ຈີນຮຽກຮ້ອງໃຫ້ມີການຢຸດຍິງກັນໃນທັນທີໃນລີເບຍ ບ່ອນທີ່ສະຫະລັດ ຝຣັ່ງແລະປະເທດອື່ນໆພວມທຳການໂຈມຕີທາງອາກາດເພື່ອລົງໂທດລັດຖະບານລີເບຍ ໃນການປ້ອງກັນປະຊາຊົນທີ່ອາໄສຢູ່ໃນພາກຕາເວັນອອກຂອງປະເທດນັ້ນ.
ການໂຈມຕີດັ່ງກ່າວແມ່ນກໍາລັງດໍາເນີນໄປຕາມມະຕິຂອງ
ສະພາຄວາມໝັ້ນຄົງສະຫະປະຊາຊາດຊຶ່ງໄດ້ຮັບອະນຸມັດ
ໄປໃນທ້າຍສັບປະດາຜ່ານມາ ໂດຍການຍິນຍອມເຫັນ
ພ້ອມຂອງຈີນນັ້ນ.
ແຕ່ໂຄສົກປະຈໍາກະຊວງການຕ່າງປະເທດຈີນ ທ່ານນາງ Jiang yu ກ່າວໃນວັນອັງຄານມື້ນີ້ວ່າ ຈີນຢາກໃຫ້ທຸກພັກ ຝ່າຍຢຸດຕິການສູ້ລົບກັນໂດຍທັນທີ ແລະໃຫ້ເລີ້ມທໍາການເຈລະຈາກັນເພື່ອແກ້ໄຂບັນຫາເຫລົ່ານີ້.
ທ່ານນາງ Jiang Yu ກ່າວຕື່ມວ່າ ຈີນຄັດຄ້ານການໃຊ້ກໍາລັງທີ່ອາດຍັງຜົນເຮັດໃຫ້ພວກພົນລະເຮືອນໄດ້ຮັບບາດເຈັບລົ້ມຕາຍຕື່ມອີກ ແລະເກີດວິກິດການດ້ານມະນຸດສະທໍານັ້ນ.
