ອົງການຂ່າວທາງການຂອງຈີນ ກ່າວໃນວັນເສົາວານນີ້ວ່າ ມີ 113 ຄົນ ຊຶ່ງໃນນັ້ນມີພະນັກ
ງານລັດ ຢູ່ 77 ຄົນ ໄດ້ຖືກລົງໂທດ ຍ້ອນມີບົດບາດໃນການຜະລິດ ຊີ້ນໝູເຈືອປົນສານ
ພິດທີ່ເປັນຂ່າວນອງນັນ ອື້ສາວກັນ ນັ້ນ.
ອົງການຂ່າວຊິນຫົວລາຍງານວ່າ ຟາມລ້ຽງໝູຫລາຍໆແຫ່ງຢູ່ແຂວງ ເຫ່ນານ ໄດ້ຖືກກວດ
ພົບວ່າ ໄດ້ໃຊ້ຢາເຜົາໃໝ້ນໍ້າມັນ ສານ clenbuterol ຊຶ່ງເປັນສານເຄມີ ເກືອດຫ້າມ ທີ່
ເຮັດໃຫ້ໝູມີນໍ້າມັນໜ້ອຍລົງ ແຕ່ວ່າ ກໍ່ໃຫ້ເປັນມະເຮັງໃນຮ່າງກາຍຂອງຄົນ.
ອົງການຂ່າວຊິນຫົວລາຍງານຕື່ມອີກວ່າ ຜູ້ກະທໍາຜິດຕົ້ນຕໍຄື ທ່ານ ລີວ ຊຽງ ຖືກຕັດສິນ
ວ່າ ມີຄວາມຜິດ ຖານທໍາລາຍຄວາມປອດໄພຂອງສາທາລະນະຊົນ ແລະຖືກຕັດສິນໂທດ
ປະຫານຊີວິດ ໂດຍໃຫ້ມີການເລື່ອນໂທດອອກໄປສອງປີ. ແຕ່ວ່າການຕັດສິນເຊັ່ນນັ້ນ
ສ່ວນຫລາຍມັກຈະຖືກປ່ຽນໃນພາຍຫລັງ ມາເປັນຈໍາຄຸກຕະຫລອດຊີວິດແທນ.
ອົງການຂ່າວຊິນຫົວ ຍັງລາຍງານອີກວ່າ ພວກພະນັກງານລັດທຸກຄົນທີ່ມີສ່ວນກ່ຽວຂ້ອງ
ໃນຄະດີນີ້ ຊຶ່ງລວມທັງຜູ້ກວດກາສຸຂະພາບສັດ ແລະເຈົ້າໜ້າທີ່ດ້ານຄວາມປອດໄພຂອງອາ
ຫານ ໄດ້ຮັບໂທດ ໃນຖານເມີນເສີຍຕໍ່ພາລະໜ້າທີ່ ແລະໃຊ້ອໍານາດຂອງເຂົາເຈົ້າໃນທາງ
ຜິດ.
ໂທດຈໍາຄຸກໂດຍສະເລ່ຍຂອງພວກເຂົາເຈົ້າ ແມ່ນຢູ່ໃນລະຫວ່າງ 3 ຫາ 9 ປີ.