ຈີນກ່າວເນ້ນໃນອັນທີ່ຕົນເອີ້ນວ່າ ພາບລວມກ່ຽວກັບຜົນປະໂຫຍດຊຶ່ງກັນແລະກັນຂອງການລົງທຶນຢ່າງມະຫາສານໃນພາກສ່ວນນໍ້າມັນຂອງລີເບຍ ຫລັງຈາກການໃຫ້ຄໍາແນະນໍາຕ່າງໆຂອງຝ່າຍກະບົດທີ່ວ່າ ກຸງປັກກິງອາດຈະໄດ້ຮັບຄວາມເສຍຫາຍຍ້ອນຄວາມລົ້ມແຫລວຂອງຈີນທີ່ບໍ່ໃຫ້ການສະໜັບສະນຸນມູນເຫດຂອງພວກກະບົດນັ້ນ.
ທ່ານ Wen Zhongliang ເຈົ້າໜ້າທີ່ຂັ້ນອາວຸໂສປະຈໍາກະຊວງການຄ້າ ຊຶ່ງເປັນຮອງຜູ້ອໍານວຍການກົມການຄ້າຕ່າງປະເທດຂອງຈີນ ກ່າວໃນວັນອັງຄານມື້ນີ້ວ່າ ຈີນຫວັງວ່າຈະພັດທະນາການຮ່ວມມືດ້ານເສດຖະກິດແລະການຄ້າກັບລີເບຍໃນທຸກໆດ້ານ ຫລັງຈາກການພັງທະລາຍລົງຢ່າງຈະແຈ້ງຂອງລັດຖະບານທ່ານມວມມາກາດດາຟີນັ້ນ.
ຈີນໄດ້ທຸ້ມເທເງິນຈໍານວນເປັນພັນໆລ້ານໂດລາເຂົ້າໃສ່ພາກສ່ວນນໍ້າມັນຂອງລີເບຍ ແລະໄດ້ອົບພະຍົບປະຊາຊົນຂອງຕົນຈໍານວນຫຼາຍກວ່າ 35 ພັນຄົນອອກຈາກລີເບຍໃນຕອນເລີ້ມຕົ້ນຂອງການລຸກຮືຂຶ້ນຕໍ່ຕ້ານລັດຖະບານກາດດາຟີນັ້ນ.
ແຕ່ຍັງບໍ່ເປັນທີ່ຈະແຈ້ງເທື່ອວ່າ ລັດຖະບານພາຍໃຕ້ການນໍາພາຂອງພວກກະບົດຈະເຄົາລົບ
ນັບຖືສັນຍາຕ່າງໆທີ່ມີຂຶ້ນໃນຍຸກການປົກຄອງ ຂອງທ່ານກາດດາຟີນັ້ນຫລືບໍ ແລະພວກບໍ
ລິສັດນໍ້າມັນທີ່ມີສ່ວນພົວພັນກັບພວກປະເທດສະມາຊິກກຸ່ມເນໂຕ້ທີ່ສະໜັບສະໜຸນການປະ
ຕິວັດນັ້ນກໍາລັງທໍາການເຄື່ອນໄຫວຢ່າງໄວເພື່ອສວາຍໂອກາດເອົາຄວາມໄດ້ປຽບກັບຄວາມ
ຫວັງດີຂອງພວກກະບົດນີ້.
