ລິ້ງ ສຳຫລັບເຂົ້າຫາ

ທ່ານ Li Kequiang ຮອງນາຍົກລັດຖະມົນຕີຈີນ ໄດ້ເດີນທາງ​ໄປເຖິງນະຄອນຫລວງພຽງ
ຢາງ ຂອງເກົາຫລີເໜືອ​ໃນວັນອາທິດມື້ນີ້ ໃນການຢ້ຽມຢາມສັນທະວະໄມຕີກັນ.

ການຢ້ຽມຢາມຂອງຜູ້ທີ່ຖືກຄາດກັນຫລາຍທີ່ສຸດວ່າຈະເປັນຜູ້ສືບຕໍາແໜ່ງນາຍົກລັດຖະມົນຕີ
ຕໍ່​ຈາກທ່ານເຫວິນ ເຈ້ຍບາວ ນັ້ນ ມີຂຶ້ນມື້ນຶ່ງກ່ອນສະຫະລັດແລະເກົາຫລີເໜືອມີກໍານົດຈະ
ພົບປະກັນ ທີ່ນະຄອນຫລວງເຈນີວາ ປະເທດສວີດເຊີແລນ ​ໃນຮອບທີ່ສອງຂອງການສົນທະ
ນາຫາລືໂດຍກົງ ທີ່ແນເປົ້າໝາຍໃສ່ການຟື້ນຟູການເຈລະຈາເລຶ່ອງປົດອາວຸດນີວເຄລຍ ຂອງ
ເກົາຫລີ​ເໜືອ ທີ່​ໄດ້​ຢຸດ​ສະ​ງັກລົງມາດົນ​ແລ້ວນັ້ນ.

ກະຊວງຕ່າງປະເທດຂອງຈີນກ່າວວ່າ ການຢ້ຽມຢາມຂອງທ່ານລີ ​ເຄກຽງຄັ້ງນີ້ ມີກໍານົດ ຈະສິ້ນສຸດລົງໃນວັນອັງຄານຕໍ່ໜ້ານີ້.

ເວລານີ້ ຍັງບໍ່ມີລາຍລະອຽດໃດໆກ່ຽວ​ກັບວ່າ ພັນທະມິດແລະພາຄີການຄ້າສອງປະເທດນີ້
ຈະປຶກສາຫາລືກັນ​ໃນ​ເລື່ອງ​ໃດ​ກັນ​ແທ້.

XS
SM
MD
LG