ຕຳຫຼວດຈີນໄດ້ຈັບກຸມພວກນັກຂ່າວຫຼາຍຄົນ ຢູ່ຫ້ອງການໜັງສື
ພິມທີ່ມີອິດທິພົນສະບັບນຶ່ງໃນຂໍ້ສົງໄສຖານຍັກຍອກເງິນຈາກທຸ
ລະກິດຕ່າງໆ.
ພວກນັກຂ່າວທີ່ຫ້ອງການໜັງສືພິມ 21st Century Business
Herald ແມ່ນຮວມຢູ່ໃນຈຳນວນ 8 ຄົນ ທີ່ສື່ມວນຊົນຂອງທາງ
ການຈີນກ່າວວ່າ ກຳລັງຖືກຕຳຫລວດສອບປາກຄຳ ທີ່ນະຄອນ
ຊຽງໄຮ້.
ນອກນັ້ນ ພະນັກງານຫລາຍຄົນ ກໍຖືກຈັບກຸມເຊັ່ນກັນໃນສອງ
ບໍລິສັດປະຊາສຳພັນ ທີ່ບັນດາເຈົ້າໜ້າທີ່ເຊື່ອວ່າ ເຮັດວຽກກັບ
ພວກນັກໜັງສືພິມເພື່ອຍັກຍອກເອົາເງິນຈາກ 10 ບໍລິສັດເປັນຢ່າງນ້ອຍ.
ອົງການຂ່າວຊິນຫົວທາງການຈີນ ກ່າວວ່າ ພວກຜູ້ຕ້ອງສົງໄສເຫຼົ່ານີ້ ກ່າວຕໍ່ພວກບໍລິສັດໃຫ້ຈ່າຍຄ່າບໍລິການຫຼືຄ່າທຳນຽມຈຳນວນຫຼວງຫຼາຍ ເພື່ອໃຫ້ໄດ້ຮັບການອອກຂ່າວທີ່ດີ ຈາກໜັງສືພິມດັ່ງກ່າວ.
ຖ້າພວກບໍລິສັດເຫຼົ່ານີ້ບໍ່ຈ່າຍຄ່າບໍລິການ ໜັງສືພິມດັ່ງກ່າວ ຈະ “ລາຍງານຂ່າວໃນທາງບໍ່ດີ ໂດຍໂຈມຕີໃນທາງປອງຮ້າຍ ຕໍ່ພວກບໍລິສັດເຫຼົ່ານີ້.
ບັນດາເຈົ້າໜ້າທີ່ຍັງບໍ່ທັນໄດ້ເວົ້າຫຍັງ ຖ້າຫາກມີຂ່າວທີ່ຜິດພາດໄດ້ພິມລົງໃນໜັງສືພິມດັ່ງ ກ່າວຍ້ອນສາເຫດເລື້ອງການຍັກຍອກເອົາເງິນນີ້.
ປັກກິ່ງໄດ້ທຳການປາບປາມພວກນັກຂ່າວ ທີ່ຮັບສິນບົນ ອັນເປັນປາ ກົດການທີ່ຫຼາຍຄົນກ່າວວ່າ ເປັນສິ່ງທຳມະດາ ໃນອາຊີບທີ່ຈ່າຍເງິນເດືອນຕ່ຳນັ້ນ.
