບການສະໜັບສະໜຸນໂດຍລັດຖະບານສະຫະລັດໄດ້ອ້າງແຫຼ່ງຂ່າວ ທ້ອງຖິ່ນເມື່ອຕອນບ່າຍວັນພຸດວານນີ້ທີ່ເວົ້າວ່າ ເຈົ້າໜ້າທີ່ຈີນໄດ້ກັກຂັງຊາວທິເບດປະມານ 600 ຄົນແລະເວົ້າອີກວ່າ ບຸກຄົນອື່ນໆ ທີ່ມາຈາກນອກເຂດປົກຄອງຕົນເອງທິເບດນັ້ນ ກໍໄດ້ຖືກຂັບໄລ່ໜີ.
ເມື່ອວັນອາທິດຜ່ານມານີ້ ຊາຍ
ໜຸ່ມສອງຄົນໄດ້ຈູດເຜົາຕົນເອງ
ຢູ່ບໍລິເວນນອກວັດ Johhang
ທີ່ມີຊື່ສຽງຂອງເມືອງຫຼວງລາຊ່າ
ຊຶ່ງນັບວ່າເປັນເຫດຮ້າຍເທື່ອທໍາ
ອິດ ທີ່ເກີດຂຶ້ນຢູ່ໃນນະຄອນຫຼວງ
ຂອງທິເບດ ທີ່ມີການຍາມຮັກສາ
ການຢ່າງໜາແໜ້ນນັ້ນ. ສື່ຂອງ
ທາງການຈີນກ່າວວ່າ ພວກປະ
ທ້ວງຄົນນຶ່ງເສຍຊີວິດຢູ່ທີ່ບ່ອນ
ເກີດເຫດ ໃນຂະນະອີກຜູ້ນຶ່ງໄດ້
ຮັບການປິ່ນປົວຢູ່ທີ່ໂຮງໝໍ.
ການກວດລ້າງທີ່ເມືອງ Lhasa
ມີຂຶ້ນໃນຂະນະທີ່ກຸ່ມຊາວທິເບດ
ລີ້ໄພຢູ່ຕ່າງປະເທດລາຍງານໃນ
ວັນພຸດວານນີ້ວ່າ ແມ່ຄົນນຶ່ງທີ່ມີລູກນ້ອຍສາມຄົນຢູ່ໃນເຂດທີ່ມີຊາວທິເບດອາໄສຢູ່ເປັນສ່ວນ
ໃຫຍ່ທາງພາກຕາເວັນຕົກສຽງໃຕ້ຂອງຈີນນັ້ນ ໄດ້ເສຍຊີວິດຫຼັງຈາກໄດ້ຈູດເຜົາຕົນເອງ ທີ່
ປາກົດວ່າເປັນການປະທ້ວງອີກບັ້ນນຶ່ງ ຕໍ່ຕ້ານການປົກຄອງຂອງຈີນ.
ຜູ້ປະທ້ວງທີ່ມີຊື່ວ່າ Rikyo ອາຍຸ 33 ປີ ໄດ້ເສຍຊີວິດເມື່ອວັນພຸດວານນີ້ ຢູ່ຕໍ່ໜ້າວັດ Johang Dzamthang ຢູ່ໃນເຂດປົກຄອງທີ່ຮູ້ກັນໂດຍຊາວທິເບດວ່າ Ngaba ແລະຕັ້ງຢູ່ໃນແຂວງ Sichuan ນັ້ນ.
ແຜ່ນທີ່ຊີ້ບອກເມືອງຕ່າງໆ ບ່ອນທີ່ມີຊາວທິເບດຈູດເຜົາໂຕເອງ ປະທ້ວງຈີນ: