ຜູ້ປ່ວຍ ຄົນທີ 44 ເສຍຊີວິດ ຍ້ອນໄຂ້ຫວັດສັດປິກ ສາຍພັນໃໝ່ ໃນຈີນ

ສື່ມວນ​ຊົນ​ລັດຖະບານ​ຈີນ ກ່າວ​ວ່າ ມີ​ອີກ​ຄົນ​ນຶ່ງ​ໄດ້ເສຍ​ຊີວິດ​
ຍ້ອນໄຂ້ຫວັດ​ສັດ​ປີກ​ສາຍ​ພັນ​ໃໝ່ ຊຶ່ງໃນ​ເວລາ​ນີ້ໄດ້​ເອົາ​ຊີວິດ​
ຜູ້​ຄົນໄປ​ແລ້ວທັງໝົດ ​44 ​ຄົນ​.

ອົງການ​ຂ່າວ​ຊິນ​ຫົວ​ຂອງທາງ​ການ​ຈີນ ກ່າວ​ວ່າ ຜູ້​ຊາຍ​ອາຍຸ 61
ປີ​ຄົນ​ນຶ່ງ​ຈາກ ​ແຂວງ Hebei ​ໃນ​ພາກ​ເໜືອ​ຂອງ​ປະ​ເທດ ​ໄດ້​
ເສຍ​ຊີວິດ​ໃນ​ວັນ​ຈັນ​ວານ​ນີ້ຍ້ອນ ​ອະ​ໄວ​ຍະ​ວະຫຼາຍຢ່າງ ​ບໍ່​ເຮັດ​
ວຽກ. ລາຍ​ງານ​ກ່າ​ວວ່າ ຜູ້​ຊາຍ​ຄົນ​ນີ້ໄດ້ກວດ​ພົບເຫັນວ່າຕິດ
ເຊື້ອ​ໄວຣັສ H7N9 ​ໃນ​ວັນ​ທີ 20 ​ເດືອນ​ກໍ​ລະ​ກົດຜ່ານ​ມາ.

ຈີນ​ ລາຍງານວ່າ ມີ 134 ຄົນ ​ໄດ້​ຕິດ​ເຊື້ອໄວຣັສດັ່ງກ່າວ​ ນັບ​ຕັ້ງ​ແຕ່​ໄດ້​ປະກົດ​ໃຫ້​ເຫັນ ​ໃນ​ເດືອນມີນາຜ່ານ​ມາ. ​ໃນ​ນັ້ນ ແມ່ນ​ຮວມທັງ​ກໍລະນີ​ນຶ່ງ ຢູ່ທີ່​ແຂວງ ​Guangdong ທາງ​ພາກ​ໃຕ້​ຂອງ​ປະ​ເທດ ທີ່​ໄດ້​ກ່າວ​ເຖິງ​ຢູ່​ໃນ​ລາຍງານ​ຂອງ​ອົງ ການ​ຂ່າວ​ຊິນ​ຫົວ.

ປັກ​ກິ່ງ ​ໄດ້​ສັ່ງ​ໃຫ້​ຍົກ​ເລີກ​ການ​ຮັບ​ມື​ສຸກ​ເສີນ​ກັບ​ເຊື້ອ​ໄວຣັສ​ H7N9 ທີ່​ຍັງບໍ່​ໄດ້​ມີ​ການ
ແຜ່​ລາມຢ່າງ​ວອງ​ໄວ ​ແລະ​ສ່ວນ​ໃຫຍ່​ກໍ​ໄດ້​ຖືກ​ຄວບ​ຄຸມໃຫ້ຢູ່​ແຕ່​ໃນ​ບໍລິ​ເວນ ພາກ​ຕາ​ເວັນ​ອອກ​ຂອງ​ຈີນ. ມີແຕ່​ກໍລະນີດຽວເທົ່າ​ນັ້ນ ທີ່ມີລາຍ​ງານ​ວ່າ ໄດ້ເກີດ​ຂື້ນ​ຢູ່​ນອກ​ແຜ່ນ​ດິນ​ໃຫຍ່ ນັ້ນກໍ​ຄືຢູ່​ທີ່ໄຕ້​ຫວັນ.

ກາ​ນ​ແຜ່​ຂະ​ຫຍາ​ຍຂອງ​ເຊື້ອ​ໄວຣັສສັດ​ປີກ​ສາຍ​ພັນ​ໃໝ່ ແມ່ນ​ຮ້າຍ​ແຮງກວ່າ​ໃນກໍ ລະ
ນີຕ່າງໆ​ທີ່​ມີ​ການ​ຢືນຢັນ​ແລ້ວ ຂອງ​ສາຍ​ພັນ​ H5N1 ທີ່​ໄດ້​ເຮັດ​ໃຫ້​ມີ​ຜູ້​ເສຍ​ຊີ ວິດຫຼາຍ​ກວ່າ 360 ຄົນ​ໃນຮອບ​ທົດ​ສະ​ວັດຜ່ານ​ມາ. ​ແຕ່​ມີ​ຄວາມ​ວິຕົກກັງວົນ​ວ່າ ເຊື້ອ​ໄວຣັສ
ສາຍ​ພັນ​ໃໝ່​ນີ້ ອາດປັບ​ໂຕ ​ແລະ​ສາມາດແຜ່​ລາມອອກໄປໄດ້ຢ່າງ​ງ່າຍດາຍກວ່າ​ເກົ່າ.