ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ຈີນປ່ອຍໝູ່ເພື່ອນ ຂອງນາຍ Ai Weiwei


ນັກແຕ້ມແລະນັກເຄື່ອນໄຫວ Ai Weiwei ກ່າວຕໍ່ພວກນັກຂ່າວ ທີ່ໄປລໍຖ້າຢູ່ນອກເຮືອນຂອງລາວໃນກຸງປັກກິ່ງ (24 ມິຖຸນາ 2011)
ນັກແຕ້ມແລະນັກເຄື່ອນໄຫວ Ai Weiwei ກ່າວຕໍ່ພວກນັກຂ່າວ ທີ່ໄປລໍຖ້າຢູ່ນອກເຮືອນຂອງລາວໃນກຸງປັກກິ່ງ (24 ມິຖຸນາ 2011)

ນັກແຕ້ມແລະນັກເຄື່ອນໄຫວຈີນ ນາຍ Ai Weiwei ໃຫ້ການຢືນຢັນວ່າ ເພື່ອນຮ່ວມງານ
ຂອງລາວ 4 ຄົນໄດ້ຖືກປ່ອຍໃຫ້ເປັນອິດສະຫຼະໃນສັບປະດານີ້ ບໍ່ດົນລຸນຫຼັງທີ່ລາວໄດ້ຖືກ
ປະກັນໂຕອອກມາ.

ນາຍ Ai Weiwei ໄດ້ຖືກປ່ອຍໃນມື້ວັນພຸດແລ້ວຫຼັງຈາກໄດ້ຖືກຄຸມຂັງເປັນເວລາເກືອບ 3
ເດືອນ. ລາວແມ່ນນຶ່ງໃນບັນດານັກເຄື່ອນໄຫວທີ່ມີຊື່ສຽງທີ່ສຸດ ທີ່ໄດ້ຖືກຈັບ ໃນການປາບ
ປາມພວກຄັດຄ້ານລັດຖະບານຊຶ່ງເລີ່ມຂຶ້ນໃນເດືອນກຸມພາຜ່ານມາ.

ພວກໝູ່ເພື່ອນຂອງລາວເວົ້າວ່າ ນາຍ Ai Weiwei ນັກເຄື່ອນໄຫວອາຍຸ 54 ປີ ໃຫ້ການ
ຢືນຢັນກັບພວກເຂົາເຈົ້າໃນວັນເສົາມື້ນີ້ວ່າ ບຸກຄົນທັງ 4 ໄດ້ຖືກປ່ອຍໃນສັບປະດານີ້.

ເງື່ອນໄຂໃນການປະກັນໂຕຂອງນາຍ Ai Weiwei ໄດ້ຂັດຂວາງບໍ່ໃຫ້ລາວເດີນທາງອອກ
ໄປຈາກເຂດນະຄອນຫຼວງປັກກິ່ງຫຼືໂອ້ລົມກັບສື່ມວນຊົນ.

XS
SM
MD
LG