ເບິ່ງວີດີໂອພາສາລາວ:
ນີ້ຄືືວິທີທີ່ຊາວທິເບດ ຖືກວາດພາບໃຫ້ຮູ້ຢູ່ໃນສື່ມວນຊົນຂອງທາງການຈີນ ຢ່າງໃດ ຄືໃນຖານະທີ່ເປັນສະມາຊິກຂອງຄົນກຸ່ມນ້ອຍ ທີ່ມີຄວາມສຸກໃຈ ດ້ວຍວັດທະນະທໍາທີ່ເຕັມໄປດ້ວຍສີສັນ ຊຶ່ງໂຮມທັງການລໍາ ການຟ້ອນ ແລະສຳຫຼັບພວກລ້ຽງສັດແບບເຄື່ອນທີ່ແລ້ວ ກໍມີການຍິງທະນູນຳ.
ພາບເຫລົ່ານີ້ເປັນສິ່ງສະໜັບສະໜຸນການກ່າວອ້າງຂອງລັດຖະບານຈີນວ່າ ມາດຕະຖານການຄອງຖີບຢູ່ໃນທິເບດກໍາລັງຖີບຕົວສູງຂຶ້ນເລື້ອຍໆ ແລະຊາວທິເບດທັງຫລາຍຕ່າງກໍພໍໃຈ.
ນາຍ Tanzen Lhundup ທີ່ສູນກາງຄົ້ນຄວ້າທິເບດວິທະຍາຂອງຈີນ ກ່າວວ່າ ຄວາມເປັນຫ່ວງເປັນໃຍຕໍໍ່ຊາວທິເບດຂອງປັກກິ່ງນັ້ນແມ່ນຈິງໃຈແທ້
“ລັດຖະບານຈີນໄດ້ລົງທຶນຢ່າງໃຫຍ່ເພື່ອປັບປຸງສະພາບຊີວິດຄວາມເປັນຢູ່ຂອງປະຊາຊົນ ໂຄງລ່າງພື້ນຖານ ແລະການສຶກສາຢູ່ໃນທິເບດໃຫ້ດີຂຶ້ນ. ຈີນໄດ້ນໍາເອົານະໂຍບາຍທີ່ດີໆຫຼາຍຢ່າງມາໃຊ້ຢູ່ໃນເຂດຕ່າງໆຂອງຊາວທິ ເບດ. ການປ່ຽນແປງຕ່າງໆຢູ່ໃນທິເບດ ແລະໃນຂົງເຂດທີ່ມີຊາວທິເບດອາໄສຢູ່ນັ້ນ ແມ່ນເປັນໄປແບບຂັ້ນພື້ນຖານ.”
ເຖິງແມ່ນເສດຖະກິດລະດັບທ້ອງຖິ່ນໄດ້ເຕີບໂຕຂຶ້ນ ແຕ່ກໍມີຍັງເກີດມີຄວາມ ຮູ້ສິດຜິດຫວັງເຊັ່ນກັນ ຢູ່ໃນກຸ່ມຊົນເຜົ່າທິເບດຫລາຍກຸ່ມ. ໃນຮອບປີຜ່ານ ມານີ້ ມີຊາວທິເບດໄດ້ຈູດເຜົາຕົວເອງເກືອບ 30 ຄົນແລ້ວ ໂດຍການເດີນຂະບວນປະທ້ວງໃຫ້ເຫັນຢ່າງຈະແຈ້ງວ່າພວກເຂົາຍອມຕາຍດີກວ່າ ຈະຢູ່ພາຍໃຕ້ການປົກຄອງຈີນ.
ການປະທ້ວງຕໍ່ຕ້ານຈີນຫລາຍໆບັ້ນຜ່ານມາບໍ່ດົນນີ້ ດັ່ງເຊັ່ນການປະທ້ວງ ອີກບັ້ນນຶ່ງໃນແຂວງ Qinghai ທີ່ປະກອບສ່ວນໂດຍບັນດາພະສົງ ທີ່ມີບົດບາດແກນກາງຢູ່ໃນວັດທະນະທໍາທິເບດມາເປັນເວລາດົນນານນັ້ນ.
ສ່ວນໃນແຂວງ Gansu ພະອົງນີ້ ທີ່ບໍ່ຂໍເປີດເຜີຍຊື່ ກ່າວວ່າ
“ພວກເຮົາບໍ່ມີເສລີພາບ ບໍ່ມີເສລີພາບທາງສາສະໜາ ແລະແມ່ນແຕ່ເສລີພາບ
ໃນການປາກເວົ້າ. ຄວາມກົດດັນໃນເລຶ່ອງນີ້ ແມ່ນຍິ່ງໃຫຍ່ເກີນໄປເສຍແລ້ວ
ພວກປະຊາຊົນບໍ່ມີທາງເລືອກ ຈຶ່ງພາກັນປະທ້ວງ”
ການປະທ້ວງບັ້ນຕ່າງໆ ແລະການຈູດເຜົາຕົນເອງຂອງຫລາຍໆຄົນນັ້ນ ບໍ່ໄດ້ພາໃຫ້ມີການປ່ຽນແປງ ທີ່ສັງເກດໄດ້ຢ່າງໃດ ຈາກລັດຖະບານປັກກິ່ງ.
ທ່ານ Lian Xiangmin ປະຈໍາສູນກາງຄົ້ນຄວ້າທິເບດວິທະຍາຂອງຈີນ ເຫັນພ້ອມນໍາທັດສະນະຂອງລັດຖະບານຈີນ ທີ່ວ່າການປະທ້ວງນັ້ນແມ່ນປຸກ ປັ່ນຂຶ້ນມາເອງ ບໍ່ແມ່ນເກີດຈາກຄວາມບໍ່ພໍໃຈຢ່າງແທ້ຈິງຂອງຜູ້ຄົນແຕ່ຢ່າງໃດ.
“ຂ້າພະເຈົ້າຄິດວ່າ ກ່ອນອື່ນທັງໝົດນັ້ນ ພວກທີ່ວາງແຜນກໍເຫດການນັ້ນຂຶ້ນ
ຄວນຈະຍຸຕິໄດ້ແລ້ວ. ປະການທີ່ສອງ ອົງດາໄລ ລາມະ ຄວນຈະອອກຖະ
ແຫລງການສະບັບນຶ່ງຮຽກຮ້ອງໃຫ້ຍຸຕິເຫດການແບບນັ້ນ ແລະຈົ່ງສະແດງ
ຄວາມຄັດຄ້ານຂອງພະອົງຕໍ່ພຶດຕິການນັ້ນ. ປະການທີ່ສາມ ບັນດາສື່ມວນຊົນ
ຄວນຈະຍຸຕິລົງຂ່າວຢ່າງຄຶກໂຄມຂອງເຫດການແບບນີ້.”
ສ່ວນຢູ່ໃນປະເທດຈີນ ການປະທ້ວງບັ້ນຕ່າງໆທີ່ເກີດຂຶ້ນໃນທິເບດນັ້ນສ່ວນ ໃຫຍ່ແມ່ນບໍ່ໄດ້ລົງຂ່າວຫລືເອີ່ຍເຖິງຢູ່ໃນວົງການສື່ມວນຊົນຂອງລັດ ຊຶ່ງໃນທາງກົງກັນຂ້າມແລ້ວສື່ມວນຊົນຂອງລັດຈະເພ່ງເລງໃສ່ໃນພິທີການທີ່ເນັ້ນໜັກວ່າທິເບດ ເປັນພາກສ່ວນນຶ່ງຂອງອານາເຂດຈີນທີ່ແຍກອອກບໍ່ໄດ້.
ອົງດາໄລ ລາມະທີ່ຍັງຄົງເປັນຜູ້ມີອໍານາດດ້ານຈິດໃຈແລະສັນຍະລັກທາງ ການເມືອງສໍາລັບຊາວທິເບດນັ້ນ ໂດຍສ່ວນໃຫຍ່ແມ່ນຍັງບໍ່ທັນໃຫ້ຄວາມຄິດເຫັນໃດໆກ່ຽວກັບການຈູດເຜົາຕົນເອງຂອງຊາວທິເບດນັ້ນ.
ສໍາລັບທັງສອງຝ່າຍແລ້ວ ເຫດການຈູດເຜົາຕົນເອງນີ້ຍັງຄົງເປັນອາການຂອງບັນຫາ ທີ່ຝ່າຍອີກຝ່າຍນຶ່ງປະຕິເສດບໍ່ຍອມຮັບຮູ້ນັ້ນ.
ເບິ່ງວີດີໂອພາສາອັງກິດ: