ລິ້ງ ສຳຫລັບເຂົ້າຫາ

ວັນພະຫັດ, ໒໘ ມີນາ ໒໐໒໔

ໄຕ້ຫວັນກັບຈີນ ໂອ້ລົມກັນ ເລື້ອງສາຍພົວພັນ ກ່ອນການເລືອກຕັ້ງ ຢູ່ຮົງກົງ


ທ່ານ Eric Chu ປະທານພັກຈີນຄະນະຊາດ ຂອງລັດຖະບານໄຕ້ຫວັນ
ທ່ານ Eric Chu ປະທານພັກຈີນຄະນະຊາດ ຂອງລັດຖະບານໄຕ້ຫວັນ

ທ່ານ Xi Jinping ປະທານ​ປະ​ເທດ​ຈີນ​ແລະຫົວໜ້າ​ພັກ​ຄອມມິ​ວ
ນິດ​ຈີນ ໄດ້​ພົບ​ປະ​ກັບ​ທ່ານ Eric Chu ຫົວໜ້າ​ພັກ​ຈີນ​ຄະນະ​ຊາດ
ຂອງ​ລັດຖະບານໄຕ້​ຫວັນ ທີ່​ກຳລັງ​ທຳ​ການຢ້ຽມຢາມ​ຈີນ ເພື່ອ​ສົນ
ທະນາ​ກັນ​ເລື້ອງເຫດການ​ຜັນ​ຂະຫຍາຍ ຕ່າງໆ ທີ່​ກຳລັງ​ດຳ​ເນີນ​
ສືບ​ຕໍ່​ມາ ​ໃນຄວາມ​ສຳພັນ​ຂ້າມ​ຊ່ອງ​ແຄບ​ໄຕ້​ຫວັນນັ້ນ.

ທ່ານ Chu ​ໄດ້ກ່າວ ກ່ອນ​ການ​ພົບ​ປະກັນ ທີ່ສາລາ​ປະຊາຊົນ
ຢູ່ນະຄອນຫຼວງ​ປັກ​ກິ່ງ​ໃນ​ວັນ​ຈັນ​ມື້​ນີ້ ວ່າ ທ່ານ​ຫວັງ​ວ່າ ​ໄຕ້​ຫວັນ
​ແລະ​ຈີນ ຈະ​ສືບ​ຕໍ່​ດຳ​ເນີນ​ງານ​ຮ່ວມ​ກັນ​ເພື່ອ​ສັນຕິພາບ​ໃນ​ພາກ​
ພື້ນ ​ແລະ​ຮ່ວມ​ໄມ້​ຮ່ວມ​ມື​ກັນໃນ​ດ້ານ​ຕ່າງໆ ​ເຊັ່ນສິ່ງ​ແວດ​ລ້ອມ
ແລະເສດຖະກິດ ​ເປັນ​ຕົ້ນ.

ທ່ານ Chu ທີ່​ເບິ່ງ​ຊົງ​ວ່າ​ ຈະ​ສະໝັກ​ຮັບ​ເລືອກ​ຕັ້ງ​ເອົາ​ຕຳ​ແໜ່​ງປະທານາ​ທິບໍດີໄຕ້​ຫວັນ ​
ໃນ​ປີໜ້າ​ນັ້ນ ບໍ່​ໄດ້​ເອີ່ຍ​ເຖິງ​ເລື້ອງ​ການ​ທີ່​ຈີນ​ໄປ​ສ້າງທາງ​ແລ່ນ​ຂຶ້ນ​ລົງ​ຂອງ​ເຮືອບິນ​ ແລະ​ພື້ນຖານ​ໂຄງ​ລ່າງ​ ​ຢູ່​ເທິງໝູ່​ເກາະ Spratly ທີ່​ເປັນ​ບັນຫາ​ໂຕ້​ແຍ້​ງກັນ​ ຊຶ່ງ​ຫລາຍ​ປະ​ເທດ
​ເພື່ອນ​ບ້ານ​ຂອງ​ຈີນ ຍາດ​ກັນ​ອ້າງ​ເອົາ​ກຳມະສິດ ​ຮວມທັງ​ໄຕ້​ຫວັນ ຟີ​ລິບ​ປິນ ​ແລະ​ຫວຽດ
ນາມ.

​ໃນ​ວັນ​ອາທິດ​ວານ​ນີ້ ທ່ານ Chu ​ໄດ້​ພົບ​ປະ​ກັບ​ທ່ານ Yu Zhengshen ສະມາຊິກ​ຂອງ​
ຄະນະ​ກຳມະການ​ກົມ​ການ​ເມືອງ​ສູນ​ກາງ ພັກ​ຄອມ​ມິ​ວນິດ​ຈີນ ທີ່​ນະຄອນ​ຊຽງ​ໄຮ້. ທ່ານ
Yu ​ໄດ້​ສະ​ເໜີ​ແນະ​ໃຫ້​ໂອ້​ລົມ​ສົນທະນາ​ກັນ ກ່ຽວ​ກັບ​ບົດບາດ​ຂອງ​ໄຕ້​ຫວັນ ຢູ່​ໃນ​ທະນາ
ຄານລົງທຶນ​ໃສ່ພື້ນຖານໂຄງ​ລ່າງຂອງ​ເອ​ເຊຍ ພາຍ​ໃຕ້​ການ​ນຳພາ​ຂອງ​ຈີນ​ນັ້ນ. ຈີນ​ຢາກ
​ໃຫ້​ໄຕ້​ຫວັນ​ເຂົ້າ​ປະກອບສ່ວນ​ນຳ ​ແຕ່​ບໍ່​ແມ່ນ​ໃນນາມ​ຂອງ​ໄຕ້​ຫວັນ ຊຶ່ງ​ຈະເປັນ​ການສະ​ແດງ​ວ່າ ​ເກາະ​ໄຕ້​ຫວັນ​ເປັນ​ປະ​ເທດ​ເອກະ​ລາດໜຶ່ງ​ຕ່າງຫາກ​.

ຈີນ ​ແລະໄຕ້​ຫວັນ​ ແຕກ​ແຍກ​ກັນ​ໃນ​ລະຫວ່າງ​ສົງຄາມ​ກາງ​ເມືອງ​ໃນ​ປີ 1949. ຈີນ​ຖືວ່າ
ເກາະ​ໄຕ້​ຫວັນ​ເປັນ​ແຂວງ​ໜຶ່ງ ​ທີ່​ແຍກ​ອອກ​ຈາກ​ຕົນ ​ແລະ​ໄດ້​ຂົ່ມຂູ່​ວ່າ​ຈະ​ໃຊ້​ກຳລັງ ຖ້າ​
ຈຳ​ເປັນ ​ເພື່ອ​ນຳ​ເອົາ​ໄຕ້​ຫວັນ​ກັບ​ຄືນມາຢູ່ ​ພາຍ​ໃຕ້ການ​ຄອບ​ຄອງ​ຂອງ​ຕົນ. ​

China Taiwan
please wait
Embed

No media source currently available

0:00 0:01:27 0:00

ລາຍການກະຈາຍສຽງຂອງວີໂອເອ ລາວ ຜ່ານໂທລະພາບ

ສົດ ລາຍການວິທະຍຸ-ກະຈາຍສຽງຂອງວີໂອເອລາວ ວັນທີ 28 ມີນາ 2024

XS
SM
MD
LG