ລິ້ງ ສຳຫລັບເຂົ້າຫາ

ພັນ​ລະ​ຍາ​ຂອງນາຍ Liu Xiaobo ​ຖືກ​ກັກ​ບໍລິ​ເວນ

  • ວັນນະສອນ ແກ້ວດາຣາ

ບ້ານພັກທີ່ປັກກິ່ງຂອງ ນາງ Liu Xia ພັນ​ລະ​ຍາ​ຂອງ​ນັກ​ໂທດນາຍ Liu Xiaobo ທີ່ຖືກ​ກັກ​ບໍລິ​ເວນນັ້ນ.

ພັນ​ລະ​ຍາ​ຂອງ​ນັກ​ໂທດ ນາຍ Liu Xiaobo ຜູ້​ທີ່​ຫາ​ກໍໄດ້
ຮັບ​ລາງວັນ Nobel ຂະແໜງ​ສັນຕິພາບ​ນັ້ນ ໄດ້​ບອກ​ໃຫ້
ໂລກ​ຊາບ​ວ່າ ນາງ​ໄດ້​ຖືກ​ກັກ​ບໍລິ​ເວນ.

ນາງ Liu Xia ​ໄດ້​ຂຽນບອກ​ຜ່ານ Twitter ​ທາງອິນ​ເທິ
ເນັດໃນ​ວັນ​ອາທິດວານ​ນີ້​ວ່າ ນາງ​ບໍ່ໄດ້​ຮັບ​ອຸ​ນະຍາດ​ໃຫ້
ອອກ​ຈາກ​ຕຶກ​ອາຄານ​ບ້ານພັກ​ຂອງ​ນາງທີ່​ປັກ​ກິ່ງນັ້ນ​
ຫຼັງ​ຈາກທີ່​ທາງ​ການ​ໄດ້​ປ່ອຍ​ໃຫ້ນາງ​ໄປພົບ​ພໍ້​ກັບສາມີ​ນັກ
ໂທດ​ຂອງນາງ​ໃນ​ຄຸກ​ ກ່ອນ​ໜ້າ​ນັ້ນໃນ​ມື້ວານນີ້. ລາວ​ຍັງ
ເວົ້າ​ວ່າ ​ໂທລະສັບ​ຂອງ​ນາງ​ກໍ​ຖືກ​ຕັດ​ເຊັ່ນ​ກັນ. ໃນ​ວັນ​ຈັນ
ມື້​ນີ້ ປະ​ເທດນໍເວຖະ​ແຫລງ​ວ່າ ຈີນ​ໄດ້​ຍົກ​ເລີກ​ການ​ພົບ​ປະກັບ​ລັດຖະມົນຕີ​ນໍ​ເວ​ທ່ານ​ນຶ່ງ ທີ່​ກໍາລັງຢ້ຽມຢາມ​ຈີນ​ຢູ່​ ນັ້ນ ຊຶ່ງເປັນ​ການປະຕິບັດຕາມ​ຄໍາ​ເຕືອນ​ທີ່​ວ່າ ​ຄວາມ​ສຳ ພັນ​ທາງ​ການ​ທູດລະຫວ່າງທັງ​ສອງ​ປະ​ເທດ​ ຈະ​ໄດ້​ຮັບ​ຜົນ ​ກະທົບ ຖ້າ​ຫາກວ່ານາຍ Liu Xiaobo ​ໄດ້​ຮັບ​ລາງວັນ ດັ່ງກ່າວ.

ທ່ານ Lisbeth Berg-Hansen ລັດ​ຖະ​ມົນ​ຕີການປະມົງຂອງ​ນໍ​ເວ ​ແມ່ນ​ໄດ້​ໄປ​ເຖິງຈີນ
ແລ້ວ ເພື່ອ​ພົບ​ປະ​ກັບ​ທາງ​ການ​ຈີນ​ທີ່ຊຽງ​ໄຮ້​ ໃນ​ວັນ​ພຸດຈະ​ມາ​ນີ້.

ຄະນະ​ກໍາມະການ​ມອບລາງວັນ​ໂນແບ​ລຂະ​ແໜງ​ສັນຕິພາບ ​ແມ່ນປະ​ຈໍາ​ຢູ່​ອ໊ອສ​ໂລ ແຕ່ເປັນ​
ເອກ​ກະລາດ ບໍ່​ຂຶ້ນ​ກັບ​ລັດຖະບານ​ນໍ​ເວ​ແຕ່​ຢ່າງ​ໃດ​ເລີຍ.

XS
SM
MD
LG