ຈີນກ່າວວ່າ ຕົນຈະແກ້ໄຂຕໍ່ຄໍາຂໍຮ້ອງທີ່ມີເຫດມີຜົນຂອງ
ພວກຄົນລ້ຽງແກະ ໃນມອງໂກເລຍທີ່ພາກັນທໍາການປະ
ທ້ວງໃນສັບປະດາຜ່ານມານີ້.
ໃນການຖະແຫຼງຂ່າວຂອງກະຊວງການຕ່າງປະເທດຈີນ
ໃນກຸງປັກກິງ ໃນວັນອັງຄານມື້ນີ້ທ່ານນາງ Jiang Yu
ໂຄສົກປະຈໍາກະຊວງ ກ່າວວ່າ ທາງການປະຈໍາພາກພື້ນ
ຈະທໍາການເຄື່ອນໄຫວເພື່ອປົກປ້ອງສິ່ງ ແວດລ້ອມ ແລະ
ຫາຄວາມກໍ້າເກິ່ງກັນທີ່ສອດຄ້ອງລະຫວ່າງການປົກປ້ອງ
ສະພາບແວດລ້ອມແລະການພັດທະນາດ້ານເສດຖະກິດ.
ທ່ານນາງ Jiang Yu ກ່າວຕື່ມວ່າ ພວກໃດທີ່ໄດ້ທໍາ
ຄວາມຜິດກໍຈະຖືກລົງໂທດຕາມຕົວບົດກົດໝາຍ.
ໄດ້ມີການສົ່ງພວກກໍາລັງຮັກສາຄວາມປອດໄພຈີນ ໃນຈໍານວນຫລວງຫລາຍເພື່ອປາບປາມພວກປະທ້ວງ ຊຶ່ງໄດ້ເລີ້ມຂຶ້ນຫລັງຈາກລົດບັນທຸກຈີນຄັນນຶ່ງແລ່ນຕໍາຄົນລ້ຽງແກະຊາວມອງໂກເລຍຄົນນຶ່ງຕາຍທີ່ພວມທໍາການປະທ້ວງຕໍ່ພວກລົດຂົນສົ່ງຖ່ານຫິນຂອງຈີນແລ່ນຜ່ານທົ່ງລ້ຽງສັດຂອງເຂົາເຈົ້ານັ້ນ.
ທ່ານນາງ Jiang ຍັງໄດ້ຕໍາໜິຕິຕຽນກຸ່ມຕ່າງໆໃນຕ່າງປະເທດທີ່ບໍ່ໄດ້ບອກຊື່ໃຫ້ຊາບວ່າ ຄວາມພະຍາຍາມຂອງພວກເຂົາເຈົ້າທີ່ກະຕຸກຊຸກ ຍູ້ໃຫ້ເກີດບັນຫາຂຶ້ນນັ້ນ ຈະໄດ້ຮັບການປາໄຊ. ສື່ມວນຊົນຂອງຈີນສ່ວນໃຫຍ່ແມ່ນໄດ້ມິດງຽບມາກ່ຽວກັບການປະທ້ວງໃນເຂດມອງໂກເລຍໃນນີ້ ຊຶ່ງທໍາອິດແມ່ນໄດ້ລາຍງານໂດຍກຸ່ມສົ່ງເສີມກຸ່ມນຶ່ງທີ່ມີຫ້ອງການຕັ້ງຢູ່ໃນສະຫະ ລັດ ທີ່ເອີ້ນວ່າສູນກາງໃຫ້ຂໍ້ມູນວ່າດ້ວຍສິດທິມະນຸດຂອງຊາວມອງໂກເລຍໃນພາກໃຕ້ນັ້ນ.
