ສະພາປະຊາຊົນແຫ່ງຊາດຈີນ ໄດ້ຮັບຮອງເອົາຮ່າງກົດໝາຍ
ວ່າດ້ວຍຄວາມໝັ້ນຄົງແຫ່ງຊາດ ສະບັບໃໝ່ ທີ່ບັນດານັກວິ
ຈານກ່າວວ່າ ຈະໃຫ້ການປົກປ້ອງເປັນພິເສດແລະຂະຫຍາຍ
ສິດອຳນາດໃນການປາບປາມຕໍ່ບັນດາຜູ້ທີ່ບໍ່ເຫັນດີພ້ອມທາງ
ດ້ານການເມືອງ.
ສະພາປະຊາຊົນແຫ່ງຊາດຂອງຈີນ ຊຶ່ງສ່ວນໃຫຍ່ແລ້ວມີໜ້າ
ທີ່ໃນທາງພິທີການເທົ່ານັ້ນໄດ້ຮັບຮອງເອົາຮ່າງກົດໝາຍສະ
ບັບນຶ່ງ ໃນວັນພຸດມື້ນີ້ ດ້ວຍຄະແນນສຽງ 144 ຕໍ່ 1 ສຽງ ອິງ
ຕາມອົງການຂ່າວ Xinhua ຂອງທາງການຈີນ.
ກົດໝາຍດັ່ງກ່າວ ອະນຸຍາດໃຫ້ບັນດາເຈົ້າໜ້າທີ່ “ເອົາທຸກໆ ມາດຕະການທີ່ຈຳເປັນ”
ເພື່ອປົກປ້ອງອະທິປະໄຕ ແລະ ເພື່ອຮັບປະກັນ ການຄວບຄຸມຢ່າງຄົບຖ້ວນ ດ້ານອິນເຕີ
ແນັດ ຂອງປະເທດ ທີ່ມີການກວດກາຢ່າງເຂັ້ມງວດຢູ່ແລ້ວນັ້ນ.
ກົດໝາຍສະບັບນີ້ ແມ່ນການສະໜອງຕອບຂອງປັກກິ່ງ ຕໍ່ສະຖານະ ການດ້ານຄວາມໝັ້ນ
ຄົງແຫ່ງຊາດ ທີ່ກຳລັງກາຍເປັນເລື້ອງ “ຂັບຂັນເພີ່ມຂຶ້ນເລື້ອຍໆ” ອິງຕາມ ທ່ານ Zheng
Shu’na ຈາກຄະນະກຳມະການປະຈຳສະພາປະຊາຊົນແຫ່ງຊາດ.
ທ່ານ Zheng ກ່າວໃນກອງປະຊຸມຖະແຫລງຂ່າວວ່າ “ພວກເຮົາຈະສືບຕໍ່ປະຕິບັດຕາມແນວທາງ ຂອງການພັດທະນາສັນຕິພາບ ແຕ່ພວກເຮົາຈະບໍ່ຍອມ ສະຫຼະສິດອັນຖືກຕ້ອງຕາມກົດໝາຍ ຂອງພວກເຮົາ ແລະ ຈະບໍ່ຍອມເສຍສະຫຼະ ຜົນປະໂຫຍດຫຼັກຕ່າງໆ ຂອງປະເທດ ຢ່າງເດັດຂາດ.”
ບັນດາກຸ່ມປົກປ້ອງສິດທິມະນຸດ ກ່າວວ່າ ກົດໝາຍດັ່ງກ່າວ ມອບອຳນາດ ໃຫ້ແກ່ບັນດາ
ອົງການຄວາມໝັ້ນຄົງ ຫຼາຍເກີນໄປ ແລະ ກວ້າງຂວາງໂພດ ຊຶ່ງບໍ່ໄດ້ເຈາະຈົງ ພຽງພໍວ່າ
ສິ່ງໃດທີ່ເຫັນວ່າເປັນອາຊະຍາກຳ.
ກຸ່ມປົກປ້ອງສິດທິມະນຸດຈີນ ກ່າວອ້າງອີງເຖິງຮ່າງກົດໝາຍດັ່ງກ່າວ ເມື່ອຕົ້ນປີນີ້ວ່າ “ມັນ
ຈະເຮັດໃຫ້ການປາບປາມຢ່າງເປັນລະບົບ ຂອງ ລັດຖະບານຈີນ ຕໍ່ພວກບໍ່ເຫັນພ້ອມທາງດ້ານການເມືອງ, ພວກຊົນຊາດຊົນເຜົ່າ, ກຸ່ມສາສະໜາ ແລະ ການທັບມ້າງ ຕໍ່ກຸ່ມສັງຄົມພົນລະເຮືອນ ເປັນການກະທຳທີ່ຖືກຕ້ອງຕາມກົດໝາຍ.” ແລະກ່າວຕໍ່ໄປອີກວ່າ “ຮ່າງກົດໝາຍນັ້ນ ປະກອບດ້ວຍ ການຈຳກັດຄວາມຂອງ ‘ຄວາມໝັ້ນຄົງແຫ່ງຊາດ’ ທີ່ບໍ່ຈະແຈ້ງ ແລະຂໍ້ກຳນົດຕ່າງໆ ທີ່ຈະອຳນວຍໃຫ້ ມີການລົງໂທດ ຕໍ່ທັດສະນະທີ່ບໍ່ເຫັດດີເຫັນພ້ອມ, ຄວາມເຊື່ອຖືດ້ານສາສະໜາ, ຂໍ້ມູນອອນລາຍນ໌, ແລະ ການທ້າທາຍຕໍ່ອະທິປະໄຕທາງດ້ານອິນເຕີແນັດຂອງຈີນ.”
