ລາຍງານໃໝ່ສະບັບນຶ່ງແຈ້ງວ່າ ຫຼາຍກວ່າເຄິ່ງນຶ່ງຂອງພວກແມ່ຍິງທີ່ຮັ່ງມີທີ່ສຸດໃນໂລກ ໂດຍໄດ້ກໍ່ຮ່າງສ້າງໂຕຂຶ້ນມາເອງນັ້ນ ແມ່ນເປັນຊາວຈີນ.
ລາຍງານດັ່ງກ່າວໄດ້ພິມເຜີຍແຜ່ໃນວັນອັງຄານມື້ນີ້ ໂດຍອົງການຂ່າວ Hurun ທີ່ມີສຳນັກ ງານຢູ່ນະຄອນຊຽງໄຮ້ຊຶ່ງຕິດຕາມຂ່າວຄາວ ຂອງພວກທີ່ລວຍທີ່ສຸດໃນໂລກ. ລາຍງານເວົ້າ ວ່າ ແມ່ຍິງທີ່ຮັ່ງມີທີ່ສຸດໃນໂລກ 3 ຄົນທໍາອິດແມ່ນເປັນຄົນຈີນແລະໃນຈຳນວນພວກແມ່ຍິງ ທີ່ຮັ່ງມີທີ່ສຸດໃນໂລກ 20 ຄົນທຳອິດນັ້ນ ເປັນຄົນຈີນ 11 ຄົນ.
ນາງ Shang Yin ອາຍຸ 53 ປີ ຊຶ່ງເປັນຫົວໜ້າບໍລິສັດນຳເອົາກະດາດເກົ່າມາຜະລິດໃຊ້ ຄືນໃໝ່ນັ້ນ ຕິດອັນດັບ ເປັນເສດຖີແມ່ຍິງ ທີ່ຮັ່ງມີທີ່ສຸດໃນໂລກ ໂດຍມີຊັບສົມບັດທັງໝົດ 5,600 ລ້ານໂດລາ.
ນາງ Oprah Winfrey ນັກຈັດລາຍການໂອ້ລົມທາງໂທລະພາບ ຄົນອະເມຣິກັນ ໄດ້ຕິດ ອັນດັບເປັນທີ 9 ໃນບັນຊີລາຍຊື່ຂອງພວກແມ່ຍິງ ທີ່ຮັ່ງທີ່ສຸດໃນໂລກ ໂດຍມີຊັບສິນທັງ ໝົດ 2,300 ລ້ານໂດລາ.
ສ່ວນນາງ JK Rowling ນັກຂຽນປື້ມ Harry Potter ທີ່ໄດ້ຮັບຄວາມນິຍົມເປັນຢ່າງສູງ ນັ້ນ ແມ່ນຢູ່ໃນອັນດັບ 20 ຂອງບັນຊີແມ່ຍິງ ທີ່ຮັ່ງທີ່ສຸດໃນໂລກ ໂດຍມີຊັບສິນໃນມູນຄ່າ 1,000 ລ້ານໂດລາ.
