ກອງທັບຈີນ ປະຕິເສດຕໍ່ລາຍງານຂອງກະຊວງປ້ອງກັນປະເທດ
ສະຫະລັດ ທີ່ກ່າວຫາປັກກິ່ງວ່າ ໃຊ້ການຈາລະກຳທາງອິນເຕີ
ແນັດ ເພື່ອພະຍາຍາມລັກຂະໂມຍເອົາຂໍ້ມູນກ່ຽວກັບນະໂຍບາຍ
ການຕ່າງປະເທດຂອງສະຫະລັດແລະແຜນການທາງທະຫານ
ຂອງສະຫະລັດ.
ທ່ານ Hua Chunying ໂຄສົກກະຊວງການຕ່າງປະເທດຈີນ
ກ່າວໃນການຖະ ແຫຼງຂ່າວໃນວັນອັງຄານມື້ນີ້ວ່າ ການກ່າວ
ອ້າງ ຂອງທຳນຽບຫ້າແຈສະຫະລັດ ແມ່ນບໍ່ມີຫລັກຖານຫຍັງ
ເລີຍ ແລະກໍບໍ່ມີຄວາມຮັບຜິດຊອບ ມີແຕ່ຈະສ້າງຄວາມ ເສຍ
ຫາຍຕໍ່ຄວາມສໍາພັນລະຫວ່າງສະຫະລັດແລະຈີນເທົ່ານັ້ນ.
ທ່ານກ່າວຕື່ມວ່າ “ຈີນເຄີຍກ່າວມາຫຼາຍໆເທື່ອແລ້ວວ່າ ຕົນຄັດ
ຄ້ານຢ່າງໜັກແໜ້ນຕໍ່ການໂຈມຕີບໍ່ ວ່າໃນຮູບແບບໃດ. ພວກ
ເຮົາເຕັມໃຈທີ່ຈະສົນທະນາຫາລື ແບບບໍ່ມີອະຄະຕິ ແລະສ້າງ
ສັນກ່ຽວກັບຄວາມໝັ້ນຄົງທາງອິນເຕີແນັດກັບຝ່າຍສະຫະລັດ.
ແຕ່ພວກເຮົາ ຂໍຄັດຄ້ານຢ່າງເດັດດ່ຽວຕໍ່ການຕຳໜິຕິຕຽນແບບບໍ່ມີຫຼັກຖານແລະການ
ໂຄສະນາ ຊວນເຊື່ອ.” ລາຍງານຂອງທໍານຽບຫ້າແຈ ທີ່ນຳອອກເຜີຍແຜ່ໃນວັນຈັນວານ
ນີ້ເວົ້າວ່າ ການໂຈມຕີສ່ວນນຶ່ງທາງອິນເຕີແນັດຕໍ່ລະບົບຄອມພິວເຕີ້ຂອງລັດຖະບານ
ສະຫະລັດ “ປະກົດວ່າແມ່ນມາຈາກອົງການຈັດຕັ້ງຕ່າງໆຂອງລັດຖະບານແລະກອງ
ທັບຈີນ ໂດຍກົງ.” ນີ້ແມ່ນເທື່ອທຳອິດ ທີ່ລາຍງານປະຈໍາປີກ່ຽວກັບກອງທັບຈີນ ໄດ້ກ່າວ
ຫາປັກກິ່ງ ໂດຍກົງວ່າ ແນເປົ້າໝາຍໃສ່ຕາໜ່າງຄອມພິວເຕີ້ຂອງກະຊວງປ້ອງກັນປະ
ເທດ ສະຫະລັດ.
ບັນດາເຈົ້າໜ້າທີ່ສະຫະລັດ ໄດ້ທໍາການຕິຕຽນເພີ້ມຂຶ້ນຕໍ່ການພະຍາຍາມໂຈມຕີເຈາະ
ເອົາຂໍ້ມູນຄວາມລັບທາງຄອມພິວເຕີ້ທີ່ມາຈາກຈີນ. ແຕ່ສ່ວນໃຫຍ່ແລ້ວເຂົາ ເຈົ້າໄດ້ຫຼີກ
ເວັ້ນຈາກການກ່າວຫາໂດຍກົງຕໍ່ລັດຖະບານຈີນໂດຍຫວັງວ່າ ຈະໃຊ້ການເຈລະຈາ
ເພື່ອແກ້ໄຂບັນຫາດັ່ງກ່າວນີ້.
ທ່ານ Steve Tsang ນັກຊ່ຽວຊານກ່ຽວກັບຈີນທີ່ມະຫາວິທະຍາໄລ Notting-ham
ຂອງອັງກິດ ກ່າວຕໍ່ວີໂອເອວ່າ ທ່ານເວົ້າວ່າທຳນຽບຫ້າແຈຕ້ອງພົບເຫັນ ຫຼັກຖານທີ່
ແໜ້ນໜາຈຶ່ງສາມາດກ່າວຫາຢ່າງແຮງແບບນີ້.
ສະຫະລັດ ທີ່ກ່າວຫາປັກກິ່ງວ່າ ໃຊ້ການຈາລະກຳທາງອິນເຕີ
ແນັດ ເພື່ອພະຍາຍາມລັກຂະໂມຍເອົາຂໍ້ມູນກ່ຽວກັບນະໂຍບາຍ
ການຕ່າງປະເທດຂອງສະຫະລັດແລະແຜນການທາງທະຫານ
ຂອງສະຫະລັດ.
ທ່ານ Hua Chunying ໂຄສົກກະຊວງການຕ່າງປະເທດຈີນ
ກ່າວໃນການຖະ ແຫຼງຂ່າວໃນວັນອັງຄານມື້ນີ້ວ່າ ການກ່າວ
ອ້າງ ຂອງທຳນຽບຫ້າແຈສະຫະລັດ ແມ່ນບໍ່ມີຫລັກຖານຫຍັງ
ເລີຍ ແລະກໍບໍ່ມີຄວາມຮັບຜິດຊອບ ມີແຕ່ຈະສ້າງຄວາມ ເສຍ
ຫາຍຕໍ່ຄວາມສໍາພັນລະຫວ່າງສະຫະລັດແລະຈີນເທົ່ານັ້ນ.
ທ່ານກ່າວຕື່ມວ່າ “ຈີນເຄີຍກ່າວມາຫຼາຍໆເທື່ອແລ້ວວ່າ ຕົນຄັດ
ຄ້ານຢ່າງໜັກແໜ້ນຕໍ່ການໂຈມຕີບໍ່ ວ່າໃນຮູບແບບໃດ. ພວກ
ເຮົາເຕັມໃຈທີ່ຈະສົນທະນາຫາລື ແບບບໍ່ມີອະຄະຕິ ແລະສ້າງ
ສັນກ່ຽວກັບຄວາມໝັ້ນຄົງທາງອິນເຕີແນັດກັບຝ່າຍສະຫະລັດ.
ແຕ່ພວກເຮົາ ຂໍຄັດຄ້ານຢ່າງເດັດດ່ຽວຕໍ່ການຕຳໜິຕິຕຽນແບບບໍ່ມີຫຼັກຖານແລະການ
ໂຄສະນາ ຊວນເຊື່ອ.” ລາຍງານຂອງທໍານຽບຫ້າແຈ ທີ່ນຳອອກເຜີຍແຜ່ໃນວັນຈັນວານ
ນີ້ເວົ້າວ່າ ການໂຈມຕີສ່ວນນຶ່ງທາງອິນເຕີແນັດຕໍ່ລະບົບຄອມພິວເຕີ້ຂອງລັດຖະບານ
ສະຫະລັດ “ປະກົດວ່າແມ່ນມາຈາກອົງການຈັດຕັ້ງຕ່າງໆຂອງລັດຖະບານແລະກອງ
ທັບຈີນ ໂດຍກົງ.” ນີ້ແມ່ນເທື່ອທຳອິດ ທີ່ລາຍງານປະຈໍາປີກ່ຽວກັບກອງທັບຈີນ ໄດ້ກ່າວ
ຫາປັກກິ່ງ ໂດຍກົງວ່າ ແນເປົ້າໝາຍໃສ່ຕາໜ່າງຄອມພິວເຕີ້ຂອງກະຊວງປ້ອງກັນປະ
ເທດ ສະຫະລັດ.
ບັນດາເຈົ້າໜ້າທີ່ສະຫະລັດ ໄດ້ທໍາການຕິຕຽນເພີ້ມຂຶ້ນຕໍ່ການພະຍາຍາມໂຈມຕີເຈາະ
ເອົາຂໍ້ມູນຄວາມລັບທາງຄອມພິວເຕີ້ທີ່ມາຈາກຈີນ. ແຕ່ສ່ວນໃຫຍ່ແລ້ວເຂົາ ເຈົ້າໄດ້ຫຼີກ
ເວັ້ນຈາກການກ່າວຫາໂດຍກົງຕໍ່ລັດຖະບານຈີນໂດຍຫວັງວ່າ ຈະໃຊ້ການເຈລະຈາ
ເພື່ອແກ້ໄຂບັນຫາດັ່ງກ່າວນີ້.
ທ່ານ Steve Tsang ນັກຊ່ຽວຊານກ່ຽວກັບຈີນທີ່ມະຫາວິທະຍາໄລ Notting-ham
ຂອງອັງກິດ ກ່າວຕໍ່ວີໂອເອວ່າ ທ່ານເວົ້າວ່າທຳນຽບຫ້າແຈຕ້ອງພົບເຫັນ ຫຼັກຖານທີ່
ແໜ້ນໜາຈຶ່ງສາມາດກ່າວຫາຢ່າງແຮງແບບນີ້.
