ນະຄອນຫຼວງປັກກິ່ງຂອງປະເທດຈີນ ໄດ້ຢູ່ພາຍໃຕ້ຄໍາເຕືອນໃຫ້ລະວັງຄວນໝອກທີ່ໜາ ແໜ້ນທີ່ສຸດໃນວັນອາທິດມື້ນີ້ ຍ້ອນເຕັມໄປດ້ວຍມົນລະພິດທີ່ຢູ່ໃນລະດັບທີ່ອັນຕະລາຍທີ່ ສຸດເປັນມື້ທີ່ສາມແລ້ວ ແລະທາງການ ໄດ້ເຕືອນໃຫ້ປະຊາຊົນ ຢູ່ແຕ່ໃນບ້ານ.
ສູນເຕືອນໄພສະພາບແວດລ້ອມເຂດເທດສະບານເມືອງ ໄດ້ອອກຄໍາເຕືອນ ເມື່ອວັນເສົາວານນີ້ ທີ່ເມືອງຫຼວງປັກກິ່ງຂອງຈີນ ບໍ່ໃຫ້ພວກຜູ້ເຖົ້າ ເດັກ ນ້ອຍ ແລະພວກທີ່ມີບັນຫາລະບົບຫາຍໃຈ ອອກໄປນອກບ້ານ ຫຼື ໄປອອກກໍາລັງກາຍໜັກເກີນໄປ.
ທາງສູນກາງ ກ່າວໃນວັນອາທິດມື້ນີ້ວ່າ ລະອອງຝຸ່ນທີ່ມີຂະໜາດນ້ອຍພໍທີ່ຈະຊຶມເຂົ້າໄປໃນປອດນັ້ນ ແມ່ນຢູ່ລະດັບສູງເກືອບ
ຮອດສີ່ເທົ່າຂອງລະດັບ ທີ່ຖືວ່າປອດໄພ ຊຶ່ງນັບວ່າຮ້າຍແຮງທີ່ສຸດໃນປະວັດສາດ.
ອົງການຂ່າວ ຊິນຫົວຂອງຈີນ ທໍານາຍວ່າ ມົນລະພິດດັ່ງກ່າວນີ້ ອາດສືບຕໍ່ໄປອີກສາມມື້.
ໃນຂະນະດຽວກັນ ໝອກອັນໜາແໜ້ນທີ່ປົກຄຸມພື້ນທີ່ອັນກວ້າງໃຫຍ່ໄພ ສານ ໃນພາກຕາເວັນອອກແລະພາກກາງຂອງຈີນນັ້ນ ໄດ້ຍັງຜົນໃຫ້ ທາງການປິດຖະໜົນຫຼວງ ຫຼາຍສາຍ ແລະຖ້ຽວບິນມີການລ່າຊ້າຢູ່ໃນຫຼາຍແຂວງ
ອົງການນານາຊາດເວົ້າວ່າ ຄຸນນະພາບອາກາດຂອງຈີນ ແມ່ນລວມຢູ່ໃນພວກທີ່ຂີ້ຮ້າຍທີ່ສຸດຂອງໂລກ ຍ້ອນການຊົມໃຊ້ຖ່ານຫິນຢ່າງມະຫາສານ ແລະພິດໄອເສຍຂອງລົດລາທີ່
ແອອັດຢູ່ຕາມຖະໜົນຫົນທາງຂອງຕົວເມືອງ.
ສູນເຕືອນໄພສະພາບແວດລ້ອມເຂດເທດສະບານເມືອງ ໄດ້ອອກຄໍາເຕືອນ ເມື່ອວັນເສົາວານນີ້ ທີ່ເມືອງຫຼວງປັກກິ່ງຂອງຈີນ ບໍ່ໃຫ້ພວກຜູ້ເຖົ້າ ເດັກ ນ້ອຍ ແລະພວກທີ່ມີບັນຫາລະບົບຫາຍໃຈ ອອກໄປນອກບ້ານ ຫຼື ໄປອອກກໍາລັງກາຍໜັກເກີນໄປ.
ທາງສູນກາງ ກ່າວໃນວັນອາທິດມື້ນີ້ວ່າ ລະອອງຝຸ່ນທີ່ມີຂະໜາດນ້ອຍພໍທີ່ຈະຊຶມເຂົ້າໄປໃນປອດນັ້ນ ແມ່ນຢູ່ລະດັບສູງເກືອບ
ຮອດສີ່ເທົ່າຂອງລະດັບ ທີ່ຖືວ່າປອດໄພ ຊຶ່ງນັບວ່າຮ້າຍແຮງທີ່ສຸດໃນປະວັດສາດ.
ອົງການຂ່າວ ຊິນຫົວຂອງຈີນ ທໍານາຍວ່າ ມົນລະພິດດັ່ງກ່າວນີ້ ອາດສືບຕໍ່ໄປອີກສາມມື້.
ໃນຂະນະດຽວກັນ ໝອກອັນໜາແໜ້ນທີ່ປົກຄຸມພື້ນທີ່ອັນກວ້າງໃຫຍ່ໄພ ສານ ໃນພາກຕາເວັນອອກແລະພາກກາງຂອງຈີນນັ້ນ ໄດ້ຍັງຜົນໃຫ້ ທາງການປິດຖະໜົນຫຼວງ ຫຼາຍສາຍ ແລະຖ້ຽວບິນມີການລ່າຊ້າຢູ່ໃນຫຼາຍແຂວງ
ອົງການນານາຊາດເວົ້າວ່າ ຄຸນນະພາບອາກາດຂອງຈີນ ແມ່ນລວມຢູ່ໃນພວກທີ່ຂີ້ຮ້າຍທີ່ສຸດຂອງໂລກ ຍ້ອນການຊົມໃຊ້ຖ່ານຫິນຢ່າງມະຫາສານ ແລະພິດໄອເສຍຂອງລົດລາທີ່
ແອອັດຢູ່ຕາມຖະໜົນຫົນທາງຂອງຕົວເມືອງ.
