ຍັງມີຄວາມເຄັ່ງຕຶງສູງຢູ່ຕໍ່ມາ ທີ່ເມືອງ Haimen ຊຶ່ງເປັນຫົວເມືອງນ້ອຍໆໃນພາກໃຕ້ຂອງ
ຈີນທ່າມກາງການສືບຕໍ່ຂັດແຍ້ງກ່ຽວກັບແຜນການທີ່ຈະຂະຫຍາຍໂຮງໄຟຟ້າ.
ຕຳຫຼວດປາບຈະລາຈົນໄດ້ພາກັນລາຕະເວນຢູ່ຕາມບໍລິເວນທາງເຂົ້າໄປສູ່ເມືອງດັ່ງກ່າວເພື່ອ
ປ້ອງກັນປາບປາມ ບໍ່ໃຫ້ເກີດຄວາມວຸ້ນວາຍຂຶ້ນ. ພວກທີ່ເຫັນເຫດ ການກ່າວວ່າ ຕຳຫຼວດ
ໄດ້ຈັບພວກປະທ້ວງຈຳນວນນຶ່ງ.
ລາຍງານຂ່າວໂທລະພາບ ທີ່ອອກອາກາດໃນວັນພະຫັດມື້ນີ້ສະແດງໃຫ້ເຫັນວ່າ ຕຳຫຼວດ
ໄດ້ຍິງລະເບີດນໍ້າຕາແລະໃຊ້ໄມ້ຄ້ອນເພື່ອສະກັດກັ້ນພວກປະທ້ວງຫຼາຍຮ້ອຍຄົນທີ່ໄປໂຮມ
ຊຸມນຸມກັນຢູ່ຕາມທາງຫຼວງໃນແຂວງກວ້າງຕຸ້ງທາງພາກໃຕ້ຂອງຈີນຂະນະທີ່ການປະທ້ວງ
ຍັງດຳເນີນຢູ່ຕໍ່ມາເປັນມື້ທີສາມ.
ໃນມື້ວັນພຸດວານນີ້ ພວກທີ່ເຫັນເຫດການເວົ້າວ່າ ພວກປະທ້ວງໄດ້ພາກັນທຸບລົດ ແລະ
ແກວ່ງກ້ອນຫີນເຂົ້າໃສ່ຕຳຫຼວດ ຊຶ່ງຕຳຫຼວດກໍໄດ້ຍິງລະເບີດນໍ້າຕາຂັບໄລ່ພວກປະທ້ວງ
ທີ່ໄປໂຮມຊຸມນຸມກັນຢູ່ອ້ອມແອ້ມບໍລິເວນໂຮງການຂອງລັດຖະບານ.
ຄວາມຮຸນແຮງໄດ້ລະເບີດຂຶ້ນຂະນະທີ່ພວກປະທ້ວງແລະເຈົ້າໜ້າທີ່ທີ່ບ້ານວູການຊຶ່ງຕັ້ງຢູ່
ໃນແຂວງກວາງຕຸ້ງຄືກັນນັ້ນ ໄດ້ບັນລຸການຜ່ອນສັ້ນຜ່ອນຍາວ ທີ່ບໍ່ຄ່ອຍໄດ້ເຫັນກັນໃນ
ມື້ວັນພຸດວານນີ້ເຮັດໃຫ້ການປະທ້ວງເປັນເວລາຫຼາຍໆເດືອນ ກ່ຽວກັບການຢຶດເອົາດິນທີ່
ເປັນບັນຫາຖົກຖຽງໂຕ້ແຍ້ງນັ້ນ.
