ລິ້ງ ສຳຫລັບເຂົ້າຫາ

ວັນອັງຄານ, ໒໑ ພຶດສະພາ ໒໐໒໔

ຫົວໜ້າປະທ້ວງໃນຈີນ ຖືກແຕ່ງຕັ້ງ ໃຫ້ເປັນນາຍບ້ານ


ນາຍ Lin Zuluan ຜູ້ຕາງໜ້າບ້ານ Wukan ໃນແຂວງກວາງຕຸ້ງ
ໃນພາກໃຕ້ຂອງຈີນ.
ວັນທີ 17 ມັງກອນ 2012.
ນາຍ Lin Zuluan ຜູ້ຕາງໜ້າບ້ານ Wukan ໃນແຂວງກວາງຕຸ້ງ ໃນພາກໃຕ້ຂອງຈີນ. ວັນທີ 17 ມັງກອນ 2012.

ຊາຍ​ຄົນ​ນຶ່ງ​ທີ່ເຄີຍ​ເປັນ​ຜູ້​ນໍາພາ​ໃນ​ການ​ປະ​ທ້ວງ​ຂອງ​ປະຊາຊົນ​ຕໍ່​ຕ້ານການ​ຍຶດ​ເອົາທີ່​ດິນ​ໃນ​ບ້ານ​ແຫ່ງ​ນຶ່ງ​ໃນ​ພາກ​ໃຕ້​ຂອງ​ຈີນ ​ໄດ້​ຖືກ​ແຕ່ງ​ຕັ້ງ​ໃຫ້​ເປັນ​ຫົວໜ້າ​ບ້ານ ອັນ​ເປັນ​ການ​ເຄື່ອນ​ໄຫວ​ທີ່​ບໍ່​ສູ້​ມີ​ຂຶ້ນໂດຍ​ລັດຖະບານ​ຈີນ.

ອົງການ​ຂ່າວ​ຊິນ​ຫົວ​ທາງ​ການ​ຈີນກ່າວ​ວ່າ ນາຍ Lin Zuluan ​ໄດ້ ຂຶ້ນ​ເປັນ​ຫົວໜ້າ​ພັກຄົນ​ໃໝ່​ປະ​ຈໍາບ້ານ Wukan ​ໃນ​ແຂວງ​ກວາງຕຸ້ງ​ໃນ​ພາກ​ໃຕ້​ຂອງ​ຈີນ ​ແລະ​ກ່າວ​ຕື່ມ​ວ່າ ນາຍ Lin ຈະ​ຊ່ອຍ​ຈັດການ​ເລືອກ​ຕັ້ງ​ເອົາ​ຄະນະ​ກໍາມະການໃໝ່ປະ​ຈໍາ​ໝູ່​ບ້ານ​ດັ່ງກ່າວ.

ນາຍ Lin ​ເປັນ​ນຶ່ງ​ໃນ​ບັນດາ​ຜູ້​ນໍາ​ໃນ​ການ​ປະ​ທ້ວງ​ເປັນ​ເວລາ​ຫລາຍ​ສັບ ປະດາ​ທີ່​ບ້ານ Wukan ທີ່​ພວກ​ຊາວບ້ານ​ພາກັນ​ຮຽກຮ້ອງ​ໃຫ້​ຍຸດຕິການສໍ້​ລາດ​ບັງ​ຫລວງ​ໃນ​ລັດຖະບານ​ປະ​ຈໍາ​ທ້ອງ​ຖິ່ນ ​ແລະ​ການ​ຍຶດ​ເອົາທີ່​ດິນຂອງ​ຊາວບ້ານ​ຢ່າງ​ຜິດ​ກົດໝາຍ​ນັ້ນ. ການ​ປະ​ທ້ວງ​ດັ່ງ​ກ່າວ​ໄດ້​ລະ​ເບີດ​ຂຶ້ນ​ໃນ​ເດືອນ​ທັນວາ​ແລ້ວ​ນີ້ ​ເວລາຜູ້ນຳຊາວ​ບ້ານ​ຄົນ​ນຶ່ງໃນ​ຄະນະ​ນໍາພາຂອງບ້ານ​ດັ່ງກ່າວ​ເສຍ​ຊີວິດ ລະຫວ່າງ​ຖືກ​ຕໍາຫລວດ​ຄຸມ​ຂັງ​ນັ້ນ.

ຫລັງ​ຈາກ​ນັ້ນ​ພວກ​ຊາວບ້ານ​ພາກັນ​ສ້າງຕັ້ງ​ ​ສິ່ງ​ກີດຂວາງ​ຂຶ້ນ​ອ້ອມ​ບ້ານແລະ​ຮຽກຮ້ອງ​ໃຫ້​ປ່ອຍ​ໂຕ​ພວກ​ຜູ້​ນໍາ​ປະ​ຈໍາ​ບ້ານ​ຫລາຍ​ຄົນ​ທີ່​ຖືກຂັງ​ຄຸກ​ນັ້ນ.

ໃນ​ການ​ຕອບ​ສະໜອງ​ທີ່​ບໍ່​ສູ້​ມີ ບັນດາ​ເຈົ້າ​ໜ້າ​ທີ່​ລັດຖະບານ​ຈີນ​ໄດ້​ເອີ້ນຄໍາ​ຮຽກຮ້ອງ​ຂອງ​ປະຊາຊົນ​ນັ້ນ​ມີ​ເຫດ​ມີຜົນ​ແລະ​ໄດ້​ປ່ອຍ​ພວກ​ຜູ້ນຳ​ໃນບ້ານ​ທັງ​ໝົດ.

ການ​ປະ​ທ້ວງ​ຕ່າງໆ​ໃນ​ຈີນ​ກ່ຽວ​ກັບ​ການ​ສໍ້​ລາດ​ບັງ​ຫລວງ ​ເລື່ອງ​ມົນ​ລະ​ພາວະ ​ເລື້ອງ​ຄ່າ​ຈ້າງ​ເງິນ​ເດືອນແລະ​ການ​ຍຶດ​ເອົາ​ທີ່​ດິນ​ໄດ້​ກາຍ​ມາ​ເປັນ​ເລື້ອງ​ທໍາ​ມະ​ດາ​ໃນ​ຫວ່າງ​ບໍ່​ເທົ່າ​ໃດ​ປີຜ່ານມາ ອັນ​ເປັນ​ພາກສ່ວນ​ນຶ່ງ​ທີ່​ພວກ​ນັກວິ​ເຄາະ​ເຫດການ​ກ່າວ​ວ່າຍ້ອນ​ການ​ເຕີບ​ໂຕຂຶ້ນ​ຢ່າງ​ໄວ​ໃນການໃຊ້ internet ​ຢູ່​ຈີນ​ນັ້ນ.

XS
SM
MD
LG