ລິ້ງ ສຳຫລັບເຂົ້າຫາ

logo-print

ຈີນກ່າວວ່າ ພວກຕ້ອງສົງໄສ ຕິດເຊື້ອອີໂບລາ 43 ຄົນ ບໍ່ມີເຊື້ອອີໂບລາ


ຊ່ຽວຊານດ້ານສຸຂະພາບຈີນ ສາທິດໃຫ້ຕຳຫລວດພາສີເບິ່ງ ອາການຂອງເຊື້ອອີໂບລາ ຢູ່ຫ້ອງກວດແຫ່ງນຶ່ງ ທີ່ສະໜາມບິນ ແຫ່ງນຶ່ງ ໃນເມືອງຈິງດາວ ແຂວງຊານຕຸງ, ວັນທີ 11 ສິງຫາ 2014.

ຈີນໄດ້ອອກມາຖະແຫລງ ກ່ຽວກັບກໍລະນີຄົນຕິດເຊື້ອອີໂບລາ
ຢູ່ໃນປະເທດຂອງຕົນ ໂດຍກ່າວວ່າ ຜົນການກວດ 43 ຄົນທີ່ສົງ
ໄສວ່າຕິດເຊື້ອອີໂບລາ ຢູ່ໃນແຂວງກວາງຕຸ້ງ ທາງພາກໃຕ້ຂອງ
ປະເທດ ສະແດງວ່າພວກກ່ຽວບໍ່ໄດ້ຕິດເຊື້ອອີໂບລາ. ຂະນະດຽວ
ກັນ ສື່ຈີນລາຍງານວ່າ ທາງການກຳລັງເອົາມາດຕະການເພີ້ມຂຶ້ນ
ເພື່ອປ້ອງກັນບໍ່ໃຫ້ເຊື້ອ ໄວຣັສ ທີ່ອັນຕະລາຍເຖິງຕາຍນັ້ນ ເຂົ້າໄປ
ຮອດປະເທດຂອງຕົນ. Bill Ide ມີລາຍງານຈາກປັກກິ່ງ ຊຶ່ງດາຣາ
ຈະນຳມາສະເໜີທ່ານ.

ລາຍງານຂ່າວສັ້ນໆ ທີ່ອົງການຂ່າວຊິນຫົວ ນຳອອກເຜີຍແຜ່ ເມື່ອແລງວັນອັງຄານອາທິດ ແລ້ວນີ້ ມີລາຍລະອຽດພຽງເລັກນ້ອຍ ແຕ່ໂຕເລກທີ່ເປີດເຜີຍອອກມານັ້ນ ພາໃຫ້ປະຫລາດ ໃຈ.

ຊິນຫົວເວົ້າວ່າ ມີປະມານ 8.672 ຄົນໄດ້ເດີນທາງ ໄປຍັງແຂວງກວາງຕຸ້ງ ຈາກເຂດທີ່ຖືກ ອີໂບລາຄຸກຄາມຢ່າງໜັກ ໃນອາຟຣິກາຕາເວັນຕົກ ເມື່ອທ້າຍເດືອນສິງຫາຜ່ານມາ. ໃນ
ນັ້ນ ຫລາຍກ່ວາ 5.437 ຄົນ ໄດ້ຖືກປ່ອຍຈາກ ການຖືກຕິດຕາມດູແລເບິ່ງທາງການແພດ.

ລາຍງານບໍ່ໄດ້ໃຫ້ລາຍລະອຽດກ່ຽວກັບພວກອື່ນໆ ແລະກໍບໍ່ໄດ້ເວົ້າຢ່າງແຈ້ງຂາວວ່າ ການຕິດຕາມດູແລເບິ່ງທທາງການແພດນັ້ນ ໝາຍຄວາມວ່າແນວໃດ ຫລືບອກວ່າພວກ ຄົນເຫລົ່ານັ້ນ ເດີນທາງມາຈາກປະເທດໃດ.

ເຈົ້າໜ້າທີ່ຄົນນຶ່ງຂອງສະຖານທູດໄລບີເຣຍ ກ່າວວ່າ ທາງການຈີນບໍ່ໄດ້ແຈ້ງໃຫ້ເຂົາເຈົ້າ ຊາບວ່າ ໄດ້ມີກໍລະນີທີ່ສົງໄສວ່າຕິດເຊື້ອອີໂບລາມາຈາກໄລບີເຣຍ. ສ່ວນທາງສະຖານ ທູດຊີແອຣາ ລີອອນນັ້ນ ບໍ່ສາມາດຕິດຕໍ່ຂໍຄວາມເຫັນໄດ້.

ຢູ່ກວາງໂຈ ເມືອງຫລວງຂອງແຂວງກວາງຕຸ້ງ ງານມະຫະກຳ Canton Fair ຊຶ່ງເປັນງານ ສະແດງສິນຄ້າທີ່ໃຫຍ່ທີ່ສຸດຂອງຈີນ ໄດ້ໄຂຂຶ້ນ ເມື່ອວັນທີ 15 ຜ່ານມາ ແລະຈະເປີດຈົນ
ຮອດ ວັນທີ 4 ເດືອນພະຈິກ.

ສື່ຈີນລາຍງານວ່າ ໄດ້ມີການຈັດຕັ້ງບ່ອນກວດອຸນນະພູມຫລາຍຂຶ້ນ ເພື່ອກວດຜູ້ຄົນທີ່ໄປ ຮ່ວມງານ ແລະພວກທີ່ເດີນທາງມາຮ່ວມ ຈາກເຂດທີ່ຖືກອີໂບລາກະທົບໜັກໜ່ວງທີ່ສຸດ ໃນອາຟຣິກາຕາເວັນຕົກນັ້ນ ໄດ້ຖືກຮ້ອງຂໍໃຫ້ພັກເຊົາຢູ່ໂຮງແຮມ ທີ່ທາງການຈັດໃຫ້ ໃນຂະນະທີ່ມີການຕິດຕາມເບິ່ງອຸນນະພູມຂອງເຂົາເຈົ້າ.

ຢູ່ສະໜາມບິນສາກົນໃຫຍ່ໆໃນປະເທດຈີນ ກໍໄດ້ມີການຈັດແຖວກວດອຸນນະພູມ ສຳຫລັບ ພວກທີ່ເດີນທາງໄປຈາກ ອາຟຣິກາຕາເວັນຕົກເຊັ່ນກັນ.

ທ່ານ Adams Bodomo ອາຈານສອນວິຊາສຶກສາກ່ຽວກັບອາຟຣິກາ ທີ່ມະຫາວິທະຍາ
ໄລ ນະຄອນຫລວງ ວຽນນາ ຂອງປະເທດອອສເຕຣຍ ກ່າວວ່າ ເວລາລາວເດີນທາງໄປ ຮອດປັກກິ່ງ ເມື່ອບໍ່ດົນມານີ້ ລາວກໍຕ້ອງໄດ້ໄປຜ່ານແຖວກວດພິເສດນັ້ນ ເພາະວ່າລາວ
ຖືໜັງສືເດີນທາງຂອງປະເທດ ການາ.

ຕໍ່ມາ ທ່ານ Bodomo ໄດ້ເດີນທາງຕໍ່ໄປຍັງເມືອງກວາງໂຈ ຈາກຮົງກົງ ໂດຍທາງລົດໄຟ. ລາວກ່າວວ່າ ຢູ່ສະຖານີລົດໄຟກວາງໂຈຕາເວັນອອກນັ້ນ ກໍມີແຖວກວດອຸນນະພູມຈັດໄວ້ ສຳຫລັບຜູ້ທີ່ຖືກພາສປອຕ ຂອງພວກປະເທດອາຟຣິກາຕາເວັນຕົກເຊັ່ນກັນ.

ທ່ານ Bodomoເວົ້າວ່າ “ຍ້ອນວ່າເມືອງກວາງໂຈ ມີປະຊາຄົມຊາວອາຟຣິກາ ທີ່ໃຫຍ່ທີ່ສຸດໃນປະເທດຈີນ ແນວຄິດກໍແມ່ນວ່າ ຖ້າໄວຣັສອີໂບລາຈະເຂົ້າມາ
ປະເທດແທ້ໆແລ້ວ ມັນກໍຄົງຈະເຂົ້າມາທາງກວາງໂຈນີ້ແຫລະ.”

ທ່ານ Bodomo ກ່າວອີກວ່າ ໃນຕອນນັ້ນ ທ່ານບໍ່ໄດ້ຍິນຂ່າວກ່ຽວກັບວ່າ ມີຜູ້ໃດຖືກແຍກ ໄປກັກໂຕໄວ້ຕ່າງຫາກ ແຕ່ກໍຮູ້ສຶກວ່າທຸກໆຄົນມີຄວາມຢ້ານກົວ ເຖິງແມ່ນຕອນນັ້ນຈະເປັນ ທ້າຍເດືອນສິງຫາ ແລະຕົ້ນເດືອນກັນຍາ ກໍຕາມ.

ທ່ານ Bodomo ເວົ້າວ່າ “ເບິ່ງຄືວ່າ ຫລາຍໆຄົນພາກັນຢ້ານກົວ ແລະກໍມີການ ໂອ້ລົມກັນຢ່າງຫລວງຫລາຍ ທີ່ສ້າງຄວາມຢ້ານກົວຂຶ້ນ ໃນປະຊາຄົມ.”

ໂຄສົກຍິງຂອງກະຊວງການຕ່າງປະເທດຈີນ ທ່ານນາງ Hua Chunying ກ່າວວ່າ ພວກ
ຄົນທີ່ມາຈາກບັນດາປະເທດທີ່ຖືກກະທົບ ແລະໄດ້ຖືກກວດ ແຕ່ພົບວ່າບໍ່ມີຮ່ອງຮອຍຂອງ
ໄວຣັສອີໂບລາ ແມ່ນໄດ້ຮັບອະນຸຍາດ ໃຫ້ເດີນທາງໄປມາ ຢູ່ໃນປະເທດຈີນໄດ້ ໂດຍບໍ່ມີ
ຂໍ້ຈຳກັດຮັດແຄບໃດໆ.

ຈີນບໍ່ແມ່ນປະເທດດຽວ ທີ່ມີຄວາມເປັນຫ່ວງກ່ຽວກັບ ການແຜ່ລາມອອກໄປຂອງໄວຣັສ ທີ່ອັນຕະລາຍເຖິງຕາຍນັ້ນ.

ມີການອະພິປາຍກັນຫລາຍຂຶ້ນເລື້ອຍໆ ກ່ຽວກັບຄວາມຈຳເປັນໃນການຫ້າມເດີນທາງ.

ຜູ້ແທນລັດຖະສະພາສະຫະລັດ ຈຳນວນນຶ່ງ ກ່າວວ່າ ການຫ້າມພວກຄົນເດີນທາງມາຈາກ ອາຟຣິກາຕາເວັນຕົກ ເຂົ້າສະຫະລັດ ຈະເປັນປະໂຫຍດ ແຕ່ວ່າ ປະທານາທິບໍດີ ບາຣັກ ໂອບາມາ ມີຄວາມເຫັນພ້ອມກັບພວກເຈົ້າໜ້າທີ່ສຸຂະພາບ ທີ່ຄັດຄ້ານຕໍ່ການຫ້າມເດີນທາງ.

ຢ່າງໃດກໍຕາມ ເລີ້ມຕົ້ນໃນວັນພຸດອາທິດແລ້ວນີ້ ສະຫະລັດໄດ້ເລີ້ມຈັດສົ່ງ ພວກຖ້ຽວບິນ
ທີ່ມາຈາກເຂດທີ່ຖືກອີໂບລາຄຸກຄາມ ໃນອາຟຣິກາຕາເວັນຕົກນັ້ນ ໃຫ້ໄປຜ່ານ 5 ສະໜາມ
ບິນໃຫຍ່ໆ.

ຈີນກ່າວວ່າ ຕົນກຳລັງຢື່ນມືໄປຫາປະຊາຄົມນາໆຊາດ ເພື່ອສະເໜີໃຫ້ການສະໜັບສະໜຸນ ແລະການຮ່ວມງານ ເພີ້ມຂຶ້ນ. ປັກກິ່ງໄດ້ຮັບປາກທີ່ຈະໃຫ້ການຊ່ວຍເຫລືອດ້ານການແພດ ປະມານ 35 ລ້ານດອລລ່າ ແກ່ບັນດາປະເທດທີ່ຖືກອີໂບລາຄຸກຄາມ ຮ້າຍແຮງທີ່ສຸດ.

ນັບແຕ່ການລະບາດໄດ້ເລີ້ມຕົ້ນຂຶ້ນ ຈີນກໍໄດ້ສົ່ງພະນັກງານແພດ ເກືອບ 200 ຄົນ ໄປຍັງ ບັນດາປະເທດໃນອາຟຣິກາຕາເວັນຕົກ ເພື່ອຊ່ວຍຕ້ານຢັນການແຜ່ຜາຍຂອງໄວຣັສອັນນີ້.

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG