ຈີນກ່າວໃນວັນອັງຄານມື້ນີ້ວ່າ ພວກເຈົ້າໜ້າທີ່ຈະກວດກາເບິ່ງວ່າກົດລະບຽບຕ່າງໆໄດ້ຖືກລະ
ເມີດຫລືບໍທີ່ພວກບໍລິສັດຜະລິດອາວຸດຈີນພົບປະໃນເດືອນກໍລະກົດຜ່ານມາກັບພວກຕົວແທນ
ພິເສດຂອງລັດຖະບານພາຍໃຕ້ການນໍາພາຂອງທ່ານມວມມາກາດດາຟິທີ່ປົກຄອງປະເທດໃນ
ເວລານັ້ນ.
ທ່ານນາງ Jiang Yu ໂຄສົກປະຈໍາກະຊວງການຕ່າງປະເທດຈີນກ່າວວ່າ ໃນວັນພຸດມື້ອື່ນນີ້
ລັດຖະບານຈະເພີ່ມການກໍາກັບດູແລເບິ່ງການສົ່ງອອກສິນຄ້າທາງດ້ານທະຫານໃຫ້ເຄັ່ງຄັດ
ຂຶ້ນກວ່າເກົ່າ.
ທ່ານນາງ Jiang Yu ກ່າວຕື່ມວ່າ ຄວາມສໍາພັນກັບລັດຖະບານຊົ່ວຄາວພາຍໃຕ້ການ
ນໍາພາຂອງພວກກະບົດກໍາລັງດໍາເນີນໄປຢ່າງລາບລື້ນ ແລະວ່າ ຈີນຈະຮັບຮູ້ສະພາປົກ
ຄອງແຫ່ງຊາດລະຍະຂ້າມຜ່ານຂອງຝ່າຍກະບົດເວລາໃດຫາກເໝາະສົມ ແຕ່ທ່ານນາງບໍ່
ໄດ້ແຈ້ງໃຫ້ຊາບວ່າແມ່ນເວລາໃດ.
ຈີນໄດ້ຮັບຮູ້ໃນເວລານຶ່ງມື້ກ່ອນໜ້ານີ້ວ່າ ພວກຊ່ອຍວຽກທ່ານກາດດາຟີໄດ້ຢູ່ໃນກຸງປັກ
ກິງເພື່ອພະຍາຍາມຊອກຊື້ອາວຸດທີ່ທັນສະໄໝສໍາລັບໃຊ້ຕໍ່ຕ້ານພວກກໍາລັງຝ່າຍກະບົດທີ່
ພວມບຸກຄືບໜ້າຢູ່ນັ້ນ. ເອກກະສານຕ່າງໆທີ່ໜັງສືພິມການາດາສະບັບນຶ່ງຄົ້ນພົບໃນກຸງ
ຕຣີໂປລີສະແດງໃຫ້ຮູ້ວ່າ ບັນດາບໍລິສັດຜະລິດອາວຸດຈີນໄດ້ສະເໜີຂາຍອາວຸດໃຫ້ລີເບຍ
ເປັນມູນຄ່າປະມານ 200 ລ້ານໂດລາ.
