ລິ້ງ ສຳຫລັບເຂົ້າຫາ

ວັນເສົາ, ໑໘ ພຶດສະພາ ໒໐໒໔

ຈີນ ປະຕິເສດ ລາຍງານ ດ້ານສິດທິມະນຸດ ຂອງ ສະຫະລັດ


ທ່ານ Hong Lei ໂຄສົກການຕ່າງປະເທດຈີນ ປະຕິເສດບໍ່ຮັບເອົາລາຍງານປະຈໍາປີຂອງ ສະຫະລັດ ທີ່ກ່າວວ່າ ປະຫວັດສາດນັບຖືສິດທີມະນຸດຂອງຈີນ ຮອຍປີທີ່ຜ່ານມາ ນີ້ຮ້າຍລົງກວ່າເກົ່າ.
ທ່ານ Hong Lei ໂຄສົກການຕ່າງປະເທດຈີນ ປະຕິເສດບໍ່ຮັບເອົາລາຍງານປະຈໍາປີຂອງ ສະຫະລັດ ທີ່ກ່າວວ່າ ປະຫວັດສາດນັບຖືສິດທີມະນຸດຂອງຈີນ ຮອຍປີທີ່ຜ່ານມາ ນີ້ຮ້າຍລົງກວ່າເກົ່າ.

ປັກ​ກິ່ງ ​ໄດ້​ປະ​ຕິ​ເສດ​ບໍ່​ຮັບ​ເອົາລາຍ​ງານ​ປະ​ຈໍາປີ​ຂອງກະ​ຊວງ​ການ​ຕ່າງປະ​ເທດ
ສະຫະລັດທີ່​ກ່າວວ່າ ​ປະຫວັດ​ການ​ນັບຖື​ສິດ​ມະນຸດ​ຂອງຈີນໃນ ​ຮອບປີ​ທີ່​ຜ່ານ
​ມາ​ນັ້ນ ຂີ້ຮ້າຍ​ລົງ​ກວ່າ​ເກົ່າ.

​ລາຍ​ງານ​ຂອງກະ​ຊວງ​ການ​ຕ່າງປະ​ເທດສະຫະລັດ​ທີ່​ນຳ​ອອກ​ເຜີຍ​ແຜ່ ​ໃນ​ວັນ
​ພະຫັດວານ​ນີ້​ ​ໄດ້ຈັດ​ວ່າການ​ເຄົາລົບ​ນັບຖືສິດທິ​ມະນຸດຢູ່​ໃນ​ຈີນແມ່ນ​ມີ​ສະພາບ
​ຂີ້ຮ້າຍ​ທີ່​ສຸດ​ໂດຍ​ເວົ້າວ່າ ບັນດາ​ເຈົ້າ​ໜ້າ​ທີ່ໄດ້​ເພີ່ມ​ການ​ດຳ​ເນີນຄວາມ​ພະຍາຍາມ
​ເພື່ອ​ປິດ​ປາກ​ປິດ​ສຽງ ພວກ​ຄັດຄ້ານ​ລັດຖະບານ ແລະ​ຈໍາກັດ​ຮັດ​ແຄບສິດເສລີ
ໃນ​ການ​ປາກ​ເວົ້າ.

ໃນ​ວັນ​ສຸກ​ມື້ນີ້ ໂຄ​ສົກກະຊວງການ​ຕ່າງປະ​ເທດຈີນ ທ່ານ Hong Lei ບໍ່​ໄດ້​ໃຫ້
​ຄວາມ​ສຳຄັນ​ຕໍ່​ລາຍ​ງານຂອງ​ກະຊວງ​ການ​ຕ່າງປະ​ເທດ​ສະຫະລັດ ໂດຍກ່າວ​ວ່າ
“ເຕັມ​ໄປ​ດ້ວຍ​ຄວາມອະຄະຕິ.”

ໃນ​ແຕ່ລະ​ປີ ປັກ​ກິ່ງ​ແມ່ນ​ປ​ະຕິ​ເສດ​ບໍ່​ຮັບ​ເອົາ​ລາຍ​ງານ​ຂອງ​ສະຫະລັດ ​ໂດຍ​ເວົ້າ
ວ່າ ​ເປັນ​ການ​ແຊກ​ແຊກ​ເຂົ້າ​ໃນ​ກິດຈະການ​ພາຍ​ໃນຂອງ​ຕົນ.

ລາຍ​ງານ​ຂອງສະຫະລັດກ່າວ​ວ່າ ບັນດາ​ເຈົ້າ​ໜ້າ​ທີ່ຈີນກຳລັງ​ຫັນ​ໄປ​ໃຊ້ການ
​ດຳ​ເນີນ​ການ​ ແບບ​ຮວບ​ຮັດ​ຕັດ​ຕອນ​ທາງ​ດ້ານ​ກົດໝາຍ​ຫຼາຍຂຶ້ນ ​ເຊັ່ນ​ການ​
ກັກ​ບໍລິ​ເວນ ​ແລະ​ການບັງຄັບ​ໃຫ້ຫາຍ​ສາບ​ສູນ ເພື່ອ​ເປັນ​ການ​ປິດ​ປາກ
ບັນດາ​ນັກ​ເຄື່ອນໄຫວທາງ​ການ​ເມືອງ ​ແລະ​ພວກ​ຄັດຄ້ານ​ລັດຖະບານ​ອື່ນໆ​.

ລາຍ​ງານ​ດັ່ງກ່າວ​ໄດ້​ນຳ​ອອກ​ເຜີຍ​ແຜ່​ ບໍ່​ເທົ່າ​ໃດອາທິດ ຫຼັງຈາກທະນາຍຄວາມ​
ຕາບອດທີ່​ຄັດຄ້ານ​ລັດຖະບານ ທ່ານ Chen Guangcheng ​ໄດ້​ຫລົບ​ໜີຈາ​ກ
ການ​ກັກ​ບໍລິ​ເວນ ​ໄປ​ຂໍຄວາມຄຸ້ມ​ຄອງ​ຈາກ​ສະຖານ​ທູດ​ສະຫະ​ລັດ ທີ່ໄດ້​ກໍ່​ໃຫ້​
ເກີດ​ມີ​ການ​ປະ​ເຊີນ​ໜ້າ​ກັນທາງ​ການ​ທູດຄັ້ງ​ໃຫ່ຍ ນັ້ນ.

XS
SM
MD
LG