ຈີນກ່າວວ່າ ການຢ້ຽມຢາມກຸງປັກກິງຂອງປະທານາທິບໍດີ Omar al-Bashir ແຫ່ງຊູດານ ທີ່ເປັນບັນຫາໂຕ້ແຍ້ງກັນນັ້ນ ໄດ້ຖືກເລື່ອນອອກໄປ ຊຶ່ງເຮັດໃຫ້ຈໍາເປັນຕ້ອງໄດ້ເລື່ອນການພົບປະທີ່ກໍານົດໄວ້ໃນວັນຈັນມື້ນີ້ກັບປະທານປະເທດ ຫູຈິນເຖົາ ນັ້ນ.
ແຜນການຢ້ຽມຢາມຈີນເປັນເວລາ 4 ມື້ ໄດ້ຖືກປະນາມໂດຍພວກກຸ່ມປົກປ້ອງສິດທິມະນຸດ
ຍ້ອນຈີນບໍ່ຍອມທໍາການຈັບກຸມທ່ານ Bashir ຕາມໝາຍຈັບທີ່ອອກໂດຍສານອາຍານາໆ
ຊາດທີ່ກຸງ Hague ນັ້ນ. ບັນດາເຈົ້າໜ້າທີ່ຈີນບໍ່ໄດ້ບອກໃຫ້ຮູ້ວ່າ ເປັນຫຍັງຖ້ຽວບິນຂອງ
ທ່ານ Bashir ຈຶ່ງຊັກຊ້າ ຫລືຄາດວ່າ ທ່ານຈະໄປຮອດຈີນໃນເວລາໃດນັ້ນ.
ໃນການໃຫ້ສໍາພາດກັບສື່ມວນຊົນຈີນ ກ່ອນການຢ້ຽມຢາມນັ້ນ ທ່ານ Bashir ໄດ້ກ່າວຍ້ອງ
ຍໍຈີນ ທີ່ໃຫ້ການຊ່ອຍເຫລືອປະເທດຂອງທ່ານຕ້ານຢັນກັບຜົນກະທົບຈາກການລົງໂທດດ້ານ
ເສດຖະກິດພາຍໃຕ້ການນໍາພາຂອງສະຫະລັດນັ້ນ.
ນອກນີ້ ທ່ານຍັງໄດ້ກ່າວຕໍ່ອົງການຂ່າວຊິນຫົວຂອງທາງການຈີນວ່າ ທ່ານຄາດວ່າ ກຸງປັກ
ກິງຈະສືບຕໍ່ມີຄວາມສໍາພັນທີ່ດີກັບທັງຊູດານພາກເໜືອແລະພາກໃຕ້ ຫລັງຈາກສອງເຂດດັ່ງ
ກ່າວຖືກແບ່ງແຍກອອກຈາກກັນໃນວັນທີ 9 ກໍລະກົດ ເດືອນໜ້ານີ້.
