ລິ້ງ ສຳຫລັບເຂົ້າຫາ

ນາຍົກລັດຖະມົນຕີຣັດເຊຍ ຢ້ຽມຢາມ ປະເທດຈີນ

  • ສິງ ບູຣົມມະວົງ

ທ່ານ Vladimir Putin ນາຍົກລັດຖະມົນຕີຣັດເຊຍ ຈັບມືກັບທ່ານ ຫູຈິນເຖົາ ປະທານປະເທດຈີນ. ວັນທີ 12 ຕຸລາ 2011.





















ທ່ານ​ຫູ​ຈິນ​ເຖົາ ປະທານ​ປະ​ເທດ​ຈີນ ​ໄດ້ໃຫ້​ການ​ຕ້ອນຮັບ​ທ່ານ Vladimir Putin
ນາຍົກລັດຖະມົນຕີຣັດ​ເຊຍ ​ໃນ​ຖານະ​ເປັນ​ເພື່ອນ​ມິດເກົ່າ​ຂອງ​ຈີນ​ໃນ​ວັນ​ພຸດ​ມື້​ນີ້​
ໂດຍ​ກ່າວ​ຕໍ່​ທ່ານ​ພູ​ຕິ​ນວ່າ ການ​ຢ້ຽມຢາມກຸງ​ປັກ​ກິ​ງ​ເປັນ​ເວລາ2 ມື້​ຂອງ​ທ່ານ​ໄດ້
ເຮັດ​ໃຫ້​ຄວາມ​ສໍາພັນ​ລະຫວ່າງສອງ​ປະ​ເທດ​ຄືບ​ໜ້າ​ຕໍ່​ໄປ.

ພວກຜູ້ນຳທັງສອງໄດ້ກ່າວຕະລົກມ່ວນຊື່ນຕໍ່ກັນ ກ່ອນທີ່ຈະທຳການປະຊຸມແບບ
ປິດລັບຢ່າງຈິງຈັງ. ທ່ານພູຕິນກ່າວຕໍ່ປະທານປະເທດຈີນວ່າ ທ່ານຫວັງວ່າຈະໄດ້
ມີການສົນທະນາຫາລືກັນກ່ຽວກັບບັນຫາທັງໝົດໃນຂອບເຂດທີ່ກວ້າງຂວາງໃນ
ຄວາມສຳພັນລະຫວ່າງຈີນກັບຣັດເຊຍ.

ໃນ​ຕອນ​ເຊົ້າ​ວັນ​ພຸດ​ມື້​ນີ້ ທ່ານ​ພູ​ຕິນ ກ່າວ​ຕໍ່​ທ່ານ Wu Bangguo ຜູ້ນໍາ​ສະພາ​
ປະຊາຊົນ​ແຫ່ງ​ຊາດ​ຈີນ​ວ່າ ຄວາມ​ສໍາພັນ​ກັບ​ຈີນ​ໄດ້ມີ​ຜົນ​ຕໍ່ສະຫວັດດີ​ການ​ຂອງ​
ປະຊາຊົນຣັດ​ເຊຍ.

ໃນການ​ໂອ້​ລົມ​ສົນທະນາ​ກັນ​ໃນ​ວັນ​ອັງຄານ​ວານ​ນີ້ ລະຫວ່າງທ່ານ​ພູ​ຕິນ​ ແລະ
ທ່ານ​ເຫ​ວິ້ນ​ເຈຍ​ບາ​ວ ນາຍົກລັດຖະມົນຕີຈີນ ສອງ​ປະ​ເທດ​ຕ່າງ​ໃຫ້​ຄໍາ​ໜັ້ນສັນ
ຍາ​ ທີ່​ຈະ​ແກ້​ໄຂ​ບັນຫາ​ຂັດ​ແຍ້​ງກັນໃນເລື້ອງການຕັ້ງລາຄາ​ທີ່​ຂັດຂວາງ​ຕໍ່​ຂໍ້​ຕົກ
ລົງ​ສໍາຄັນ​ທີ່ຣັດ​ເຊຍ​ຈະ​ຂາຍ​ແກ​ສທໍາມະ​ຊາດ​ໃຫ້​ຈີນ​ນັ້ນ.

XS
SM
MD
LG