ສື່ມວນຊົນຂອງລັດໃນປະເທດຈີນ, ບ່ອນທີ່ການປະທ້ວງທາງສັງຄົມກໍາລັງທໍ້ຖອຍໃຈ ຫຼືຖືກລົງໂທດຢ່າງແຂງແຮງ, ໄດ້ສະຫນັບສະຫນູນການປະທ້ວງຂອງຊາວປາແລັສໄຕນ໌ ໃນວິທະຍາເຂດຂອງສະຫະລັດ ໃນເວລາດຽວກັນ ກໍປະຕິເສດສິ່ງທີ່ພວກເຂົາອະທິບາຍວ່າ ເປັນການປາບປາມຢ່າງເຄັ່ງຄັດຕໍ່ເສລີພາບໃນການປາກເວົ້າຂອງເຈົ້າຫນ້າທີ່.
“ການໃຊ້ຄວາມຮຸນແຮງເພື່ອປາບປາມນັກຮຽນແບບບໍ່ມືນຫູມືນຕາ ສາມາດສະກັດກັ້ນຄວາມບໍ່ພໍໃຈພາຍໃນປະເທດຕໍ່ລັດຖະບານໄດ້ບໍ?” ຂຽນໂດຍ ຈຸນ ເຊັງພິນ ສຕູດີໂອ (Jun Zhengping Studio), ເຊິ່ງເປັນຊື່ຂອງບັນຊີໃນສື່ສັງຄົມ ທີ່ດໍາເນີນການໂດຍສູນກະຈາຍສຽງດ້ານຂ່າວຂອງກອງທັບປົດປ່ອຍປະຊາຊົນ, ໃນການສະແດງຄໍາເຫັນເມື່ອວັນທີ 26 ເມສາ.
“ຖ້ານັກການເມືອງອາເມຣິກັນມີຄວາມຮັບຮູ້ກ່ຽວກັບປະຊາທິປະໄຕ ແລະສິດທິມະນຸດຢ່າງແທ້ຈິງ, ພວກເຂົາເຈົ້າຄວນຢຸດສະໜັບສະໜູນ ອິສຣາແອລ, ຢຸດຢັ້ງການກະທຳຂອງອິສຣາແອລ ແລະ ເຮັດສິ່ງທີ່ເອື້ອອຳນວຍໃຫ້ແກ່ສັນຕິພາບໂລກໃຫ້ຫຼາຍຂຶ້ນ. ຖ້າບໍ່ດັ່ງນັ້ນ, ຜູ້ດຽວທີ່ຈະໄດ້ຮັບຜົນກະທົບກັບຄືນກໍຄືສະຫະລັດເອງ."
ໜັງສືພິມ People's Daily, ເຊິ່ງເປັນໜັງສືພິມຂອງລັດຖະບານຈີນ ກ່າວໃນວີດີໂອວ່າ ນັກສຶກສາອາເມຣິກັນ ກຳລັງປະທ້ວງຍ້ອນວ່າພວກເຂົາເຈົ້າ “ບໍ່ສາມາດທົນຕໍ່ລະບົບສອງມາດຕະຖານຂອງສະຫະລັດໄດ້ອີກຕໍ່ໄປ.”
ໃນເວທີສື່ສັງຄົມ X, ເຊິ່ງໃນເມື່ອກ່ອນແມ່ນ Twitter, ໂຄສົກກະຊວງການຕ່າງປະເທດຈີນ ທ່ານນາງ ຫົວ ຊຸນຢິງ (Hua Chunying) ໄດ້ສະແດງຄວາມເຫັນດັ່ງກ່າວ ແລະ ຊີ້ແຈ້ງວ່າ ລັດຖະບານສະຫະລັດ ກຳລັງປາບປາມການປະທ້ວງຢູ່ພາຍໃນປະເທດ ໃນຂະນະທີ່ສະໜັບສະໜູນການປະທ້ວງຢູ່ຕ່າງປະເທດ.
ທ່ານ ນາງ ໄດ້ເຜີຍແຜ່ຄລິບທີ່ຕຳຫຼວດສະຫະລັດຈັບພວກປະທ້ວງ ໂດຍຕັ້ງຄຳຖາມວ່າ “ຈື່ໄດ້ບໍວ່າເຈົ້າໜ້າທີ່ສະຫະລັດມີປະຕິກິລິຍາແນວໃດ ເມື່ອການປະທ້ວງເຫຼົ່ານີ້ ເກີດຂຶ້ນຢູ່ບ່ອນອື່ນ?”
ຟໍຣັມສະແດງຄວາມຄິດເຫັນ