ໃນຂະນະທີ່ຈີນກຳລັງພັກດັນໂຄງການ “ນຶ່ງແລວທາງນຶ່ງເສັ້ນທາງ” ຢູ່ໃນທົ່ວເອເຊຍ
ເວລານີ້ ເພື່ອເສີມຂະຫຍາຍສະມັດຖະພາບ ທາງດ້ານເສດຖະກິດ ດ້ວຍເສັ້ນທາງໃໝ່ນັ້ນ,
ແມ່ນ້ຳຂອງ ກໍແມ່ນອາດຈະປະເຊີນໜ້າກັບການປ່ຽນແປງທີ່ບໍ່ອາດສາມາດຈະຕ່າວປີ້ນ
ໄດ້ ໃນຂະນະທີ່ພວກນັກວິສະວະກອນຈີນ ຊອກຫາຊ່ອງທາງທີ່ຈະລະເບີດລະເບີດ
ແມ່ນ້ຳດັ່ງກ່າວ ເພື່ອໃຫ້ກຳປັ່ນບັນທຸກນ້ຳໜັກ 500 ໂຕນ ໄດ້ແລ່ນໄປມາສະດວກ.
ສຕິວ໌ ແຊນຟອຣ໌ດ ລາຍງານມາຈາກເມືອງທ່າຂອງໄທ ທີ່ເມືອງຊຽງຂອງ ກ່ຽວກັບວ່າ
ການລະເບີດດັ່ງກ່າວ ຈະສົ່ງຜົນກະທົບຢ່າງໃດ ຕໍ່ແມ່ນ້ຳຂອງທີ່ໄຫຼຜ່ານ 6 ປະເທດ
ໃນເອເຊຍ ຊຶ່ງວັນນະສອນຈະນຳລາຍລະອຽດມາສະເໜີທ່ານ.
ຕາມລຳແມ່ນ້ຳຂອງ ການພັດທະນາແລະການຄ້າຂາຍ ໄດ້ປ່ຽນສະຖານະການທາງດ້ານ
ເສດຖະກິດຂອງພວກຜູ້ຄົນທີ່ອາໄສຢູ່ຕາມແຄມຝັ່ງແມ່ນໍ້າດັ່ງກ່າວ.
ສຳລັບທ້າວ ມະນັດ ສຸດທະວົງ ຊາວປະມົງໄທແລ້ວແມ່ນວ່າ ລາຍໄດ້ຂອງລາວໄດ້ຫຼຸດລົງ
ຍ້ອນຜົນກະທົບໃນທາງລົບຂອງເຂື່ອນຢູ່ທາງເໜືອເຈັດແຫ່ງຂອງຈີນທີ່ຄວບຄຸມການໄຫຼ
ຂອງນໍ້າແລະຊີວິດຂອງປາ. ລາວກ່າວວ່າ “ໃນອະດີດ ພວກເຮົາໃຊ້ 16 ຊັງຕີແມັດ ແລະ
14 ຊັງຕີແມັດ, ແຕ່ມາບັດນີ້ ພວກເຮົາໃຊ້ແຕ່ພຽງແຕ່ 10 ຊັງຕີແມັດ. ພວກປາໃຫຍ່
ກໍຍັງເຫຼືອຄ້າງຢູ່, ແຕ່ກໍບໍ່ຫຼາຍເໝືອນເມື່ອກ່ອນ.”
ຖະໜົນເສັ້ນຫຼັກ ທີ່ເສື່ອມຕໍ່ ຫຼາຍປະເທດ ແມ່ນໄດ້ຖືກສ້າງຂຶ້ນແລ້ວ, ແຕ່ວ່າ ຈີນກໍຍັງ
ຢືນຢັດວ່າ ຈະຂະຫຍາຍ ແມ່ນ້ຳຂອງຢູ່ ເພື່ອລະເບີດໂງ່ນຫີນແລະຫາດຊາຍຢູ່ຕາມ
ລຳແມ່ນໍ້ານັ້ນ.
ປີກາຍນີ້ ການປະທ້ວງຂອງພວກປົກປ້ອງສະພາບແວດລ້ອມ ໄດ້ເຮັດໃຫ້ແຜນການນີ້
ຖືກໂຈະໄວ້ ແຕ່ເຖິງແມ່ນຈະມີຫຼັກຖານວ່າຈະມີໄພອັນຕະລາຍ ຕໍ່ການຂະຫຍາຍພັນ
ຂອງປາ ແລະດິນປູກຝັງກໍຕາມ ແຕ່ພວກນັກສະພາບແວດລ້ອມ ກໍຍັງຢ້ານວ່າ ວຽກງານ
ດັ່ງກ່າວແມ່ນຍັງຈະດຳເນີນຕໍ່ໄປຢູ່.
ທ່ານນິວັຕ ຣອຍແກ້ວ ຜູ້ກໍ່ຕັ້ງຫຼັກຊຽງຂອງ ຊາວໄທກ່າວວ່າ “ຈີນພວມຂະຫຍາຍອຳນາດ
ທາງດ້ານເສດຖະກິດຂອງເຂົາເຈົ້າ. ນີ້ເປັນສ່ວນນຶ່ງຂອງແຜນຍຸດທະສາດຂອງພວກ
ເຂົາເຈົ້າ ເພື່ອຄວບຄຸມ ແລະມີອຳນາດ ໃນໂຄງການນຶ່ງແລວທາງນຶ່ງເສັ້ນທາງ. ນີ້ແມ່ນ
ພື້ນຖານຂອງແຜນການຂອງພວກເຂົາເຈົ້າ ທີ່ຈະຄວບຄຸມເສດຖະກິດຂອງໂລກ. ຜົນປະໂຫຍດທັງໝົດຈະເຂົ້າຖົງພວກເຂົາເຈົ້າ.”
ເຖິງແມ່ນວ່າຈະມີການຂັດຄ້ານກໍຕາມ, ແຕ່ກຸ່ມທຸລະກິດທ້ອງຖິ່ນ ກໍມອງເຫັນວ່າເປັນ
ໂອກາດ ທີ່ຈະນຳເງິນໂດລາຈາກພວກນັກທ່ອງທ່ຽວເຂົ້າມາ.
ທາງລຸ່ມລົງມາ ຈາກບ່ອນທີ່ຈະລະເບີດຫີນ ໃນສາມຫຼຽມຄຳ ແມ່ນມີການວາງແຜນໄວ້ວ່າ
ຈະເປັນເມືອງທ່າ ເພື່ອຫັນປ່ຽນໃຫ້ເປັນສູນກາງຂອງພວກນັກທ່ອງທ່ຽວ ເພື່ອດຶງດູດເອົາ
ພວກສະໜັບສະໜຸນໃນທ້ອງຖິ່ນ.
ທ່ານສິດທັຕ ນໍຣະສິງ ຜູ້ຈັດການທ່າເຮືອຊຽງແສນ ກ່າວວ່າ “ໃນຄວາມຄິດຂອງຂ້າພະ
ເຈົ້າແລ້ວ ຂ້າພະເຈົ້າຢາກໃຫ້ໂຄງການນີ້ເກີດຂຶ້ນ. ເຮັດໂລດ ເຮັດໃຫ້ມັນໃຫຍ່ຂຶ້ນ
ກວ້າງຂຶ້ນ.ມີຜູ້ຄົນຈຳນວນຫຼວງຫຼາຍ ມີຄວາມເປັນຫ່ວງເປັນໃຍວ່າ ຖ້າຫາກວ່າ
ພວກເຮົາເຮັດໃຫ້ແມ່ນ້ຳກວ້າງອອກ ແລະກຳປັ່ນຂອງຈີນ ຈະແລ່ນຜ່ານໄປມາ
ໃນຊຽງແສນ ແລະບໍ່ຈອດແລ້ວພວກເຂົາກໍຈະໄປຊື້ສິນຄ້າ ຢູ່ບ່ອນອື່ນ. ນັ້ນບໍ່ແມ່ນ
ຄວາມຈິງ.”
ສ່ວນກະຊວງການຕ່າງປະເທດຂອງຈີນ ກ່າວວ່າ ໂຄງການຈະດຳເນີນຕໍ່ໄປ ກໍຕໍ່ເມື່ອ
ມີການເຫັນດີເຫັນພ້ອມຈາກທຸກພັກຝ່າຍ ແຕ່ກໍມີຫຼາຍໆຄົນສົງໄສວ່າ ຜົນກະທົບຕໍ່
ສະພາບແວດລ້ອມ ຈາກໂຄງການນີ້ ຈະເປັນການຄຸ້ມຄ່າຫຼືບໍ່.
