ຈີນ ກ່າວວ່າ ຕົນພ້ອມແລ້ວ ທີ່ຈະຕອບໂຕ້ຕໍ່ “ການເພີ້ມທະວີໃດໆກໍຕາມ” ໂດຍ
ຝ່າຍຟິລິບປິນໃນຂະນະທີ່ການປະເຊີນໜ້າກັນດ້ວຍຄວາມເຄັ່ງຕຶງ ທີ່ແກ່ຍາວມາ
ໄດ້ນຶ່ງເດືອນ ຍັງດຳເນີນຢູ່ຕໍ່ມາ ກ່ຽວກັບບັນຫາ ຂັດແຍ້ງເລື່ອງໝູ່ເກາະໃນເຂດ
ທະເລຈີນໃຕ້.
ອົງການຂ່າວຊິນຫົວ ຂອງທາງການຈີນ ໄດ້ອ້າງຄໍາເວົ້າຂອງຮອງລັດຖະມົນຕີ
ການຕ່າງປະເທດຈີນ ທ່ານ Fu Ying ທີ່ກ່າວໃນວັນອັງຄານມື້ນີ້ວ່າ ປັກກິ່ງ ບໍ່ຄ່ອຍ
ມີຄວາມຫວັງໄປໃນແງ່ດີປານໃດ ກ່ຽວກັບການບັນຫາຂັດແຍ້ງເລື່ອງໝູ່ເກາະ
Scarborough ທີ່ຕັ້ງຢູ່ປະມານ 230 ກິໂລແມັດ ຫ່າງຈາກຝັ່ງທະເລໃນພາກຕາ
ເວັນຕົກສ່ຽງເໜືອຂອງຟິລິບປິນ.
ໃນວັນຈັນວານນີ້ ທ່ານ Fu ໄດ້ຮຽກນັກການທູດຂັ້ນສູງຂອງຟິລິບປິນ ປະຈຳກຸງ
ປັກກິ່ງເຂົ້າພົບເພື່ອ "ລາຍງານໃຫ້ຊາບຢ່າງຈິງຈັງ” ກ່ຽວກັບສະຖານະການ. ທ່ານ
Fu ກ່າວຕໍ່ອຸບປະທູດຟີລິບປິນ ທ່ານ Alex Chua ວ່າ ກຸງມະນິລາ ໄດ້ເຮັດໃຫ້
ຄວາມເຄັ່ງຕຶງເພີ່ມທະວີຂຶ້ນ ແລະ ເຮັດໃຫ້ເຮັດໃຫ້ເປັນການຍາກລໍາບາກຫຼາຍຂຶ້ນ
ທີ່ຈະບັນລຸການຕົກລົງກັນດ້ວຍການເຈລະຈາຕໍ່ລອງ.
ການປະເຊີນໜ້າໄດ້ເລີ້ມຂື້ນໃນວັນທີ 10 ເມສາ ເວລາເຮືອລາດຕະເວັນຂອງຈີນ ໄດ້
ກີດກັ້ນບໍ່ໃຫ້ເຮືອລົບຂອງຟິລິບປິນ ເຂົ້າໄປຈັບຊາວປະມົງຂອງຈີນ ໃກ້ກັບເກາະຫີນ
ປະກາລັງດັ່ງກ່າວ ຊຶ່ງທັງສອງຝ່າຍຕ່າງກໍກ່າວອ້າງວ່າ ເປັນສ່ວນນຶ່ງຂອງເຂດນໍ້າດິນ
ແດນຕົນ.
ຈີນໄດ້ປະຕິເສດໄປແລ້ວ ຕໍ່ການຮ້ອງຂໍຂອງຟີລິບປິນເພື່ອໃຫ້ສົ່ງບັນ ຫາຂັດແຍ້ງດັ່ງ
ກ່າວໄປໃຫ້ສານນາໆຊາດເປັນຜູ້ຕັດສິນ.