ທ່ານ Jiang Zemin ອະດີດປະທານປະເທດຈີນ ໄດ້ອອກມາປາກົດຕົວ ໃນທີ່ສາທາລະ
ນະທີ່ບໍ່ຄ່ອຍມີຂຶ້ນນັ້ນ ໃນວັນອາທິດມື້ນີ້ ຫລາຍເດືອນຫລັງຈາກມີການສັນນິຖານກັນວ່າ
ທ່ານໄດເສຍຊີວິດໄປແລ້ວຫລືວ່າໃກ້ຈະເສຍຊີວິດ.
ທ່ານ ຈຽງ ອາຍຸ 85 ປີ ໄດ້ໄປປາກົດຕົວທີ່ພິທີລະນຶກເຖິງການປະຕິວັດ ປີ 1911 ທີ່ໄດ້
ໂຄ່ນລົ້ມລະບອບຈັກກະພັດຢູ່ຈີນແຜ່ນດິນໃຫຍ່ ແລະໄດ້ຈັດຕັ້ງລັດຖະບານຄະນະຊາດຂຶ້ນ
ມາ ຊຶ່ງພາຍຫລັງຕໍ່ມາ ກໍໄດ້ຖືກໂຄ່ນ ລົ້ມໂດຍກໍາລັງຄອມມີວນີສ ເມົາເຈີຕຸງ ໃນປີ 1949.
ພວກນັກສັງເກດການກ່າວວ່າ ທ່ານ ຈຽງ ມີລັກສະນະອ່ອນແອຫລາຍ ເວລາທ່ານເຂົ້າປະ
ຈໍາບ່ອນນັ່ງຂອງທ່ານ ຢູ່ເທິງເວທີສະພາ ຫລືສາລາ ປະຊາຊົນ ໃນນະຄອນຫລວງປັກກິ່ງ
ພ້ອມກັບພວກຜູ້ນໍາຈີນ ໃນອະດີດ ແລະປັດຈຸບັນ.
ຂ່າວລືກ່ຽວກັບການເສຍຊີວິດຂອງທ່ານ ຈຽງ ນັ້ນ ແມ່ນເລິ່ມແຜ່ລາມອອກໄປ ໃນເດືອນ
ກໍລະກົດ ຫລັງທ່ານບໍ່ໄດ້ໄປມີໜ້າໃນກອງປະຊຸມ ສະເຫລີມສະຫລອງວັນຄົບຮອບ 90 ປີ
ຂອງພັກຄອມມີວນີສ.
ອົງການຂ່າວຊິນຫົວຂອງຈີນ ໄດ້ພິມເຜີຍແຜ່ການປະຕິເສດຂ່າວລື ແລະເວົ້າວ່າ ລາຍງານ
ດັ່ງກ່າວ ເປັນພຽງຂ່າວລືເທົ່ານັ້ນ.
