ສານແຫ່ງນຶ່ງຂອງຈີນ ໄດ້ຕັດສິນໂທດຈໍາຄຸກສີ່ປີ ນັກວິຊາການດ້ານກົດ ໝາຍ ແລະນັກເຄື່ອນໄຫວເພື່ອສິດທິ ທີ່ມີຊື່ສຽງຄົນນຶ່ງ ຫຼັງຈາກຜູ້ກ່ຽວໄດ້ ຮຽກຮ້ອງໃຫ້ບັນດາເຈົ້າໜ້າທີ່ຈີນ ເປີດເຜີຍຊັບສິນຂອງພວກເຂົາເຈົ້າ ອັນ ເປັນພາກສ່ວນນຶ່ງຂອງການປຸກລະດົມຕໍ່ ຕ້ານການສໍ້ລາດບັງຫຼວງ.
ສານລະດັບກາງຂອງນະຄອນຫລວງປັກກິ່ງ ໄດ້ຕັດສິນໂທດ ທ່ານ Xu Zhiyong ໃນວັນອາທິດມື້ນີ້ ຫຼັງຈາກພົບວ່າທ່ານມີຄວາມຜິດ ໃນຂໍ້ຫາເຕົ້າໂຮມຝຸງຊົນ ເພື່ອລົບກວນຄວາມເປັນລະບຽບຮຽບຮ້ອຍຂອງສາທາລະນະ.
ໃນລະຫວ່າງການດໍາເນີນຄະດີນຶ່ງວັນ ເມື່ອອາທິດຜ່ານມາ ທ່ານ Xu ບໍ່ຍອມເວົ້າຫຍັງ
ແລະບໍ່ໄດ້ກ່າວປ້ອງກັນຕົນເອງແຕ່ຢ່າງໃດ.
ທ່ານ Xu ນັກວິຊາການດ້ານກົດໝາຍ ໄວ 40 ປີ ເປັນຜູ້ກໍ່ຕັ້ງກຸ່ມຮາກຫຍ້າທີ່ຊື່ວ່າ ຂະບວນ
ການພົນລະເມືອງໃໝ່ ຊຶ່ງສະໜັບສະໜຸນປະຊາທິປະໄຕ ແລະຕົວບົດກົດໝາຍ ແລະມີເປົ້າ
ໝາຍ ເພື່ອກວດລ້າງພວກເຈົ້າໜ້າທີ່ ທີ່ສໍ້ລາດບັງຫຼວງ.
ສະມາຊິກເຈັດຄົນ ຂອງກຸ່ມ ຂະບວນການພົນລະເມືອງໃໝ່ ໄດ້ຖືກຫຼືບໍ່ກໍກໍາລັງຖືກດໍາເນີນ
ຄະດີໃນເດືອນນີ້. ສະມາຊິກອີກສາມຄົນ ຖືກດໍາເນີນຄະດີໃນເດືອນທັນວາຜ່ານມາ ໂດຍ
ທີ່ຍັງບໍ່ມີຄໍາຕັດສິນໂທດເທື່ອໃນເວລານີ້.
ກະຊວງຕ່າງປະເທດສະຫະລັດ ໄດ້ກ່າວໂຈມຕີການກວດລ້າງກຸ່ມຂະບວນການດັ່ງກ່າວ
ຊຶ່ງເຮັດໃຫ້ຈີນໂກດແຄ້ນຂຶ້ນມາໃນທັນທີ. ເມື່ອວັນອັງຄານຜ່ານມາ ກະຊວງຕ່າງປະເທດ
ຈີນ ເວົ້າວ່າ ຕ່າງປະເທດບໍ່ຄວນຈະແຊກແຊງບັນຫາພາຍໃນຂອງຈີນ.
ສານລະດັບກາງຂອງນະຄອນຫລວງປັກກິ່ງ ໄດ້ຕັດສິນໂທດ ທ່ານ Xu Zhiyong ໃນວັນອາທິດມື້ນີ້ ຫຼັງຈາກພົບວ່າທ່ານມີຄວາມຜິດ ໃນຂໍ້ຫາເຕົ້າໂຮມຝຸງຊົນ ເພື່ອລົບກວນຄວາມເປັນລະບຽບຮຽບຮ້ອຍຂອງສາທາລະນະ.
ໃນລະຫວ່າງການດໍາເນີນຄະດີນຶ່ງວັນ ເມື່ອອາທິດຜ່ານມາ ທ່ານ Xu ບໍ່ຍອມເວົ້າຫຍັງ
ແລະບໍ່ໄດ້ກ່າວປ້ອງກັນຕົນເອງແຕ່ຢ່າງໃດ.
ທ່ານ Xu ນັກວິຊາການດ້ານກົດໝາຍ ໄວ 40 ປີ ເປັນຜູ້ກໍ່ຕັ້ງກຸ່ມຮາກຫຍ້າທີ່ຊື່ວ່າ ຂະບວນ
ການພົນລະເມືອງໃໝ່ ຊຶ່ງສະໜັບສະໜຸນປະຊາທິປະໄຕ ແລະຕົວບົດກົດໝາຍ ແລະມີເປົ້າ
ໝາຍ ເພື່ອກວດລ້າງພວກເຈົ້າໜ້າທີ່ ທີ່ສໍ້ລາດບັງຫຼວງ.
ສະມາຊິກເຈັດຄົນ ຂອງກຸ່ມ ຂະບວນການພົນລະເມືອງໃໝ່ ໄດ້ຖືກຫຼືບໍ່ກໍກໍາລັງຖືກດໍາເນີນ
ຄະດີໃນເດືອນນີ້. ສະມາຊິກອີກສາມຄົນ ຖືກດໍາເນີນຄະດີໃນເດືອນທັນວາຜ່ານມາ ໂດຍ
ທີ່ຍັງບໍ່ມີຄໍາຕັດສິນໂທດເທື່ອໃນເວລານີ້.
ກະຊວງຕ່າງປະເທດສະຫະລັດ ໄດ້ກ່າວໂຈມຕີການກວດລ້າງກຸ່ມຂະບວນການດັ່ງກ່າວ
ຊຶ່ງເຮັດໃຫ້ຈີນໂກດແຄ້ນຂຶ້ນມາໃນທັນທີ. ເມື່ອວັນອັງຄານຜ່ານມາ ກະຊວງຕ່າງປະເທດ
ຈີນ ເວົ້າວ່າ ຕ່າງປະເທດບໍ່ຄວນຈະແຊກແຊງບັນຫາພາຍໃນຂອງຈີນ.
