ພວກສະໜັບສະໜຸນ ທ່ານ Chen Guangchen ທະນາຍຄວາມຕາບອດທີ່ຄັດຄ້ານລັດ
ຖະບານຈີນ ກ່າວວ່າ ທ່ານໄດ້ຫຼົບໜີໄປຈາກເຮືອນທີ່ທ່ານໄດ້ຖືກກັກບໍລິເວນໃຫ້ພັກເຊົາຢູ່
ທີ່ນັ້ນມາໄດ້ນຶ່ງປີເຄິ່ງແລ້ວນັ້ນ.
ທ່ານ Chen ທີ່ໄດ້ປຸກລະດົມຕໍ່ຕ້ານການບີບບັງຄັບໃຫ້ຮີດລູກອອກ ພາຍໃຕ້ນະໂຍບາຍ
ມີລູກໄດ້ຄົນດຽວຂອງຈີນນັ້ນ ໄດ້ຖືກກັກບໍລິເວນ ນັບຕັ້ງແຕ່ທ່ານໄດ້ຖືກປ່ອຍ ຈາກການ
ຈຳຄຸກເປັນເວລາ 4 ປີ ໃນເດືອນກັນຍາປີ 2010.
ທ່ານ Bob Fu ປະທານກຸ່ມປົກປ້ອງສິດທິມະນຸດ ChinaAid ທີ່ມີສຳນັກງານຢູ່ສະຫະ
ລັດ ກ່າວໃນວັນສຸກມື້ນີ້ວ່າ ທ່ານ Chen ມີຄວາມປອດໄພດີແລະໄດ້ຖືກຍ້າຍໄປຍັງສະ
ຖານທີ່ແຫ່ງນຶ່ງທີ່ຕັ້ງຢູ່ໄກຈາກເຮືອນຂອງທ່ານໃນບ້ານ Linyi ແຂວງ Shandong.
ທ່ານ Fu ເວົ້າວ່າ ທ່ານ Chen ສາມາດເດີນທາງອອກຈາກເຮືອນຂອງທ່ານ ໃນວັນທີ
22 ເມສາຜ່ານມານີ້ ແລະ ພວກໝູ່ເພື່ອນຂອງທ່ານ ໄດ້ຄຸ້ມຄອງທ່ານ ໄປຍັງສະຖານທີ່
ແຫ່ງໃໝ່ດ້ວຍຄວາມປອດໄພ. ທ່ານ Fu ກ່າວວ່າ ພັນລະຍາຂອງທ່ານ Chen ພ້ອມ
ດ້ວຍລູກສາວແລະມານດາຂອງທ່ານ ຍັງຢູ່ທີ່ເຮືອນຫຼັງເກົ່າຂອງຄອບຄົວ ຊຶ່ງໄດ້ຖືກອ້ອມ
ໄວ້ໂດຍພວກເຈົ້າໜ້າທີ່ທ້ອງຖິ່ນ ຫຼັງຈາກເຂົາເຈົ້າພົບເຫັນວ່າ ທ່ານໄດ້ຫຼົບໜີໄປໃນມື້ວັນ
ພະຫັດຜ່ານມາ.