ລິ້ງ ສຳຫລັບເຂົ້າຫາ

ຈີນທົດລອງເຮືອບິນລົບ ຊະນິດໃໝ່

  • ໄພສານ ວໍຣະຈັກ

ເຮືອບິນລົບທີ່ເຊື່ອກັນວ່າ ເປັນເຮືອບິນລົບຮຸ້ນໃໝ່ J-20 ທີ່ເຣດ້າຈັບບໍ່ໄດ້ຂອງຈີນ ທີ່ເມືອງ Chengdu ແຂວງສີສວນ ທາງພາກຕາເວັນຕົກສຽງໃຕ້ຂອງຈີນ (5 ມັງກອນ 2011)

ສື່​ມວນ​ຊົນ​ແຫ່ງ​ລັດ​ຂອງ​ຈີນ ​ລາຍ​ງານ​ໃຫ້​ຮູ້ໃນອັນ​ທີ່​ອາດ
ສາມາດ​ເປັນ​ການທົດ​ລອງ​ການບິນ ທີ່​ຮູ້ຈັກ​ກັນ​ເປັນ​ຄັ້ງ​ທີ​
ສອງ​ກໍໄດ້ກ່ຽວ​ກັບ​ເຮືອບິນ​ລົບທີ່​ເຣດ້າຈັບບໍ່ໄດ້ຮຸ່ນ J-20
ທີ່​ຈີນ​ຜະລິດ​ຂຶ້ນ​ເອງ.

ການ​ທົດ​ລອງ​ການບິນ​ດັ່ງກ່າວ​ແມ່ນ​ສັງ​ເກດ​ເຫັນ​ຢູ່​ໃນ​ໜັງ
ສືພິມ Global Times ທີ່​ພັກ​ຄອມ​ມີ​ວນິດ​ ເປັນ​ຜູ້​ຄວບ
ຄຸມ​ໃນ​ວັນ​ອັງຄານ​ມື້​ນີ້ທີ່ລົງ​ຫົວຂໍ້​ຂ່າວ​ວ່າ “​ເຮືອບິນ​ໄອ​ພົ່ນ
ລຶກລັບ ບິນ​ອີກ​ໃໝ່”. ພາບ​ວີ​ດີ​ໂອ​ຂອງ​ເຮືອບິນ​ທີ່​ວ່າ​ເປັນ
ເຮືອບິນ​ໂຕ​ຢ່າງ​ ຮຸ່ນ J-20 ​ແລະ​ປາກົດ​ໃຫ້​ເຫັນ ​ຢູ່​ໃນ
website​ ຂອງ Phoenix Satellite Television ​ເຊັ່ນ
ກັນຊຶ່ງເປັນຊ່ອງ​ຂ່າວໃນ​ຮອງ​ກົງ​ ທີ່​ນິຍົມ​ປັກ​ກິ່ງແລະ​ຢູ່​ໃນ
forum ທາງ​ທະຫານ​ໃນ​ອິນ​ເທີ​ແນ​ດ.

ໜັງສືພິມ Global Times ໄດ້​ສະ​ແດງ​ຮູບ​ພາບອັນ​ທີ່
ເອີ້ນ​ວ່າຕົ້ນສະບັບເດີມ​ຂອງ J-20 ທີ່ບໍ່ໄດ້ຂຶ້ນບິນ​ແລະ
ອ້າງ​ຄໍາ​ເວົ້າ​ຂອງ​ຜູ້​ທີ່​ເຫັນ​ເຫດການ​ຄົນ​ນຶ່ງ​ທີ່​ບໍ່​ບອກ​ຊື່​ໃຫ້
ຮູ້​ວ່າ ​ເຮືອບິນ​ລໍາ​ນີ້​ໄດ້​ບິນ​ກາຍ​ໄປ​ກາຍ​ມາ​ຫລາຍ​ຄັ້ງ​ແລະສະແດງການ​ເໜັງ​ຕີງ​ປີກ​ຂອງ​ມັນ
ໄດ້​ໃນ​ລະຫວ່າງ​ການ​ທົດ​ລອງ​ບິນ​ເປັນ​ເວລາ 85 ນາທີ​ໃນ​ວັນ​ອາທິດ​ຜ່ານ​ມາ​ຈາກ​ສະໜາມ
ບິນເມືອງ Chengdu ​ໃນ​ແຂວງ​ສີສວນ​ໃນ​ພາກ​ຕາ​ເວັນ​ຕົກ​ສຽງ​ໃຕ້​ຂອງຈີນ​ນັ້ນ.

ຢູ່​ໃນ​ສະໜາມ​ບິນ​ດຽວ​ກັນ​ທີ່​ເມືອງ Chengdu ​ນີ້ ທີ່ເຮືອບິນ J-20 ​ໄດ້​ທົດ​ລອງ​ບິນ​ຖ້ຽວ​
ທໍາ​ອິດທີ່​ບໍ່​ໄດ້​ປະກາດ​ໃຫ້​ຜູ້​ຄົນ​ຊາບໃນ​ເດືອນ​ມັງກອນ​ຕົ້ນ​ປີ​ນີ້ ຊຶ່ງ​ໄດ້​ເຮັດ​ໂລກ​ແຕກ​ຕື່ນ​ຕົກ
ໃຈ​ໃນ​ລະຫວ່າງ​ການ​ຢ້ຽມຢາມ​ໃນ​ລະດັບ​ສູງ​ທີ່​ກຸງ​ປັກ​ກິ​ງ ຂອງ​ທ່ານ Robert Gates ລັດ
ຖະມົນຕີ​ປ້ອງ​ກັນ​ປະ​ເທດ​ສະຫະລັດ​ນັ້ນ.

XS
SM
MD
LG