ຂະຫຍາຍຕົວຂອງເສດຖະກິດຂອງຈີນ ໄດ້ຊັກຊ້າລົງ ຮອດ 6.7 ເປີເຊັນ ໃນໄຕມາດ ທຳອິດ ຂອງປີ 2016 ຊຶ່ງເປັນຈັງຫວະທີ່ຕ່ຳທີ່ສຸດທີ່ເຄີຍເຫັນມາ ນັບຕັ້ງແຕ່ ວິກິດການ ດ້ານການເງິນ ທີ່ສູງສຸດໃນໂລກ ເມື່ອ 7 ປີກ່ອນ.
ສື່ມວນຊົນຂອງທາງການ ໄດ້ລາຍງານໃນວັນສຸກມື້ນີ້ວ່າ ຍອດຜະລິດຕະພັນລວມ ພາຍ ໃນປະເທດ ເພີ້ມຂຶ້ນ 6.7 ເປີເຊັນ ເມື່ອປຽບທຽບໃສ່ປີກ່ອນ ໂດຍມີມູນຄ່າ ເຖິງ 2 ພັນ 4 ຮ້ອຍຕື້ໂດລາ.
ກົມສະຖິຕິແຫ່ງຊາດ ໄດ້ລາຍງານວ່າ ອັດຕາການຂະຫຍາຍຕົວ ໄດ້ແຄບເຂົ້າ ຈາກ 6.8 ເປີເຊັນ ຂອງໄຕມາດກ່ອນ. ແຕ່ການກະປະເມີນໃໝ່ ແມ່ນຢູ່ພາຍໃນຂອບເຂດ ການຄາດ ໝາຍຂອງລັດຖະບານ ທີ່ຈະເຮັດໃຫ້ເສດຖະກິດ ກ້າວໄປຕາມເສັ້ນທາງ ຕາມເປົ້າໝາຍ ທີ່ໄດ້ວາງໄວ້ຢ່າງເປັນທາງການ ຈາກ 6.5 ຫາ 7 ເປີເຊັນ ໃນລະຍະນຶ່ງປີເຕັມ.
ນີ້ແມ່ນການຂະຫຍາຍຕົວທີ່ຊ້າທີ່ສຸດ ໃນໄຕມາດທຳອິດ ທີ່ເຄີຍເຫັນ ໃນເສດຖະກິດຂອງ ຈີນ ນັບຕັ້ງແຕ່ປີ 2009 ເປັນຕົ້ນມາ ໃນເວລາ ການຂະຫຍາຍຕົວ ແມ່ນໄດ້ຖືກວັດແທກ ຢູ່ທີ່ ພຽງ 6.2 ເປີເຊັນເທົ່ານັ້ນ.
ທາງການຈີນ ໄດ້ຮັບມືສະພາບການດັ່ງກ່າວໂດຍການຕັດອັດຕາດອກເບ້ຍ ແລະການລົງ ທຶນໃນວຽກງານດ້ານສາທາລະນະ ໂດຍຫວັງທີ່ຈະລຸດຜ່ອນ ການເພິ່ງພາອາໄສ ຕໍ່ການ ຜະລິດ ແລະ ການສົ່ງອອກສິນຄ້າ ຂອງປະເທດ.
