ລິ້ງ ສຳຫລັບເຂົ້າຫາ

ຈີນປະນາມ ສະຫະລັດ ທີ່ຕ້ອງຕິຕົນ ເລື້ອງອ້າງກໍາມະສິດ ໃນທະເລຈີນໃຕ້


ເຮືອຫາປາຂອງຫວຽດນາມ ໃນເຂດທະເລຈີນໃຕ້ ທີ່ມີຫລາຍປະເທດຍາດກັນ ອ້າງເອົາກໍາມະສິດ ໂຮມທັງຫວຽດນາມ, ວັນທີ 10 ເມສາ 2012.

ສື່​ມວນ​ຊົນຈີນ ທີ່​ຄວບ​ຄຸມ​ໂດ​ຍລັດຖະບານ ​ໄດ້​ກ່າວ​ໂຈມ​ຕີ ໃນ​ວັນ​ຈັນ​ມື້​ນີ້ ​ການຕໍາ​ໜິ​ຕິ
ຕຽນ​ຂອງສະຫະລັດ ຕໍ່ການ​ກ່າວ​ອ້າງ​ເອົາ​ກໍາມະສິດ​ຂອງຈີນ ​ເໜືອ​ບໍລິ​ເວນ​ອັນ​ກ້ວາງ​
ໃຫຍ່​ໃນ​ເຂດ​ທະ​ເລ​ຈີນ​ໃຕ້ ​ທີ່​ເປັນ​ຫົວ​ຂໍ້​ຖົກ​ຖຽງ​ກັນ​ນັ້ນ.

ບົດ​ວິຈານຢູ່​ໃນໜັງສື​ພີ​ມ ປະຊາຊົນ​ລາຍ​ວັນ ຂອງພັກຄອມມີ​ວນິສຈີນ ສະບັບ​ຈໍາ​ນ່າຍຢູ່​
ຕ່າງປະ​ເທດ​ ກ່າວ​ວ່າ ວໍ​ຊິງ​ຕັນຄວນ​ຈະ “ປິດປາກ​ໄວ້.”

ຈີນ ມີ​ຄວາມ​ໂກດແຄ້ນ ​ກ່ຽວ​ກັບຄໍາ​ຖະ​ແຫລ​ງ​ຂອງສະຫະລັດ ເມື່ອ​ວັນ​ສຸກຜ່ານ​ມາ ທີ່​ເວົ້າ​
ວ່າວໍ​ຊິງ​ຕັນກໍາລັງ​ຕິດຕາມ​ເບິ່ງຢ່າງ​ໃກ້ຊິດ ການຖົກ​ຖຽງ​ກັນ ​ເລື້ອງ​ເຂດ​ນໍ້າ​ແດນ​ດິນ​ຢູ່​ທະ​
ເລ​ຈີນ​ໃຕ້ນັ້ນ. ຄໍາ​ຖະ​ແຫລ​ງ​ເວົ້າ​ອີກວ່າ ການ​ຕັ້ງ​ຄ້າຍທະຫານ ​ແລະ​ເມືອງ​ໃໝ່ຂອງຈີນຂື້ນ
ນັ້ນ “ຈະເຮັດ​ໃຫ້​ຄວາມ​ເຂັ່ງຕືງ ​ເພີ່ມ​ທະວີຂື້ນ​ຢູ່​ໃນ​ຂົງ​ເຂດ.”

​ໃນ​ວັນ​ເສົາ​ຜ່ານ​ມາ​ນີ້ ກະ​ຊວງ​ການ​ຕ່າງປະ​ເທດ​ຈີນ ​ໄດ້​ຮຽກ​ໂຕນັກ​ການ​ທູດ​ຂັ້ນ​ສູງ​ຄົນ​ນຶ່ງ
ຂອງສະຫະລັດ ​ເຂົ້າ​ພົບ ​ແລະ​ເຕືອນ​ວ່າ ສະຫະລັດຈະຕ້ອງ​ນັບຖື​ອະທິປະ​ໄຕ​ຂອງ​ຈີນ.

​ເມື່ອ​ເດືອນ​ແລ້ວ​ນີ້ ຈີນໄດ້​ປະກາດ​ຕັ້ງ​ຄ້າຍ​ທະຫານ​ ແລະ​ເມືອງໃໝ່ຂື້ນ ຢູ່​ເທິງເກາະຕ່າງໆ
​ທີ່ເປັນ​ຫົວ​ຂໍ້​ຜິດ​ຖຽງກັນກັບ​ອີກ​ຫລາຍ​ປະ​ເທດຢູ່​ໃນເຂດທະ​ເລ​ຈີນ​ໃຕ້ນັ້ນ.

​ນອກຈາກ​ຈີນ​ແລ້ວ ກໍ​ຍັງ​ມີ ບຣູ​ໄນ ມາ​ເລ​ເຊຍ ຟີ​ລິບ​ປີນ ໄຕ້​ຫວັນ ​ແລະ​ຫວຽດນາມ ທີ່​ອ້າງ​
ເອົາ​ກໍາມະສິດ ​ໃນ​ໝູູ່ເກາະເຫລົ່າ​ນັ້ນ.

ຂົງ​ເຂດ​ທີ່ຍາດ​ແຍ່ງ​ກັນ​ນີ້ ຄິດ​ວ່າ​ອຸດົມ​ສົມ​ບຸນ​ໄປ​ດ້ວຍນໍ້າມັນ​ແລະ​ແກ້​ສ​.

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG