ສະພານິຕິບັນຍັດສູງສຸດຂອງຈີນ ກ່າວວ່າ ຕົນຈະຄວບຄຸມຢ່າງ
ເຄັ່ງຄັດການສະເໜີຊື່ພວກສະໝັກ ສຳຫລັບການຄັດເລືອກຄັ້ງ
ສຳຄັນເອົາຜູ້ປົກຄອງຮົງກົງ ໃນປີ 2017 ນັ້ນ.
ຄະນະກໍາມະການຖາວອນຂອງສະພາປະຊາຊົນແຫ່ງຊາດຈີນ ໄດ້
ຕັດສິນໃຈໃນວັນອາທິດມື້ນີ້ ວ່າ ຜູ້ສະໝັກຮັບເລືອກຕັ້ງເປັນຫົວ
ໜ້າບໍລິຫານ ຮົງກົງຄົນຕໍ່ໄປ ຈະຕ້ອງໄດ້ຮັບສຽງສະໜັບສະໜຸນ
ຂ້າງຫຼາຍ ຈາກຄະນະກຳມະການສະເໜີແຕ່ງຕັ້ງ “ທີ່ຕາງໜ້າ
ປະຊາຊົນຢ່າງກວ້າງຂວາງ” ຈຶ່ງຈະສະໝັກເຂົ້າແຂ່ງຂັນໃນ
ການເລືອກຕັ້ງໃນປີ 2017 ໄດ້ນັ້ນ.
ການຕັດສິນໃຈດັ່ງກ່າວນີ້ ເບິ່ງຄືວ່າ ຈະສົ່ງຜົນໃຫ້ບໍ່ມີຜູ້ສະໝັກ
ຮັບເລືອກຕັ້ງຈາກຝ່າຍຄ້ານຈັກຄົນ ເຂົ້າຮ່ວມໃນການເລືອກຕັ້ງ
ນັ້ນ ແລະເບິ່ງຄືວ່າຈະສ້າງຄວາມໂກດແຄ້ນໃຫ້ແກ່ ພວກນັກ
ເຄື່ອນໄຫວທີ່ນິຍົມປະຊາທິປະໄຕໃນອະດີດອະນານິຄົມແຫ່ງນັ້ນ
ຂອງອັງກິດ ທີ່ໄດ້ຂົ່ມຂູ່ຈະຊຸກຍູ້ໃຫ້ປະຊາຊົນທຳການປະທ້ວງ
ຖ້າຫາກຈີນຫ້າມການເລືອກຕັ້ງເອົາຜູ້ບໍລິຫານໂດຍກົງນັ້ນ ໂດຍ
ເອີ້ນການຄັດເລືອກຜູ່້ສະໝັກຮັບເລືອກຕັ້ງລ່ວງໜ້າ ຂອງປັກກິ່ງວ່າ
“ເປັນປະຊາທິປະໄຕຈອມປອມ” ທີ່ເຮັດໃຫ້ການປ່ອນບັດເລືອກຕັ້ງໃດໆໄຮ້ຄວາມໝາຍ.
ຫົວໜ້າບໍລິຫານຮົງກົງທັງໝົດ ແມ່ນໄດ້ຖືກເລືອກເອົາ ໂດຍຄະນະກຳມະການເລືອກຕັ້ງນ້ອຍໆ ທີ່ສະມາຊິກເຕັມໄປດ້ວຍພວກທີ່ຈົງຮັກພັກດີຕໍ່ປັກກິ່ງ ຈາກພາກສ່ວນທຸລະກິດ.
ການປະທ້ວງຕໍ່ຕ້ານຈີນ ຢູ່ຮົງກົງ ເມື່ອວັນທີ 18 ເດືອນສິງຫານີ້:
