ພາຍໃນໄລຍະບໍ່ຮອດ 5 ເດືອນບໍລິສັດ CCTV ອາເມຣິກາຫຼືໂທລະພາບຈີນທີ່ອາເມຣິກາ
ໄດ້ຈ້າງພະນັກງານຫຼາຍກວ່າ 65 ຄົນ ແລະເລີ່ມອອກອາກາດ ລາຍການເປັນເວລານຶ່ງຊົ່ວ
ໂມງຕໍ່ມື້ ຈາກນະຄອນຫຼວງຂອງສະຫະລັດ.
ແລະເຖິງແມ່ນວ່າ ເວລານີ້ຍັງເປັນສະຖານີທີ່ຢູ່ໃນຂັ້ນເລີ່ມດຳເນີນການຢູ່ກໍຕາມທາງບໍລິສັດ
ກໍມີແຜນການທີ່ຈະຈ້າງພະນັກງານຕື່ມອີກ ໃນປີນີ້ ແລະເພີ່ມຊົ່ວໂມງອອກອາກາດຂຶ້ນຕື່ມ
ເທື່ອລະເລັກລະນ້ອຍ.
ບໍລິສັດ CCTV ສາມາດດຶງດູດເອົາ ນັກຂ່າວ ຜູ້ປະກາດລາຍການ ຜູ້ຈັດລາຍການ ແລະ
ບັນນາທິການມືອາຊີບ ໄປຈາກໂທລະພາບ Al Jazzeera, Fox News, BBC ແລະ
ອື່ນໆອີກໂດຍໃຫ້ເງິນເດືອນໃນລະດັບທີ່ສາມາດແຂ່ງຂັນໄດ້ແລະແຫຼ່ງຂ່າວແຈ້ງໃຫ້ວີໂອເອ
ຊາບວ່າ ໃນບາງກໍລະນີນັ້ນແມ່ນ 20% ສູງກວ່າທີ່ພະນັກງານໃໝ່ໄດ້ຮັບຢູ່ບ່ອນອື່ນ.
ນາຍ Phillip Yin ກ່າວວ່າການຕັດສິນໃຈຂອງລາວໃນການເຂົ້າມາຮ່ວມບໍລິສັດ CCTV
ບໍ່ໄດ້ກ່ຽວກັບເລື່ອງເງິນເດືອນ ແຕ່ແມ່ນກ່ຽວກັບການມີພາກສ່ວນໃນປະຫວັດສາດ.
ນາຍ Phillip Yin ເວົ້າວ່າ “ນີ້ແມ່ນການປະຕິບັດງານທີ່ພິເສດຫລາຍ ຖ້າຈະເວົ້າ
ໄປແລ້ວ ມັນເປັນໂຄງການທີ່ຈະກຳນົດຄວາມສຳພັນ ລະຫວ່າງສະຫະລັດ ກັບ
ຈີນ ສຳຫຼັບໄລຍະຫຼາຍໆທົດສະວັດຕໍ່ໜ້າ.”
ການລິເລີ່ມໂຄງການອອກອາກາດຂອງບໍລິສັດ CCTV ແຫ່ງອາເມຣິກາ ມີຂຶ້ນພຽງນຶ່ງອາ
ທິດ ກ່ອນໜ້າຮອງປະທານປະເທດຈີນ ທ່ານຊີ ຈິ້ນຜິງ ເດີນທາງມາຍັງກຸງວໍຊິງຕັນເພື່ອ
ທຳການຢ້ຽມຢາມຄັ້ງສຳຄັນ. ເປັນທີ່ຄາດກັນ ຢ່າງກວ້າງຂວາງວ່າ ທ່ານຊີ ຈິ້ນຜິງຈະໄດ້
ເປັນຜູ້ນຳຄົນຕໍ່ໄປຂອງຈີນ.
ພວກນັກວິເຄາະກ່າວວ່າ ການດຳເນີນຄວາມພະຍາຍາມຢ່າງຂຸ້ນຂ້ຽວຂອງຈີນເພື່ອເສີມຂະ
ຫຍາຍສື່ມວນຊົນຂອງຕົນອອກໄປທົ່ວໂລກ ບໍ່ແມ່ນພຽງແຕ່ເພື່ອນໍາສະເໜີຂ່າວທັນໃຈກ່ຽວ
ກັບເຫດການສຳຄັນຕ່າງໆ ທີ່ພວມຜັນຂະຫຍາຍອອກທໍ່ນັ້ນ ແຕ່ຍັງສະແດງ ໃຫ້ເຫັນເຖິງ
ຄວາມສາມາດໃນການຮ່ວມມື ຫຼືການຊັກຈູງທີ່ມີເພີ່ມຂຶ້ນຂອງປັກກິ່ງນຳດ້ວຍ.
ແລະນຶ່ງໃນບັນດາຄຳຖາມທີ່ໃຫຍ່ທີ່ສຸດ ກ່ຽວກັບການຂະຫຍາຍສື່ມວນຊົນດັ່ງກ່າວຂອງຈີນ
ກໍຄືອົງການສື່ມວນຊົນຂອງລັດຈະດຳເນີນງານແບບໃດຢູ່ໃນຕ່າງປະເທດ?
ຢູ່ຈີນນັ້ນ ແມ່ນຄາດໝາຍກັນວ່າ ສື່ມວນຊົນຂອງລັດ ຈະຕ້ອງເນັ້ນໜັກໃສ່ເລື່ອງຜົນປະ
ໂຫຍດຂອງພັກກ່ອນສິ່ງອື່ນໃດທັງໝົດ. ແຕ່ໃນຂະນະດຽວກັນ ພວກນັກຂ່າວຈີນ ຕ່າງ
ກໍມີຄວາມຮູ້ສຶກຮັບຜິດຊອບ ຫຼາຍຂຶ້ນເລື້ອຍໆ ໃນການເປັນປາກເປັນສຽງໃຫ້ແກ່ປະຊາ
ຊົນ ແລະໃນຫຼາຍໆໂອກາດ ຜົນປະໂຫຍດເຫຼົ່ານັ້ນໄດ້ກະທົບກັນ.
ພວກຖືກສຳພາດຢູ່ທີ່ໂທລະພາບ CCTV ແຫ່ງອາເມຣິກາເວົ້າວ່າ ພວກເຂົາເຈົ້າຈະບໍ່ຫຼົບ
ຫຼີກໄປຈາກເລື່ອງລາວທີ່ຫຼໍ່ແຫຼມສຳຄັນຕ່າງໆແລະໃຫ້ຂໍ້ສັງເກດວ່າ ການດໍາເນີນງານແມ່ນ
ຄວບຄຸມກັນໃນເຂດທ້ອງຖິ່ນ.
ທ່ານນາງ Barbara Dury ຜູ້ກຳກັບອະວຸໂສ ລາຍການວາລະສານຂ່າວ ທີ່ມີຊື່ວ່າ
“America Now” ເວົ້າວ່າ ປະຕູແມ່ນເປີດກວ້າງ ສໍາລັບການລາຍງານຂ່າວໃນດ້ານນີ້.
ເບິ່ງວີດີໂອລາຍງານພາສາອັງກິດ:
ທ່ານນາງ Dury ເວົ້າວ່າ “ເຂົາເຈົ້າບໍ່ໄດ້ຈ້າງພວກເຮົາໂດຍບອກພວກເຮົາວ່າ ຢາກ
ໃຫ້ທ່ານເຮັດແບບນັ້ນແບບນີ້. ເຂົາເຈົ້າຈ້າງພວກເຮົາໂດຍເວົ້າວ່າ ພວກເຮົາຕ້ອງ
ການປະສົບພະການແລະຄວາມຮູ້ຄວາມຊຳນານ ຂອງພວກເຈົ້າ. ພວກເຮົາຕ້ອງ
ການຢາກຍົກລະດັບ ແລະຍົກປະຫວັດ ຂອງພວກເຮົາໃຫ້ສູງຂຶ້ນ. ພວກເຮົາຢາກ
ເດີນຕາມການນຳພາ ຂອງພວກເຈົ້າ. ແຕ່ວ່າ ເວລາໃດຫາກມີການປ່ຽນແປງເກີດ
ຂຶ້ນມັນກໍອາດຈະເປັນອີກເລື່ອງນຶ່ງຕ່າງຫາກ.”
ທ່ານ Jim Laurie ຜູ້ສື່ຂ່າວຕ່າງປະເທດອະວຸໂສພ້ອມທັງເປັນທີ່ປຶກສາຝ່າຍບໍລິຫານຂອງ
ໂທລະພາບ CCTV ກ່າວວ່າ ການວາດພາບວ່າສະຖານີກະຈາຍສຽງຫລືອອກອາກາດຂອງ
ທາງການຈີນແຫ່ງນີ້ ເປັນພຽງປາກກະບອກສຽງໃຫ້ແກ່ລັດຖະບານຈີນນັ້ນແມ່ນເປັນການບໍ່
ໃຫ້ຄວາມສໍາຄັນແກ່ຄວາມສະລັບຊັບຊ້ອນຂອງວຽກງານຫລືໜ້າທີ່ຂອງສະຖານີ.
ທ່ານ Laurie ເວົ້າວ່າ “ຂ້າພະເຈົ້າຖືວ່າໂທລະພາບຊ່ອງນີ້ກໍຢູ່ໃນສະພາບແບບດຽວ
ກັນກັບໂທລະພາບ Al Jazeera. ມັນເປັນປາກກະບອກສຽງ ຂອງກາຕ້າບໍ? ຫຼື
ໂທລະພາບ CNN ມັນເປັນປາກກະບອກສຽງຂອງພວກສະຖານີພານິດທີ່ນະຄອນ
Atlanta ບໍ? BBC ເດ້ເປັນປາກກະບອກສຽງຂອງລັດຖະບານອັງກິດບໍ? ຂ້າພະ
ເຈົ້າຂໍໃຫ້ທ່ານຕັດສິນເອົາເອງ ກ່ຽວກັບສິ່ງເຫຼົ່ານີ້.”
ທ່ານ Laurie ກ່າວຕື່ມວ່າ ບໍ່ມີເຫດຜົນໃດໆທີ່ວ່າ ຈີນຈະບໍ່ສາມາດຜະລິດ ແລະຖ່າຍທອດ
ລາຍການໂທລະພາບ ທີ່ມີຄຸນນະພາບ ບໍ່ເຂົ້າຂ້າງອອກຂາແລະເປັນທີ່ໜ້າເຊື່ອຖືນັ້ນໄດ້.
