ເຈົ້າໜ້າທີ່ລະດັບສູງສຸດດ້ານດິນຟ້າອາກາດຂອງຈີນ ກ່າວວ່າ ຈີນໄດ້ຕັດການປ່ອຍພວກ
ມົນລະພິດທີ່ຮ້າຍແຮງ ເຂົ້າສູ່ເຂດບັນຍາກາດນັ້ນລົງ 10 ເປີເຊັນນັບແຕ່ປີ 2006 ເປັນຕົ້ນ
ມາ ແລະເວລານີ້ ໄດ້ກັບຄືນສູ່ເສ້ນທາງທີ່ຈະບັນລຸເປົ້າໝາຍໃນການຕໍ່ຕ້ານອາກາດເປິະ
ເປື້ອນທີ່ຕົນວາງໄວ້ສໍາລັບປີນີ້ແລ້ວ.
ສື່ມວນຊົນຂອງລັດອ້າງຄໍາເວົ້າຂອງທ່ານ Xie Zhenhua ທີ່ປະກາດຂ່າວນີ້ໃຫ້ຮູ້ ທີ່ກຸງ
ປັກກິ່ງໃນວັນພຸດມື້ນີ້. ຄໍາປະກາດດັ່ງກ່າວມີຂຶ້ນໃນຂະນະທີ່ພວກເຈລະຈາພວມພົບປະ
ກັນທີ່ເມືອງ Cancun ປະເທດເມັກຊິໂກໃນອາທິດນີ້ ເພື່ອພະຍາຍາມຫາທາງໃຫ້ບັນລຸ
ຂໍ້ຕົກລົງລະຫວ່າງຊາດສະບັບໃໝ່ ເພື່ອຍັບຍັ້ງໄພຄຸກຄາມຈາກການປ່ຽນແປງຂອງດິນຟ້າ ອາກາດຂອງໂລກນັ້ນ.
ໃນກອງປະຊຸມຜ່ານມາຫລາຍໆຄັ້ງກ່ອນນີ້ ຈີນບໍ່ຍອມໃຫ້ຄໍາໝັ້ນສັນຍາໃດໆທີ່ຈະຕັ້ງ
ເປົ້າໝາຍໄວ້ ສໍາລັບການຕັດການປ່ອຍຄວັນເສຍຂຶ້ນສູ່ຫ້ວງອາກາດນັ້ນ.
ເຖິງແມ່ນຈະຍອມຮັບວ່າ ຕົນເປັນປະເທດທີ່ປ່ອຍອາຍແກສເຮືອນແກ້ວເຂົ້າສູ່ເຂດບັນຍາ
ກາດລາຍໃຫຍ່ຂອງໂລກ ຈີນກໍໄດ້ໂຕ້ແຍ້ງວ່າ ອິງຕາມພື້ນຖານແຕ່ລະຫົວຄົນແລ້ວ ຈີນ
ແມ່ນປ່ອຍແກສເຮືອນແກ້ວອອກໜ້ອຍກວ່າພວກປະເທດທີ່ພັດທະນາແລ້ວທັງຫລາຍ.
