ຈີນຍັງສືບຕໍ່ ການປຸກລະດົມ ຕໍ່ຕ້ານພວກກໍ່ການຮ້າຍ ຢູ່ໃນເຂດ
Xinjiang ທີ່ວຸ້ນວາຍທາງພາກຕາເວັນຕົກຂອງປະເທດ ໂດຍໄດ້
ຕັດໂທດອີກ 9 ຄົນໃຫ້ຕິດຄຸກໃນຖານເຂົ້າຮ່ວມການໂຮມຊຸມນຸມ
ປະທ້ວງ.
ອົງການຂ່າວຂອງທາງການຈີນລາຍງານວ່າ ການຕັດສິນໂທດ
ຈຳຄຸກໃນຄັ້ງນີ້ແມ່ນເລີ້ມແຕ່ 3 ຫາ 14 ປີໃນຄວາມຜິດທີ່ຮວມ
ທັງການສິດສອນກ່ຽວກັບເລື່ອງສົງຄາມສັກສິດຫຼື jihad ແລະ
ການຍຸຍົງໃຫ້ມີການແບ່ງແຍກດິນແດນແລະກຽດຊັງລະຫວ່າງຊົນເຜົ່າ.
ໜັງສືພິມປະຊາຊົນລາຍວັນ ຫຼື People’s Daily ກ່າວວ່າ ມີ 3 ພັນຄົນ ເຂົ້າຮ່ວມໃນການຕັດສິນໂທດຫລາຍໆຄົນພ້ອມກັນ ຊຶ່ງເຈົ້າໜ້າທີ່ພວມນຳໃຊ້ ເພື່ອໃຫ້ໄດ້ຮັບການສະນັບສະໜຸນຈາກປະຊາຊົນ ກ່ຽວກັບການປາບປາມພວກກໍ່ການຮ້າຍ.
ເຈົ້າໜ້າທີ່ທ້ອງຖິ່ນຄົນນຶ່ງ ໃນເຂດ Qapqal ບ່ອນທີ່ໄດ້ມີການຕັດສິນໂທດໃນຄັ້ງນີ້ ໄດ້ຮຽກ
ຮ້ອງໃຫ້ເຮັດໃນອັນທີ່ເອີ້ນວ່າ ສົງຄາມປະຊາຊົນ ເພື່ອຕໍ່ຕ້ານພວກກໍ່ການຮ້າຍ ໂດຍກ່າວວ່າ ປະຊາຊົນພົນລະເຮືອນຄວນຈະ “ທັບມ້າງແຜນການຊົ່ວຮ້າຍຂອງພວກສັດຕູຢ່າງ ເດັດດ່ຽວ.”
ເຈົ້າໜ້າທີ່ໃນສັບປະດາແລ້ວນີ້ ໄດ້ປະກາດວ່າ ຕົນຈັບກຸມຜູ້ຕ້ອງສົງໄສໄດ້ 380 ຄົນ
ແລະລົງໂທດໄປແລ້ວ 315 ຄົນໃນລະຫວ່າງເດືອນທຳອິດຂອງການທັບມ້າງປາບປາມ
ຕະຫຼອດ ປີເພື່ອຮັກສາຄວາມປອດໄພ ຢູ່ໃນແຂດ Xinjiang.
ມີປະມານ 200 ຄົນ ໄດ້ເສຍຊີວິດໃນຄວາມວຸ້ນວາຍ ໃນຮອບປີຜ່ານມາ ຢູ່ໃນເຂດ Xinjiang ຊຶ່ງໃນຫຼາຍໆກໍລະນີ ແມ່ນໄດ້ເພີ່ມຄວາມສະລັບສັບຊ້ອນຫຼາຍຂຶ້ນໃນການໂຈມຕີທີ່ແນ່ເປົ້າ
ໝາຍໃສ່ພົນລະເຮືອນນັ້ນ.
