ຈີນແລະໄຕ້ຫວັນ ທີ່ຄັ້ງນຶ່ງເຄີຍເປັນສັດຕູຄູ່ຂົມຂື່ນກັນນັ້ນ
ໄດ້ຈັດຕັ້ງປະຕິບັດສົນທິສັນຍາການຄ້າສະບັບທໍາອິດລະ
ຫວ່າງກັນ ຊຶ່ງຂໍ້ຕົກລົງທີ່ວ່ານີ້ຈະຕັດຄ່າພາສີອາກອນລົງ
ສໍາລັບຜະລິດຕະພັນຫລາຍກວ່າ 800 ຊະນິດ ທີ່ສອງຝ່າຍ
ມີແຜນການທີ່ຈະສົ່ງໄປຂາຍໃຫ້ກັນ ຂ້າມຊ່ອງແຄບໄຕ້ຫວັນ ນັ້ນ.
ໃນວັນຂຶ້ນປີໃໝ່ ມື້ວານນີ້ ຈີນໄດ້ສົ່ງທູບຈໍານວນນຶ່ງ ທີ່ໃຊ້
ໃນພິທີບູຊາໄຫວ້ວອນທາງສາສະໝາພຸດນັ້ນ ໄປຍັງໄຕ້ຫວັນ. ໃນເວລາດຽວກັນ ທາງໄຕ້ຫວັນກໍໄດ້ສົ່ງໝາກໄມ້ຈໍານວນນຶ່ງໄປໃຫ້ຈີນ. ຄ່າພາສີສໍາລັບສິນຄ້າທັງສອງຢ່າງນີ້ ໄດ້ຖືກຕັດລົງພາຍໃຕ້ແຜນການ ທີ່ຈະລົບລ້າງພາສີນໍາເຂົ້າສຳລັບຜະລິດຕະພັນ ທັງໝົດ ພາຍໃນ 2 ປີຂ້າງໜ້າ.
ໄຕ້ຫວັນໄດ້ແຍກອອກຈາກຈີນແຜ່ນດິນໃຫຍ່ໃນປີ 1949 ໃນເວລາທີ່ພວກຈີນ ຄອມມີວນິສພາຍໃຕ້ການນໍາພາຂອງມື້ລາງ ເໝົາເຊຕຸງ ຍຶດອໍານາດໃນຈີນແຜ່ນ ດິນໃຫຍ່. ຝ່າຍຈີນຖືວ່າ ເກາະໄຕ້ຫວັນເປັນພາກສ່ວນນຶ່ງຂອງດິນແດນຂອງຕົນ ແລະໄດ້ຂົ່ມຂູ່ວ່າ ຈະໃຊ້ກໍາລັງເພື່ອປ້ອງກັນການແຍກໂຕຂອງໄຕ້ຫວັນເປັນປະເທດນຶ່ງຈາກຕົນນັ້ນ.
ແຕ່ວ່ານັບແຕ່ປີ 2008 ເປັນຕົ້ນມາ ໄຕ້ຫວັນທີ່ປົກຄອງຕົນເອງນັ້ນ ໄດ້ເຊັນສັນຍາ 15 ສະບັບກັບຈີນ. ເວລານີ້ພວກບໍລິສັດໄຕ້ຫວັນສາມາດເຂົ້າໄປລົງທຶນ ໃນພາກສ່ວນບໍລິການ 11 ຂະແໜງໄດ້ ໃນຈີນແຜ່ນດິນໃຫຍ່ ເຊ່ນໃນດ້ານສະມຸດບັນຊີ ໂຮງໝໍແລະການທະນາ
ຄານ ເປັນຕົ້ນ ແລະໃນເວລາດຽວກັນ ໄຕ້ຫວັນໄດ້ໄຂພາກສ່ວນບໍລິການຂອງຕົນ ໃຫ້ພວກບໍລິສັດຈີນແຜ່ນດິນໃຫຍ່ໄປລົງທຶນໄດ້ ໃນ 9 ຂະແໜງ.