ອົງການຂ່າວທາງການຈີນກ່າວວ່າ ຄົນງານຂຸດບໍ່ 28 ຄົນ ຕົກຄ້າງຢູ່ໃນບໍ່ຖ່ານຫິນແຫ່ງນຶ່ງທີ່ຖືກນໍ້າຖ້ວມ ໃນແຂວງຊີສວນ ໃນພາກຕາເວັນຕົກສຽງໃຕ້ຂອງຈີນ.
ໂຄສົກປະຈໍາຫ້ອງການວ່າດ້ວຍຄວາມປອດໄພໃນການເຮັດວຽກຂອງ ແຂວງກ່າວຕໍ່ ອົງການຂ່າວຊິນຫົວຂອງທາງການຈີນວ່າ ອຸບັດເຫດທີ່ວ່ານີ້ໄດ້ເກີດຂຶ້ນໃນຕອນທ່ຽງວັນອາທິດມື້ນີ້ເອງ ໃນເຂດ Weiyuan ຂອງເມືອງ Neijiang.
ອົງການຂ່າວຊິນຫົວກ່າວວ່າ ຄົນງານ 41 ຄົນກໍາລັງເຮັດວຽກຢູ່ໃນບໍ່ເວລາເກີດນໍ້າຖ້ວມທີ່ບໍ່ຖ່ານຫິນ Batian Coal Mine ນັ້ນ. ໂຄສົກ ເວົ້າຕື່ມວ່າ ຄົນງານບໍ່ 13 ຄົນລອດຊີວິດອອກມາໄດ້ ແລະວ່າ ເວລານີ້ ການຊ່ອຍກູ້ໄພກໍາລັງດໍາເນີນຢູ່ຕໍ່ໄປ ແຕ່ບໍ່ຮູ້ວ່າພວກຄົນງານ ທີ່ຕົກຄ້າງຢູ່ທາງ
ໃນນັ້ນ ຢູ່ບ່ອນໃດກັນແທ້.
ຈີນມີປະວັດດ້ານອຸບັດເຫດບໍ່ຖ່ານຫີນທີ່ຂີ້ຮ້າຍທີ່ສຸດໃນໂລກ. ສະເພາະແຕ່ປີກາຍນີ້ປີດຽວ
ມີຄົນງານເສຍຊີວິດຫລາຍກວ່າ 2600 ຄົນ.
