ລິ້ງ ສຳຫລັບເຂົ້າຫາ

ວັນຈັນ, ໑໕ ເມສາ ໒໐໒໔

ປະທານປະເທດຈີນ ທ່ານສີ ຈະ​ເຂົ້າ​ຮ່ວມ​ກອງ​ປະ​ຊຸມ​ຂອງຜູ້​ນຳກຸ່ມ BRICS ແລະ​ຢ້ຽມ​ຢາມ​ອາ​ຟ​ຣິ​ກາ​ໃຕ້


ແຟ້ມພາບ - ປະທານາທິບໍດີຣັດເຊຍ ທ່ານ ວະລາດີເມຍ ປູຕິນ, ຊ້າຍມື, ສະແດງທ່າທາງໃນຂະນະກຳລັງສົນທະນາກັບ ປະ​ທານ​ປະ​ເທດ​ຈີນ ທ່ານ​ສີ ​ຈິ້ນ​ຜິງ ລະຫວ່າງການປະຊຸມສຸດຍອດຂອງອົງການຄວາມຮ່ວມມື ຊຽງໄຮ້ (the Shanghai Cooperation Organization (SCO)) ໃນ (Samarkand), ອຸສເບັກກິສຖານ, ວັນທີ 16 ກັນຍາ 2022
ແຟ້ມພາບ - ປະທານາທິບໍດີຣັດເຊຍ ທ່ານ ວະລາດີເມຍ ປູຕິນ, ຊ້າຍມື, ສະແດງທ່າທາງໃນຂະນະກຳລັງສົນທະນາກັບ ປະ​ທານ​ປະ​ເທດ​ຈີນ ທ່ານ​ສີ ​ຈິ້ນ​ຜິງ ລະຫວ່າງການປະຊຸມສຸດຍອດຂອງອົງການຄວາມຮ່ວມມື ຊຽງໄຮ້ (the Shanghai Cooperation Organization (SCO)) ໃນ (Samarkand), ອຸສເບັກກິສຖານ, ວັນທີ 16 ກັນຍາ 2022

ປະ​ທານ​ປະ​ເທດ​ຈີນ ທ່ານ​ສີ ​ຈິ້ນ​ຜິງ ​ຈະ​ເຂົ້າ​ຮ່ວມ​ກອງ​ປະ​ຊຸມ​ຂອງຜູ້​ນຳກຸ່ມ BRICS ແລະ​ຢ້ຽມ​ຢາມ​ອາ​ຟ​ຣິ​ກາ​ໃຕ້​ໃນ​ວັນ​ທີ 21 ​ຫາ 24 ສິງຫາ​ນີ້, ກະຊວງ​ການ​ຕ່າງປະ​ເທດ​ຈີນ​ກ່າວ​ໃນ​ຖະ​ແຫຼງການ ​ໃນ​ວັນ​ສຸກ​ມື້​ນີ້ ອີງຕາມລາຍງານຂອງ ອົງການຂ່າວ ຣອຍເຕີສ໌.

ຜູ້ນຳຈາກ 5 ປະເທດໃນກຸ່ມ BRICS ຄື ບຣາຊິລ, ຣັດເຊຍ, ອິນເດຍ, ຈີນ ແລະ ອາຟຣິກາໃຕ້ ຈະພົບປະກັນ ທີ່ນະຄອນ ໂຈແຮນແນັສເບີກ ໃນອາທິດ ໜ້ານີ້ ນັບແຕ່ວັນທີ 22 ສິງຫາ ເພື່ອປຶກສາຫາລື ກ່ຽວກັບການປ່ຽນແປງກຸ່ມປະເທດທີ່ຢ່ອນຍານ ເຊິ່ງກວມເອົາ 1/4 ຂອງເສດຖະກິດໂລກ ໃຫ້ກາຍມາເປັນກຳລັງທາງພູມສາດການເມືອງ ທີ່ສາມາດ ທ້າ​ທາຍ​ການຄອບງໍາ (ແຜ່ອຳນາດ) ​ຂອງ​ຝ່າຍ​ຕາ​ເວັນ​ຕົກ ​ໃນ​ວຽກ​ງານ​ຕ່າງໆຂອງໂລກ.

ປະທານາທິບໍດີຣັດເຊຍ ທ່ານ ວະລາດີເມຍ ປູຕິນ, ຜູ້ທີ່ປະເຊີນໜ້າກັບໝາຍຈັບສາກົນ ໃນຂໍ້ຫາກໍ່ອາດຊະຍາກຳສົງຄາມໃນຢູເຄຣນ, ຈະໂທເຂົ້າຮ່ວມກອງປະຊຸມທາງວີດີໂອ ແທນການເຂົ້າຮ່ວມດ້ວຍຕົນເອງ.

ການຂະຫຍາຍອອກຂອງວາລະກອງປະຊຸມດັ່ງກ່າວ ຄາດວ່າຈະສູງ, ເນື່ອງຈາກ ມີ 40 ປະເທດໄດ້ສະແດງຄວາມສົນໃຈທີ່ຈະເຂົ້າຮ່ວມ, ບໍ່ວ່າຈະເປັນທາງການຫຼືບໍ່ເປັນທາງການ, ອີງຕາມລາຍງານຂອງອາຟຣິກາໃຕ້. ປະເທດຜູ້ເຂົ້າຮ່ວມລວມມີ ຊາອຸດີ ອາຣາເບຍ (Saudi Arabia), ອາເຈັນຕິນາ (Argentina) ແລະ ອີຈິບ (Egypt).

ອ່ານຂ່າວນີ້ເປັນພາສາອັງກິດ

XS
SM
MD
LG