ລິ້ງ ສຳຫລັບເຂົ້າຫາ

ວັນອັງຄານ, ໑໘ ມິຖຸນາ ໒໐໒໔

ຈີນ ບໍ່ໃຫ້ຄວາມສໍາຄັນ ຕໍ່ຂ່າວລືທີ່ວ່າ ທ່ານ Wang Lijun ຂໍລີ້ໄພ ຢູ່ກົງສຸນສະຫະລັດ


Palestinians clash with Israeli forces, not pictured, in the West Bank city of Hebron, April 4, 2013.
Palestinians clash with Israeli forces, not pictured, in the West Bank city of Hebron, April 4, 2013.

ເມື່ອ​ວັນ​ພະຫັດ​ມື້​ນີ້ ຈີນ​ໄດ້​ປັດ​ປ່າຍ​ບໍ່​ໃຫ້​ຄວາມ​ສຳຄັນ​ ຕໍ່ເຫດການ​ກໍລະນີ ນຶ່ງທີ່ກ່ຽວ​ພັນ
ກັບ​ນັກ​ການ​ເມືອງ​ລະດັບ​ສູງ​ຄົນ​ນຶ່ງ ທີ່​ມີ​ຂ່າວ​ລື​ວ່າ​ໄດ້​ຂໍລີ້​ໄພ​ການ​ເມືອງ​ທີ່​ສະຖານ​ກົງສຸນ
ສະຫະລັດ​ລຸນ​ຫຼັງ​ຈາກ​ເລື່ອງນອງນັນ​ດ້ານ​ການ​ເມືອງ​ທີ່​ອາດ​ເກີດ​ຂຶ້ນ​ໄດ້​ນັ້ນ.

ເມື່ອວັນ​ພຸດ​ວານ​ນີ້ພວກ​ເຈົ້າໜ້າ​ທີ່​ສະຫະລັດ ​ໄດ້​ຢືນຢັນ​ວ່າ ທ່ານ Wang Lijun ຮອງ​ເຈົ້າ
ຄອງ​ກໍາ​ແພງ ​ແລະ​ອະດີດ​ຫົວໜ້າ​ຕໍາຫຼວດ​ເມືອງ Chong qing ​ໄດ້​ໄປ​ຢ້ຽມຢາມ​ສະຖານ​
ກົງສຸນ​ສະຫະລັດ​ແຫ່​ງນຶ່ງ​ເມື່ອ​ຕົ້ນ​ອາທິດ​ນີ້ ທີ່​ເມືອງ Chengdu ​ແຕ່​ທາງ​ກົງສຸນ​ບໍ່​ໄດ້​ຊີ້​ແຈງ​
ໃດໆ​ວ່າ ການ​ພົບ​ປະກັນ ​ແມ່ນ​ກ່ຽວ​ກັບ​ເລຶ່ອງຫຍັງ​ແທ້. ລາຍ​ງານ​ຂ່າວ​ບາງ​ກະ​ແສຄາດ
ການ​ວ່າ​ທ່ານ ອາດ​ຂໍ​ລີ້​ໄພ​ການ​ເມືອງ.

ໃນວັນ​ພະຫັດ​ມື້​ນີ້ ທ່ານ Cui Tiankai ຮອງ​ລັດຖະມົນຕີ​ຕ່າງປະ​ເທດ​ຈີນບໍ່ໄດ້​ໃຫ້​ຄວາມ​
ສຳຄັນ​ໃດໆ​ຕໍ່​ເລຶ່ອງດັ່ງກ່າວ ​ໂດຍເວົ້າ​ວ່າ​ເລຶ່ອງນີ້​ໄດ້​ຖືກ​ແກ້​ໄຂ​ໄປ​ແລ້ວ ​ແລະ​ໜ້າ​ຈະ​ບໍ່​ກະທົບ
ກະ​ເທືອ​ນການ​ໄປ​ຢ້ຽມຢາມ​ສະ ຫະລັດ ຂອງ​ຮອງ​ປະທານ​ປະ​ເທດ ທ່ານ Xi Jinping ​ໃນ
ອາທິດ​ໜ້າ​ນີ້​ແຕ່​ຢ່າງ​ໃດ.

ທ່ານ ຫວັງ ​ໄດ້​ຖືກ​ປົດ​ອອກ​ຈາກ​ຕໍາ​ແໜ່​ງຫົວໜ້າ​ຕໍາຫຼວດ​ເມືອງ Chongqing ​ເມື່ອ​ອາທິດ
ຜ່ານ​ມາ ທີ່​ກໍ່​ໃຫ້​ເກີດ​ຂ່າວ​ລື​ຕ່າງໆ​ນານາ ຂອງ ການ​ຕົກ​ຈາກ​ອໍານາດແລະ​ເກີດ​ການ​ຂັດ
ແຍ້​ງກັບ​ທ່ານ Bo Xilai ​ເລຂາ​ທິການພັກ​ຄອມ​ມີ​ວນີສທີ່​ມີ​ອິດ​ທິພົນ​ສູງ​ໃນເມືອງ​ດັ່ງກ່າວ.

ຂ່າວ​ລື​ແມ່ນ​ໜັກໜ່ວງ​ຂຶ້ນ​ໄປ​ອີກ​ໃນ​ວັນ​ພຸດ​ວານ​ນີ້ ​ເວລາ​ລັດຖະບານ​ເມືອງ ດັງ​ກ່າວ​ເວົ້າວ່າ
ທ່ານ ຫວັງ ກໍາລັງ​ໄປຮັບ​ການ​ປິ່ນປົວ​ແບບ​ພັກຜ່ອນຍ່ອນ​ໃຈຍ້ອນ​ຄວາມ​ອຸກ​ອັ່ງ ​ແລະ​ເຮັດ
ວຽກ​ໜັກ​ເກີນ​ໄປ. ການ​ລາ​ປ່ວຍບາງ​ເທື່ອ​ກໍ​ຖືກ​ໃຊ້​ເປັນ​ທາງ​ອອກ​ທີ່​ນິ່ມນວນ ​ສຳ​ຫຼັບການ
ກວດ​ລ້າງ​ທາງ​ການ​ເມືອງ​ຢູ່​ໃນ​ຈີນ.

XS
SM
MD
LG