ລິ້ງ ສຳຫລັບເຂົ້າຫາ

ພວກຊາວບ້ານຈີນ ໄວ້ອາໄລ ໃຫ້ນາຍ Xue Jinbo

  • ໄພສານ ວໍຣະຈັກ

ຊາວບ້ານຈີນ ທີ່ Wukan ໃນແຂວງກວາງຕຸ້ງ ໂຮມຊຸມນຸມປະທ້ວງ ແລະໄວ້ອາໄລໃຫ້ນາຍ Xue Jinbo (5 ທັນວາ 2011)

ຊາວຈີນຈຳນວນຫຼາຍພັນຄົນທີ່ບ້ານຫາປາແຫ່ງນຶ່ງໄດ້ພາກັນໄປໂຮມຊຸມນຸມໄວ້ອາໄລໃຫ້
ແກ່ຊາວບ້ານໃນເຂດທ້ອງຖິ່ນຄົນນຶ່ງທີ່ໄດ້ເສຍຊີວິດ ລະຫວ່າງທີ່ຢູ່ພາຍໃຕ້ການຄຸ້ມຄອງ
ຂອງຕຳຫຼວດທ່າມກາງທີ່ມີການປະເຊີນໜ້າກັບພວກເຈົ້າໜ້າທີ່ກ່ຽວກັບການຢຶດເອົາດິນທີ່
ເປັນບັນຫາຖົກຖຽງໂຕ້ແຍ້ງ.

ລາຍງານຂ່າວຈາກບ້ານ Wukan ໃນແຂວງກວາງຕຸ້ງທາງພາກໃຕ້ຂອງຈີນແຈ້ງວ່າມີຊາວ
ບ້ານຫຼາຍເຖິງ 7,000 ຄົນໄດ້ໄປໂຮມຊຸມນຸມກັນໃນພິທີໄວ້ອາໄລໃຫ້ນາຍ Xue Jinbo ຜູ້ທີ່ໄດ້ທຳການເຈລະຈາກັບເຈົ້າໜ້າທີ່ລັດຖະບານກ່ຽວກັບການຢຶດເອົາດິນຂອງພວກຊາວ
ບ້ານ ກ່ອນທີ່ລາວຖືກຈັບ.

ພວກຊາວບ້ານທີ່ພາກັນຮ້ອງໄຫ້ ຊຶ່ງໄດ້ອັດຕັນ ບໍ່ໃຫ້ພວກເຈົ້າໜ້າທີ່ເຂົ້າໄປໃນບ້ານຂອງ
ພວກເຂົາເຈົ້ານັ້ນໄດ້ຕິດປ້າຍປະທ້ວງສະແດງຄວາມໂກດແຄ້ນແລະຮູບຂະໜາດໃຫຍ່ຂອງ
ນາຍ Xue.

ເຈົ້າໜ້າທີ່ລັດຖະບານຈີນກ່າວວ່ານາຍ Xue ອາຍຸ 42 ປີໄດ້ເປັນຫົວໃຈວາຍແລະເສຍຊີ
ວິດຢູ່ທີ່ໂຮງໝໍ ແຕ່ວາລະສານຮົງກົງສະບັບນຶ່ງ ທີ່ອອກໃນສັບປະດານີ້ໄດ້ອ້າງຄຳເວົ້າລູກ
ສາວຂອງລາວທີ່ກ່າວວ່າຮ່າງກາຍບິດາຂອງນາງໄດ້ມີຮອຍບາດແຜຢູ່ທີ່ໜ້າຜາກແລະຄາງ
ພ້ອມທັງມີຮ່າງກາຍທີ່ເໜົ່ານູມ ແລະໄຄ່. ຄອບຄົວຂອງລາວເຊື່ອວ່າ ລາວໄດ້ຖືກທຸບຕີຈົນ
ເຖິງແກ່ຊີວິດ.

XS
SM
MD
LG