ປະທານາທິບໍດີຂອງ Sudan ທ່ານ Omar al-Bashir ແມ່ນກໍາລັງຢູ່ໃນຈີນໃນການຢ້ຽມ
ຢາມທີ່ເປັນບັນຫາຖົກຖຽງໂຕ້ແຍ້ງຫຼັງຈາກໄດ້ມີການຖິ້ມໂທດ ທີ່ຫຼ້າຊ້າຢ່າງລັບໆຂອງ
ພວກເຈົ້າໜ້າທີ່ Sudan ໃສ່ການກົດດັນທີ່ໄດ້ຮັບການ ໜູນຫຼັງຈາກສະຫະລັດນັ້ນ.
ເຈົ້າໜ້າທີ່ຈີນໄດ້ກ່າວ ຫຼັງຈາກການມາຮອດມາເຖິງຂອງທ່ານ Bashir ໃນຕອນເຊົ້າ
ວັນອັງຄານມື້ນີ້ວ່າ ການພົບປະກັບປະທານປະເທດຈີນ ທ່ານ Hu Jintao ຊຶ່ງຕົ້ນຕໍ່ມີ
ໝາຍກໍານົດໃສ່ແລງວັນຈັນນັ້ນ ມາບັດນີ້ຈະຍ້າຍໄປເປັນວັນພຸດມື້ອື່ນ. ຍັງບໍ່ເປັນທີ່
ຈະແຈ້ງເທື່ອວ່າຈະມີການເລື່ອນເວລາໃນການຢ້ຽມ ຢາມຄັ້ງນີ້ ອອກໄປກາຍກໍານົດ
ການເດີນທາງກັບຄືນ Sudan ໃນວັນພະຫັດຈະມານີ້ຫຼືບໍ່.
ກະຊວງການຕ່າງປະເທດ Sudan ກ່າວວ່າ ທ່ານ Bashir ພວມຢູ່ໃນລະ ຫວ່າງການ
ເດີນທາງໄປຍັງປະເທດຈີນໃນວັນຈັນວານນີ້ ເວລາເຈົ້າໜ້າທີ່ໃນ Turkmenistan
ໄດ້ສັ່ງໃຫ້ປ່ຽນເສັ້ນທາງບິນ ຂອງເຮືອບິນຂອງທ່ານ. ອົງການອົງການຂ່າວ SUNA
ຂອງທາງການ Sudan ໄດ້ອ້າງເອົາຄໍາເວົ້າຂອງເຈົ້າໜ້າທີ່ອະວຸໂສຂອງພັກລັດຖະ
ບານທີ່ກ່າວວ່າ ທ່ານເຊື່ອວ່າໃບອະນຸຍາດໃຫ້ ບິນຜ່ານທີ່ອອກໃຫ້ໃນຂັ້ນທຳອິດນັ້ນ
ໄດ້ຖືກຍົກເລີກ ອັນເປັນຜົນເນື່ອງມາຈາກການກົດດັນຈາກສະຫະລັດ.
ມີການອ້າງຄຳເວົ້າປະທານສະພາແຫ່ງຊາດ Sudan ທ່ານ Qutbi al Mahdi
ທີ່ກ່າວວ່າ Washington ໄດ້ກົດດັນໃຫ້ປັກກິງຍົກເລີກການຢ້ຽມ ຢາມຂອງທ່ານ
Bashir ຄັ້ງນີ້. ຍັງບໍ່ມີຄວາມເຫັນໃດໆຈາກທາງສະຫະລັດ ເທື່ອ.
ນາໆຊາດຕ້ອງການໂຕປະທານາທິບໍດີ Sudan ເພື່ອໄປດໍາເນີນຄະດີໂດຍ ສານອາດ
ຊະຍາກໍານາໆຊາດຊຶ່ງມີສໍານັກງານທີ່ນະຄອນ Hague ໃນຂໍ້ຫາອາດຊະຍາກຳ
ສົງຄາມ.
