ຈີນກ່າວວ່າ ປະຊາກອນຂອງຕົນ ໄດ້ເພີ່ມຂຶ້ນ 5.9% ໃນ
ລະຫວ່າງປີ 2000 ຫາ 2010 ຊຶ່ງຫຼຸດລົງເກືອບເຄິ່ງຈາກ
ການເຕີບໂຕໃນທົດສະວັດກ່ອນ ແລະປັດຈຸບັນຈີນມີປະຊາ
ກອນທັງໝົດ 1 ພັນ 340 ລ້ານຄົນ.
ຜົນການສຳຫຼວດສຳມະນົວຄົວໃນປີ 2010 ທີ່ນຳ
ອອກເຜີຍແຜ່ໂດຍກົມສະຖິຕິແຫ່ງຊາດຂອງຈີນ ໃນ
ວັນພະຫັດມື້ນີ້ ຍັງໄດ້ສະແດງໃຫ້ເຫັນປະຊາກອນຈີນທີ່
ເຖົ້າໄວ ຊຶ່ງຈະກາຍເປັນບັນຫາ ສຳລັບຈີນ ທີ່ມີເສດຖະ
ກິດໃຫຍ່ເປັນອັນດັບ 2 ຂອງໂລກ ແລະການຍົກຍ້າຍ
ຂະໜາດໃຫຍ່ຂອງປະຊາກອນຈາກເຂດຊົນນະບົດ
ໄປສູ່ເຂດຫົວເມືອງ.
ເວລານີ້ປະຊາກອນຢູ່ໃນເຂດເທດສະບານຂອງຈີນແມ່ນ
ມີຢູ່ເກືອບ 50% ສົມທຽບໃສ່ກັບພຽງແຕ່ 36% ໃນ
ການສຳຫຼວດສຳມະໂນຄົວ ປີ 2000.
ພວກຊາວໜຸ່ມ ອາຍຸ 14 ປີແລະນ້ອຍກ່ວາແມ່ນປະກອບເປັນ 16.6% ຂອງປະຊາກອນ
ຈີນ ຫລຸດລົງຈາກເກືອບ 23% ໃນປີ 2000. ສ່ວນຈໍານວນຊາວຈີນ ອາຍຸ 60 ຂຶ້ນໄປນັ້ນ
ແມ່ນໄດ້ເພີ່ມຂຶ້ນ 3% ຈາກປີ 2000 ເປັນ 13.3%.
ທ່າອຽງນີ້ສະແດງໃຫ້ເຫັນວ່າ ໃນອະນາຄົດຈີນຈະມີພວກໜຸ່ມນ້ອຍທີ່ສາມາດເຮັດວຽກເຮັດ
ການໄດ້ໜ້ອຍລົງ ຢູ່ໃນອຸດສາຫະກຳຕ່າງໆ ທີ່ເປັນແຮງຂັບດັນໃຫ້ເສດຖະກິດຈີນເຕີບໃຫຍ່
ຂະຫຍາຍໂຕ ຊຶ່ງໃນຂະນະດຽວກັນຈີນກໍຈະມີປະຊາກອນຜູ້ເຖົ້າ ທີ່ຈຳເປັນຕ້ອງໄດ້ຮັບການ
ເບິ່ງແຍງຮັກສາ ໃນຈຳນວນເພີ່ມຂຶ້ນ.
