ລິ້ງ ສຳຫລັບເຂົ້າຫາ

logo-print

ກອງທັບຈີນ ບໍ່ມີ ການເຄື່ອນໄຫວ ຂະນະທີ່ ເກົາຫຼີເໜືອ ຂູ່ວ່າ ຈະເຮັດສົງຄາມ (ສະໄລດ໌/ວີດີໂອ)


ຮູບພວກນາຍທະຫານຈີນ
ໃນຂະນະທີ່ກອງທັບສະຫະລັດແລະເກົາຫຼີໃຕ້ ພວມຕິດຕາມເບິ່ງ
ການເຄື່ອນໄຫວຂອງພວກທະຫານ ອາວຸດຍຸດໂທປະກອນແລະ ລູກສອນໄຟຂອງເກົາຫຼີເໜືອຢູ່ນັ້ນຈີນກໍບໍ່ໄດ້ເວົ້າຫຍັງຫຼາຍກ່ຽວ
ກັບວ່າ ກອງທັບຂອງຕົນໄດ້ເອົາມາດຕະການລະມັດລະວັງຫຍັງ
ແດ່. ຈີນ ເປັນປະເທດທີ່ມີຊາຍແດນ ຕິດກັບເກົາຫຼີເໜືອ ຍາວທີ່
ສຸດແຕ່ພວກນັກວິເຄາະເວົ້າວ່າ ປັກກິ່ງແມ່ນເພັ່ງເລັງໃສ່ການຮັກ ສາສະຖຽນລະພາບ ແລະ ບໍ່ມີຄວາມກັງວົນຫຍັງຫຼາຍວ່າ ຕົນຈະ ໄດ້ຮັບຜົນກະທົບຍ້ອນການເປັນປໍລະປັກກັນນັ້ນ. ຜູ້ສື່ຂ່າວວີໂອ
ເອ Daniel Schearf ມີລາຍງານກ່ຽວກັບເລື່ອງນີ້ຈາກບາງກອກ ດັ່ງໄພສານຈະນຳມາສະເໜີທ່ານໃນອັນດັບຕໍ່ໄປ.

ໃນຂະນະທີ່ເກົາຫຼີເໜືອ ເພີ້ມທະວີໂວຫານກະຫາຍສົງຄາມຂອງ
ຕົນຂຶ້ນຢູ່ນັ້ນ ສະຫະລັດກໍໄດ້ສົ່ງເຮືອບິນຖິ້ມລະເບີດທີ່ເຣດ້າຈັບ
ບໍ່ໄດ້ ຈາກລັດ Missouri ໄປຍັງເກົາຫລີໃຕ້ ແລະຍ້າຍລະບົບຕໍ່ ຕ້ານລູກສອນໄຟໄປຍັງເກາະກວມ.

ເກົາຫລີໃຕ້ກໍໄດ້ສົ່ງກຳປັ່ນລົບ ອອກທຳການລາດຕະເວນ ຢູ່ໃນ
ເຂດນ່ານນໍ້າຂອງຕົນ. ໜ່ວຍສືບລັບເກົາຫຼີໃຕ້ປະກາດວ່າ ຕົນໄດ້ຕິດຕາມເບິ່ງການເຄື່ອນ ຍ້າຍຖານຍິງລູກສອນໄຟຂອງເກົາຫຼີເໜືອໄປຍັງພາກຕາເວັນອອກຂອງປະເທດແຕ່ບໍ່ເຫັນ ມີການເຄື່ອນຍ້າຍກຳລັງທະຫານເປັນຈຳນວນຫຼວງຫຼາຍ ຫຼືອຸບປະກອນສົງຄາມທີ່ສຳຄັນໆ ແຕ່ຢ່າງໃດເລີຍ.

ທະຫານເກົາຫຼີເໜືອ ທີ່ເຂົ້າຮ່ວມສວນສະໜາມ ຢູ່ນະຄອນຫຼວງພຽງຢາງ
ທະຫານເກົາຫຼີເໜືອ ທີ່ເຂົ້າຮ່ວມສວນສະໜາມ ຢູ່ນະຄອນຫຼວງພຽງຢາງ


ຂະນະດຽວກັນ ຈີນ ຊຶ່ງເປັນພັນທະມິດແຕ່ພຽງປະເທດດຽວຂອງເກົາຫຼີເໜືອ ກໍບໍ່ໄດ້ມີການ ເຄື່ອນຍ້າຍທາງທະຫານທີ່ສຳຄັນໃດໆທັງໆທີ່ປະເທດທັງສອງໄດ້ເຊັນສົນທິສັນຍາປ້ອງກັນ ປະເທດຮ່ວມກັນ ໃນປີ 1961.

ຈີນ ແມ່ນໄດ້ໃຫ້ຄວາມສຳຄັນມາເປັນເວລາດົນນານແລ້ວ ກ່ຽວກັບການມີສະຖຽນລະພາບ
ຢູ່ໃນແຫຼມເກົາຫຼີ ເພື່ອປ້ອງກັນບໍ່ໃຫ້ມີຜູ້ອົບພະຍົບຫຼົບໄພເປັນຈຳນວນຫຼວງຫຼາຍຂ້າມຊາຍ ແດນແຕ່ພວກນັກວິເຄາະເວົ້າວ່າ ຄວາມວິຕົກກັງວົນເຫຼົ່ານັ້ນແມ່ນເວົ້າໂຍກເກີນຄວາມເປັນ ຈິງ.

ທ່ານ Carl Baker ຜູ້ອຳນວຍການຝ່າຍລາຍການປະຈໍາສູນກາງອະພິປາຍໃນດ້ານຍຸດທະ ສາດແລະການສຶກສານາໆຊາດ ເຂດມະຫາສະມຸດປາຊີຟິກ ທີ່ໂຮໂນລູລູ ລັດຮາວາຍ ກ່າວ ຜ່ານທາງ Skype ວ່າ ບໍ່ມີລາຍງານ ທີ່ສາມາດພິສູດໄດ້ວ່າ ມີການເສີມສ້າງກອງກຳລັງທະ ຫານທີ່ສຳຄັນໃດໆ ຢູ່ໃນບໍລິເວນຊາຍແດນ ຂອງປະເທດທັງສອງ.

ທ່ານ Baker ເວົ້າວ່າ “ຈີນ ຍັງສືບຕໍ່ ມີຄວາມວິຕົກກັງວົນ ກ່ຽວກັບ ການຫຼັ່ງໄຫຼຂອງ ພວກອົບພະຍົບ ແຕ່ບໍ່ມີທ່າທາງວ່າ ມັນຈະເປັນບັນຫາໃຫຍ່ ສຳລັບຈີນ. ຖ້າທ່ານ ຫາກມອງເບິ່ງຈຳນວນແລ້ວ ທ່ານຄົງຮູ້ດີຈຳນວນພວກອົບພະຍົບທີ່ອາດຈະຫຼັ່ງໄຫຼ ໜີອອກຈາກເກົາຫຼີເໜືອອາດຈະສ້າງຄວາມບໍ່ສະດວກໃຫ້ຈີນ ແຕ່ແນ່ນອນມັນຈະ ບໍ່ແມ່ນໄພພິບັດ ສຳລັບຈີນ ທີ່ຈະຮັບມືກັບພວກອົບພະຍົບ ທີ່ຂ້າມຊາຍແດນ ເຂົ້າ
ໄປ. ແຕ່ອີກຄັ້ງນຶ່ງຂ້າພະເຈົ້າຍັງບໍ່ເຫັນຫຼັກຖານໃດໆທີ່ສະແດງໃຫ້ເຫັນວ່າ ມີການ ເຄື່ອນຍ້າຍກຳລັງທະຫານເປັນຈຳນວນຫຼວງຫຼາຍ ໄປຍັງໃນຂົງເຂດດັ່ງກ່າວນີ້.”


ສ່ວນທ່ານ Euan Graham ນັກຊ່ຽວຊານອະວຸໂສ ທີ່ມະຫາວິທະຍາໄລ Nanyang Technology ຢູ່ສິງກະໂປ ກ່າວວ່າ ແນວໃດກໍຕາມ ມັນນອນຢູ່ໃນຜົນປະໂຫຍດຂອງຈີນ ທີ່ຈະປ້ອງກັນບໍ່ໃຫ້ເກີດບັນຫາຂັດແຍ້ງ ທີ່ອາດຈະນຳເອົາກອງກຳລັງທະຫານອາເມຣິກັນ ມາສູ່ບໍລິເວນຊາຍແດນຂອງຕົນນັ້ນ.

ທ່ານ Graham ເວົ້າວ່າ “ເຫດຜົນທີ່ວ່າ ການຮັກສາໃຫ້ເກົາຫຼີເໜືອເປັນເຂດກັນຊົນ ນັ້ນ ຂ້າພະເຈົ້າຄິດວ່າ ໄດ້ຮັບຄວາມເຫັນພ້ອມນໍາຢ່າງກ້ວງຂວາງ ໂດຍສະເພາະ ແລ້ວ ແມ່ນຢູ່ພາຍໃນວົງການທະຫານຂອງຈີນ. ຂ້າພະເຈົ້າຄິດວ່າ ໃນທັດສະນະ ດ້ານຍຸດທະສາດໃນຂອບເຂດທີ່ກວ້າງຂວາງກ່ວານັ້ນ ມັນເປັນອົງປະກອບ ທີ່ຈີນ ນໍາໃຊ້ໃນການຊັ່ງຊາຍຸດທະສາດຂອງຕົນເພື່ອຮັບມືກັບການສ້າງຄວາມກໍ້າເກິ່ງຄືນ ໃໝ່ຂອງສະຫະລັດຢູ່ໃນຂົງເຂດເອເຊຍແລະເຖິງແມ່ນວ່າເກົາຫຼີເໜືອອາດຈະເປັນ ພັນທະມິດທີ່ຫົວແຂງ ບໍ່ເຊື່ອຟັງແລະບໍ່ສ້າງສັນ ຈາກຫຼາຍໆຄວາມເຫັນກໍຕາມ ແຕ່ ປັກກິ່ງ ກໍຍັງເປັນພັນທະມິດປະເທດດຽວເທົ່ານັ້ນ ທີ່ເກົາຫຼີເໜືອມີ.”

ເກົາຫຼີເໜືອຍັງເປັນໜີ້ຈີນ ສໍາລັບການຢູ່ລອດຂອງຕົນມາຈົນຮອດປັດຈຸບັນ ຍ້ອນການໃຫ້ ຄວາມສະໜັບສະໜຸນທາງທະຫານຂອງຈີນໃນລະຫວ່າງສົງຄາມເກົາຫຼີ.



ໃນຂະນະທີ່ ເກົາຫຼີເໜືອພວມຈະແຕກ ຢູ່ແລ້ວນັ້ນ ປັກກິ່ງໄດ້ຫັນປ່ຽນທິດທາງຂອງສົງຄາມ ດ້ວຍການສົ່ງທະຫານປະມານ 2 ລ້ານຄົນໄປຊ່ວຍຕີຕ້ານກຳລັງສະຫະປະຊາຊາດພາຍໃຕ້ ການນຳພາຂອງສະຫະລັດ.

ຄັ້ງນຶ່ງຜ່ານມາ ຈີນເຄີຍກ່າວເຖິງຄວາມສຳພັນຂອງຕົນ ກັບເກົາຫຼີເໜືອວ່າ ມີຄວາມໃກ້ຊິດ ຄືກັນກັບສົບກັບແຂ້ວ.

ແຕ່ຄວາມກະຫາຍສົງຄາມຂອງເກົາຫຼີເໜືອແລະການສືບຕໍ່ຊອກສະແຫວງຫາຊ່ອງທາງເພື່ອ ໃຫ້ມີອາວຸດນິວເຄລຍນັ້ນພາໃຫ້ປັກກິ່ງໃຫ້ການສະໜັບສະໜຸນການລົງໂທດຂອງສະຫະປະ ຊາຊາດຕໍ່ເກົາຫຼີເໜືອແລະໃນອັນທີ່ພວກນັກວິເຄາະບາງຄົນມອງເບິ່ງວ່າເປັນການເມີນເສີຍ ບໍ່ໃຫ້ຄວາມສົນໃຈ ຕໍ່ຜູ້ນຳໃໝ່ທີ່ຍັງໜຸ່ມນ້ອຍຂອງເກົາຫຼີເໜືອນັ້ນ ຈີນຍັງບໍ່ເຄີຍເຊື້ອເຊີນໃຫ້ ກິມຈົງອຸນ ໄປຢ້ຽມຢາມປັກກິ່ງຈັກເທື່ອ ນັບຕັ້ງແຕ່ຜູ້ກ່ຽວໄດ້ເຂົ້າກຳອຳນາດແທນບິດາເປັນ ຕົ້ນມາ.

ນັກວິເຄາະ Graham ເວົ້າວ່າ ບໍ່ຄືກັນກັບທ່ານກິມ ຈົງ ອິລ ທີ່ເຖິງແກ່ອະສັນຍະກຳ ໃນປີ 2011 ທ່ານກິມ ຈົງ ອຸນ ຍັງບໍ່ຮູ້ຈັກວ່າ ຕົນຈະສາມາດກົດດັນຕໍ່ຂີດຄວາມອົດທົນຂອງຈີນ ໄປໄດ້ໄກສໍ່າໃດ.

ທ່ານ Graham ເວົ້າວ່າ “ທ່ານກິມ ຈົງ ອິລ ແນ່ນອນແມ່ນມີຄວາມຊໍານານຫລາຍໃນ ການເຂົ້າໄປໃກ້ໆເສັ້ນແດງກັບຈີນ ແຕ່ກໍບໍ່ເຄີຍຂ້າມເສັ້ນດັ່ງກ່າວນັ້ນ. ແຕ່ມັນເປັນ ເລື້ອງທີ່ສ່ຽງ ທີ່ມີຜູ້ນຳທີ່ໜຸ່ມນ້ອຍ ແລະຂາດປະສົບພະການ ທີ່ອາດກ້າວຂ້າມເສັ້ນ ດັ່ງກ່າວນັ້ນ ຍ້ອນມີຄວາມເຊື່ອໝັ້ນຫຼາຍເກີນໄປ. ແນ່ນອນວ່າ ຍິ່ງເກົາຫຼີເໜືອພັດ ທະນາຄວາມສາມາດດ້ານອາວຸດນິວເຄລຍແລະລູກສອນໄຟໄປຫຼາຍເທົ່າໃດກໍຍິ່ງ ມີຄວາມສ່ຽງຫຼາຍຂຶ້ນທໍ່ນັ້ນ ຕໍ່ການທີ່ກິມຈົງອຸນ ຈະມີຄວາມເຊື່ອໝັ້ນຕົນເອງ ຫຼາຍ ເກີນໄປ.”

ຂະນະດຽວກັນ ພວກຕິດຕາມເບິ່ງການເຄື່ອນໄຫວຂອງຈີນ ກໍພວມຊອກຫາຮ່ອງຮອຍກ່ຽວ ກັບການປ່ຽນແປງ ໃນນະໂຍບາຍຢ່າງເປັນທາງການຕໍ່ເກົາຫຼີເໜືອ. ທ່ານ Baker ກ່າວວ່າ ພວກເຂົາເຈົ້າຄວນຈັບຕາຢ່າງໃກ້ຊິດ ເບິ່ງຄວາມສຳພັນ ລະຫວ່າງກຸງປັກກິ່ງ ແລະກຸງໂຊລ ນຳດ້ວຍ.

ທ່ານ Baker ເວົ້າວ່າ “ຂ້າພະເຈົ້າຄິດວ່າ ສຳລັບຈີນ ໃນທີ່ສຸດແລ້ວ ການແຂ່ງຂັນທີ່ ແທ້ຈິງໃນເກົາຫຼີເໜືອກໍຄືລະຫວ່າງຈີນເອງແລະເກົາຫຼີໃຕ້. ແລະດ້ວຍເຫດນີ້ຂ້າພະ ເຈົ້າຈຶ່ງຄິດວ່າ ນັ້ນຄື ສິ່ງທີ່ພວກເຮົາຕ້ອງໄດ້ຈັບຕາເບິ່ງຢ່າງໃກ້ຊິດເປັນພິເສດ ກໍຄື ຄວາມສຳພັນລະຫວ່າງເກົາຫຼີໃຕ້ກັບຈີນຈະດຳເນີນໄປແບບໃດໃນເວລານີ້ໃນເມື່ອ ມັນມີ ດັ່ງທີ່ພວກທ່ານຮູ້ຈັກ ການປະເຊີນໜ້າແບບເປັນປໍລະປັກກັນ ລະຫວ່າງເກົາ ຫຼີໃຕ້ ແລະເກົາຫຼີເໜືອ. ຈີນ ຈະເອົາຝ່າຍໃດແທ້? ຈີນ ຈະໃຫ້ການສະໜັບສະໜຸນ
ເກົາຫຼີເໜືອຫຼາຍປານໃດແລະຈະໃຫ້ການສະໜັບສະໜຸນເກົາຫຼີໃຕ້ຫຼາຍປານໃດ?”


ທ່ານ Baker ເວົ້າວ່າ ເກົາຫຼີໃຕ້ແລະສະຫະລັດກຳລັງພະຍາຍາມຫາທາງທັບມ້າງແນວທາງ ທີ່ເກົາຫຼີເໜືອຢຶດໝັ້ນມາເປັນເວລາດົນນານ ໃນການເພີ້ມທະວີ ສ້າງຄວາມເຄັ່ງຕຶງເພື່ອກົດ ດັນໃຫ້ມີການຜ່ອນຜັນທາງດ້ານການທູດ ແລະເສດຖະກິດແກ່ຕົນນັ້ນ.

ໃນຂະນະດຽວກັນຈີນແມ່ນຍັງສືບຕໍ່ຮຽກຮ້ອງໃຫ້ທຸກຝ່າຍໃຊ້ຄວາມຢັບຢັ້ງແລະກັບຄືນເຂົ້າ ຮ່ວມການເຈລະຈາຂອງນາໆຊາດ ເພື່ອຍຸຕິໂຄງການນິວເຄລຍ ຂອງເກົາຫຼີເໜືອ.

ເບິ່ງວີດີໂອກ່ຽວຂ້ອງ:

ເບິ່ງຄວາມເຫັນ (2)

ຟໍຣັມສະແດງຄວາມເຫັນ ກ່ຽວກັບເລື່ອງນີ້ ອັດແລ້ວ

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG