ຈີນເນ້ນເຖິງຄໍາໝັ້ນໝາຍຂອງຕົນຕໍ່ຄວາມໂຈ່ງແຈ້ງທາງ
ທະຫານແລະການບໍ່ທໍາການຮຸກຮານໃນສະມຸດປົກຂາວ
ທີ່ເປີດເຜີຍໃຫ້ຮູ້ໃນວັນອັງຄານມື້ກ່ອນນີ້ ໂດຍໄດ້ເຜີຍ
ໃຫ້ເຫັນແຜນດ້ານຍຸດທະສາດແລະນະໂຍບາຍຕ່າງໆ
ໃຫ້ຮູ້.
ອົງການຂ່າວຊິນຫົວທາງການຈີນກ່າວວ່າສະມຸດປົກ
ຂາວດັ່ງກ່າວແມ່ນພິມອອກໃນທຸກໆ 2 ປີ ຢືນຢັນ
ຄວາມໝັ້ນໝາຍຂອງຈີນຕໍ່ການກໍາຈັດພວກອາວຸດ
ຂ້າລ້າງຜານຜູ້ຄົນເປັນໝູ່ ແລະໃຫ້ຄໍາໜັ້ນສັນຍາວ່າ
ຈະບໍ່ເປັນຜູ້ໃຊ້ພວກອາວຸດນີວເຄລຍກ່ອນຕໍ່ປະເທດ
ໃດກໍຕາມທີ່ບໍ່ມີອາວຸດນີວເຄລຍນັ້ນ.
ແຕ່ໃນບົດຄວາມເຫັນທີ່ອາດຈະສ້າງຄວາມເປັນຫ່ວງ
ໃຫ້ແກ່ພວກປະເທດເພື່ອນບ້ານໃນພາກພື້ນສະມຸດປົກ
ຂາວສະບັບນີ້ໃຫ້ຂໍ້ສັງເກດກ່ຽວກັບກອງທັບເຮືອຈີນທີ່
ໄດ້ພັດທະນາຍຸດທະສາດປ້ອງກັນນອກຝັ່ງທະເລ ດ້ວຍ
ສະມັດຖະພາບໃນການປະຕິ ບັດງານໃນນ່ານນໍ້າທີ່ຢູ່ຫ່າງໄກໄດ້ແລະສາມາດຕອບໂຕ້ຕໍ່ການ
ຂົ່ມຂູ່ດ້ານຄວາມປອດໄພແບບທີ່ບໍ່ເຄີຍມີມາກ່ອນນັ້ນໄດ້. ຍຸດທະສາດທີ່ວ່ານີ້ແມ່ນຮວມຢູ່ໃນ
ພາລະກິດທາງທະຫານຕ່າງໆນັ້ນກໍຄືວຽກການປົກປັກຮັກສາສິດທິທາງທະເລ ແລະຜົນປະ
ໂຫຍດຕ່າງໆຂອງຈີນເອົາໄວ້ນັ້ນ.
ກ່ຽວກັບເລື້ອງໄຕ້ຫວັນນັ້ນ ສະມຸດປົກຂາວສະບັບນີ້ແມ່ນເປີດກວ້າງ ໂອກາດສຳລັບການ
ຕິດ ແລະການແລກປ່ຽນກ່ຽວກັບເລື້ອງທະຫານຕາມເວລາທີ່ເໝາະສົມ ແລະກົນໄກຄວາມ
ປອດໄພທາງທະຫານໃນການໄວ້ເນື້ອເຊື່ອໃຈຊຶ່ງກັນແລະກັນ ແຕ່ຢືນຢັດວ່າ ຈີນແລະໄຕ້
ຫວັນໃນທີ່ສຸດຈະຕ້ອງທ້ອນໂຮມເຂົ້າກັນເປັນປະເທດນຶ່ງໃນອະນາຄົດນັ້ນ.
